ಜಿಯೋ 1 GB ಡೇಟಾ ಸಾಲಲ್ಲ ಎನ್ನುವವರಿಗೆ ಗೂಗಲ್ ನಿಂದ ಈ ಆಪ್..!

ಹೇಗೆ ಕಾರ್ಯನಿರ್ವಹಿಸಲಿದೆ..?

ಗೂಗಲ್ ಲಾಂಚ್ ಮಾಡಿರುವ ಟ್ರೈಯಾಂಗಲ್ ಆಪ್ ನಿಮ್ಮ ಡೇಟಾ ಬಳಕೆಯ ಮೇಲೆ ಕಣ್ಣಿಟ್ಟಿರುವುದಲ್ಲದೇ , ನಿಮ್ಮ ಡೇಟಾ ಬ್ಯಾಲೆನ್ಸ್ ಚೆಕ್ ಮಾಡಲಿದೆ. ಅಲ್ಲದೇ ಯಾವುದಕ್ಕೆ ಎಷ್ಟು ಡೇಟಾವನ್ನು ಬಳಕೆ ಮಾಡಿಕೊಳ್ಳಲು ನೀಡಬೇಕು ಎಂಬುದನ್ನು ಅದೇ ನಿರ್ಧರಿಸಲಿದೆ. ಅಲ್ಲದೇ ಅನುಪಯುಕ್ತ ಕಾರ್ಯಗಳಿಗೆ ಬಳಕೆಯಾಗುತ್ತಿದ್ದ ಡೇಟಾಕ್ಕೆ ಕಡಿವಾಣ ಹಾಕಲಿದೆ.

ಆಪ್ ಬಗ್ಗೆ ಮಾಹಿತಿ ನೀಡಲಿದೆ:

ನಿಮ್ಮ ಫೋನಿನಲ್ಲಿರುವ ಅತೀ ಹೆಚ್ಚು ಡೇಟಾ ತಿನ್ನುತ್ತಿರುವ ಆಪ್ ಯಾವುದು ಎಂದು ಗುರುತಿಸುವುದಲ್ಲದೇ ಅದರ ಬದಲಿಗೆ ಮಾರಕಟ್ಟೆಯಲ್ಲಿ ಕಡಿಮೆ ಡೇಟಾ ಬಳಸುವ ಆಪ್ ಯಾವುದಿದೆ ಎಂಬುದನ್ನು ಹುಡುಕಿ ನಿಮಗೆ ತಿಳಿಸಲಿದೆ.

ಇದಲ್ಲದೇ ಆನ್‌ಲೈನಿನಲ್ಲಿ ಡೇಟಾದ ಬಗ್ಗೆಯೂ ಮಾಹಿತಿ ನೀಡಲಿದೆ:

ಆನ್‌ಲೈನಿನಲ್ಲಿ ಉಚಿತ ಡೇಟಾ ಎಲ್ಲಿ ದೊರೆಯಲಿದೆ ಎಂಬುದನ್ನ ಇದು ಹುಡುಕಲಿದೆ. ಅಲ್ಲದೇ ಈ ಆಪ್ ಡೌನ್ ಲೋಡ್ ಮಾಡಿದರೆ 100 MB ಡೇಟಾ ಸಹ ಬಳಕೆಗೆ ದೊರೆಯಲಿದೆ. ಈ ಆಪ್ ನಿಂದ ನಿಮ್ಮ ಡೇಟಾ ಸೇವ್ ಆಗುವುದಲ್ಲದೇ ಬೇರೆ ಮೂಲಗಳಿಂದ ಡೇಟಾವನ್ನು ಪಡೆಯುವುದು ಹೇಗೆ ಎಂಬುದು ತಿಳಿಯಲಿದೆ.

ಭಾರತದಲ್ಲಿನ್ನೂ ಬಂದಿಲ್ಲ:

ಸದ್ಯ ಈ ಆಪ್ ಫಿಲಿಫೈನಲ್ಲಿ ಲಾಂಚ್ ಆಗಿದ್ದು, ಇನ್ನು ಕೆಲವೇ ದಿನಗಳಲ್ಲಿ ಭಾರತೀಯ ಮಾರುಕಟ್ಟೆಯಲ್ಲಿಯೂ ದೊರೆಯಲಿದೆ ಎನ್ನಲಾಗಿದೆ. ಜಿಯೋ ಖರೀದಿಸಿದ ನಂತರ ಅರ್ಧ ದಿನಕ್ಕೆಲ್ಲ 70% ಡೇಟಾ ಖಾಲಿ ಆಯ್ತು ಎಂದು ಬೊಬ್ಬೆ ಹೊಡೆಯುತ್ತಿರುವವರಿಗೆ ಇದು ಹೇಳಿ ಮಾಡಿಸಿದಂತಹ ಆಪ್ ಆಗಿದೆ.