'ಟಿಕ್‌ಟಾಕ್' ಆಪ್‌ ಬಗ್ಗೆ ನೀವು ತಿಳಿಯಬೇಕಾದ ಕುತೂಹಲಕಾರಿ ಸಂಗತಿಗಳು!

ಬೈಟ್‌ಡ್ಯಾನ್ಸ್‌ ಸಂಸ್ಥೆಯ ಆಪ್

ಚೀನಾ ಮೂಲದ ಬೈಟ್‌ಡ್ಯಾನ್ಸ್‌ ಕಂಪನಿಯ ಆಪ್‌ ಆಗಿದ್ದು, ಪ್ರತಿ ತಿಂಗಳು 1.5 ಬಿಲಿಯನ್ ಸಕ್ರಿಯ ಬಳಕೆದಾರರನ್ನು ಒಳಗೊಂಡಿದೆ. ಆರಂಭದಲ್ಲಿ ಟಿಕ್‌ಟಾಕ್‌ ಆಪ್‌ ಹೆಸರು ಮ್ಯೂಸಿಕ್‌ಲಿ (Musical.ly) ಆಗಿತ್ತು. ಆನಂತರ 2018ರಲ್ಲಿ ಟಿಕ್‌ಟಾಕ್‌ ಎಂದು ಹೆಸರಿಸಲ್ಪಟ್ಟಿತು. ಹೆಲ್ಲೊ, ವಿಗೋ ವಿಡಿಯೊ, ಬಜ್‌ ವಿಡಿಯೊ ಮತ್ತು ನ್ಯೂಸ್‌ ಆಪ್‌ ಸೇರಿದಂತೆ ಇತರೆ ಅಪ್ಲಿಕೇಶನ್‌ಗಳನ್ನು ಒಳಗೊಂಡಿದೆ.

ಫ್ಲ್ಯಾಗ್‌ಶಿಪ್‌ ಅಪ್ಲಿಕೇಶನ್

ಮೊದಲು ಚೀನಾದಲ್ಲಿ ಶುರುವಾದ ಈ ಜನಪ್ರಿಯತೆಗಳಿಸಿದಂತೆ ಇತರೆ ರಾಷ್ಟ್ರಗಳಿಗೂ ಆಪ್‌ ಅನ್ನು ವಿಸ್ತರಿಸಲಾಯಿತು. ಭಾರತ ಸೇರಿದಂತೆ ಸುಮಾರು 150 ರಾಷ್ಟ್ರಗಳಲ್ಲಿ ಚಾಲ್ತಿ ಇದ್ದು, ಹಾಗೆಯೇ ಸುಮಾರು 75 ರಾಷ್ಟ್ರಗಳಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಹೀಗಾಗಿ ಮಿನಿ ವಿಡಿಯೊ ಮೇಕರ್ ಟಿಕ್‌ಟಾಕ್‌ ಕಂಪನಿಯ ಫ್ಲ್ಯಾಗ್‌ಶಿಪ್‌ ಅಪ್ಲಿಕೇಶನ್ ಆಗಿ ಸದ್ಯ ವಿಶ್ವದೆಲ್ಲೆಡೆ ಮಿಂಚುತ್ತಿದೆ.

ಓದಿರಿ : ಕೈಗೆಟುವ ಬೆಲೆಯಲ್ಲಿ 'ಇನ್‌ಫಿನಿಕ್ಸ್‌ S4' 4GB RAM ಸ್ಮಾರ್ಟ್‌ಫೋನ್ ಲಾಂಚ್!

ನಿರಂತರ ಅಪ್‌ಡೇಟ್‌

ಟಿಕ್‌ಟಾಕ್‌ ಆಪ್‌ ನಿರಂತರ ತನ್ನ ಎಡಿಟಿಂಗ್ ಟೂಲ್‌ ಅಪ್‌ಡೇಟ್‌ ಮಾಡಿಕೊಳ್ಳುತ್ತಾ ಸಾಗಿದ್ದು, ಇಮೇಜ್ ಫೀಲ್ಟರ್, ಫ್ರೇಮ್ಸ್‌, ಆನಿಮೇಶನ್, ಸೇರಿದಂತೆ ಹಲವು ನೂತನ ಫೀಚರ್ಸ್‌ಗಳನ್ನು ಸೇರಿಸುತ್ತಲೆ ಇದೆ. ನೇರವಾಗಿ ಫೇವರೇಟ್‌ ಕಾಂಟ್ಯಾಕ್ಸ್‌ಗಳಿಗೆ ಶೇರ್‌ ಮಾಡುವ ಆಯ್ಕೆ ಸಹ ಸೇರಿಸಿದೆ. ಈ ಬದಲಾವಣೆಗಳನ್ನು ಎಡಿಟ್‌ ಆಯ್ಕೆಯಲ್ಲಿ ಕಾಣಬಹುದಾಗಿದೆ.

