ಜಿಯೋ ಫೀಚರ್ ಫೋನ್ ಎದುರಾಗಿ ನೋಕಿಯಾದಿಂದ 1000ರೂ.ಗೆ ಮತ್ತೊಂದು ಫೀಚರ್ ಪೋನ್..!!

ನೋಕಿಯಾ TQ 1017:

ನೋಕಿಯಾ ಹೊಸದಾಗಿ ಬಿಡುಗಡೆ ಮಾಡಲು ಸಿದ್ಧತೆ ನಡೆಸಿರುವ ಫೀಚರ್ ಫೋನಿಗೆ ಸದ್ಯ TQ 1017 ಎಂದು ನಾಮಕರಣ ಮಾಡಲಾಗಿದ್ದು, ಈ ಫೋನ್ ಕುರಿತಂತೆ ಚೀನಾದಲ್ಲಿ ಮಾಹಿತಿ ಲೀಕ್ ಆಗಿದೆ. ಈ ಫೋನ್ ಅನ್ನು ನೋಕಿಯಾ ಶೀಗ್ರವೇ ಭಾರತದಲ್ಲಿ ಲಾಂಚ್ ಮಾಡಲಿದೆ ಎನ್ನಲಾಗಿದೆ.

ವಿನ್ಯಾಸ ಹೇಗಿದೆ:

ನೋಕಿಯಾ TQ 1017 ಫೋನಿನಲ್ಲಿ ಸಣ್ಣ ಡಿಸ್‌ಪ್ಲೇಯನ್ನು ಕಾಣಬಹುದಾಗಿದೆ. ಇದಲ್ಲದೇ ಹಿಂಭಾಗದಲ್ಲಿ ಕ್ಯಾಮೆರಾವನ್ನು ನೀಡಲಾಗಿದ್ದು, ಮುಂಭಾಗದಲ್ಲಿ ಫಿಜಿಕಲ್ ಕೀಪ್ಯಾಡ್ ಕಾಣಬಹುದಾಗಿದೆ. ಕೀಪ್ಯಾಡಿಗೆ ಹೆಚ್ಚಿನ ಜಾಗವನ್ನು ನೀಡಲಾಗಿದೆ.

ಜಿಯೋ ವಿರುದ್ದ:

ಜಿಯೋ ಭಾರತೀಯ ಮಾರುಕಟ್ಟೆಯಲ್ಲಿ ಕಡಿಮೆ ಬೆಲೆಗೆ ಫೀಚರ್ ಫೋನ್ ಮಾರಾಟ ಮಾಡುವುದಾಗಿ ಈ ಹಿಂದೆಯೆ ತಿಳಿಸಿತ್ತು. ಈ ಹಿನ್ನಲೆಯಲ್ಲಿ ಜಿಯೋಗೆ ಸ್ಪರ್ಧೆಯನ್ನು ನೀಡುವ ಸಲುವಾಗಿ ನೋಕಿಯಾ TQ 1017 ಬಿಡುಗಡೆ ಮಾಡುತ್ತಿದೆ ಎನ್ನಲಾಗಿದೆ.

ಬೆಲೆ ಕಡಿಮೆ:

ಈ ಹಿಂದೆ ಬಿಡುಗಡೆ ಮಾಡಿದ ನೋಕಿಯಾ 3310 ಫೀಚರ್ ಫೋನಿನ ಬೆಲೆ ಹೆಚ್ಚಾಗಿದ್ದ ಕಾರಣ ಮಾಡುಕಟ್ಟೆಯಲ್ಲಿ ಸದ್ದು ಮಾಡಲಿಲ್ಲ. ಆದರೆ ಈ ಬಾರಿ ನೋಕಿಯಾ ರೂ.1000ದ ಒಳಗೆಯೇ ಫೀಚರ್ ಫೋನ್ ಅನ್ನು ಗ್ರಾಹಕರಿಗೆ ನೀಡಲಿದೆ.