ಲಾಗಿನ್ ಅಗತ್ಯವಿಲ್ಲ

ಟಿಕ್‌ಟಾಕ್‌ ಆಪ್‌ನಲ್ಲಿ ವಿಡಿಯೊಗಳನ್ನು ವೀಕ್ಷಿಸಲು ಆಪ್‌ನಲ್ಲಿ ಲಾಗಿನ್ ಆಗಬೇಕೆಂದಿಲ್ಲ. ವಿಡಿಯೊ ಕ್ರಿಯೆಟ್‌ ಮಾಡಿ ಅಪ್‌ಲೋಡ್‌ ಮಾಡುವುದಿದ್ದರೇ ಆಗ ಲಾಗ್‌ಇನ್‌ ಆಗಲೇಬೇಕು. ಲಾಗ್‌ ಆದ ಬಳಿಕ ಹೊಸದಾಗಿ ವಿಡಿಯೊ ಸಹ ಮಾಡಿ ಅಪ್‌ಲೋಡ್‌ ಮಾಡಬಹುದು ಅಥವಾ ಈಗಾಗಲೇ ಆಪ್‌ನಲ್ಲಿರುವ ವಿಡಿಯೊಗಳನ್ನೇ ಆಯ್ದುಕೊಂಡು ವಿಡಿಯೊ ಮಾಡಬಹುದಾದ ಆಯ್ಕೆಗಳಿವೆ.

ಓದಿರಿ : ಶುರುವಾಗಲಿದೆ ಅಮೆಜಾನ್ ಫ್ರೀಡಂ ಸೇಲ್ : ಈ ಫೋನ್‌ಗಳಿಗೆ ಭರ್ಜರಿ ಡಿಸ್ಕೌಂಟ್!

ಜಾಹಿರಾತು ತಾಣವಾಗಿದೆ

ಟಿಕ್‌ಟಾಕ್‌ ಆಪ್‌ನಲ್ಲಿ ನಾಲ್ಕು ಮಾದರಿಯ ಜಾಹಿರಾತು ಮಾದರಿಗಳನ್ನು ಕಾಣಬಹುದಾಗಿದೆ. ಅವುಗಳೆಂದರೇ ಇನ್‌ಫೀಡ್‌ ವರ್ಟಿಕಲ್ ವಿಡಿಯೊ,(in-feed vertical video), ಬ್ರ್ಯಾಂಡೆಡ್‌ ಫಿಲ್ಟರ್ಸ್‌ (branded filters), ಪುಲ್‌ಸ್ಕ್ರೀನ್‌ ಟೆಕ್‌ಓವರ್ (full-screen takeovers) ಮತ್ತು ಹ್ಯಾಶ್‌ಟ್ಯಾಗ್ (hashtag) ಆಗಿವೆ. ಇದರಲ್ಲಿ ಕಂಫನಿಯು ಹ್ಯಾಶ್‌ಟ್ಯಾಗ್ campaign ಫಾರ್ಮೆಟ್‌ ಆಗಿ ಬಳಸಲಾಗುತ್ತಿದೆ. ಉದಾಹರಣೆಗೆ : ಇತ್ತೀಚಿಗೆ ಬಾಟಲ್ ಕ್ಯಾಪ್‌ ತೆರೆಯುವ ಚಾಲೆಂಜ್‌ನಡಿ (#DewFlipChallenge) 1.8 ಬಿಲಿಯನ್ ವಿಡಿಯೊಗಳು ಸೇರಿವೆ.

ಓದಿರಿ : ಆಂಡ್ರಾಯ್ಡ್‌ v/s ಸ್ಮಾರ್ಟ್‌ಟಿವಿ ಯಾವುದು ಬೆಸ್ಟ್‌?.ಖರೀದಿಸುವ ಮುನ್ನ ತಿಳಿಯಿರಿ!