ಯೂಟ್ಯೂಬ್ ನ ಹೊಸ ಆಯ್ಕೆ: ಡೆಸ್ಕ್ ಟಾಪ್ ಬಳಕೆದಾರರಿಗೆ ಹಬ್ಬ..!!!!

ಡೆಸ್ಕ್ ಟಾಪ್ ನಲ್ಲಿ ಯೂಟ್ಯೂಬ್ ಬಳಕೆ ಮಾಡುವವರಿಗೆ ಹೊಸದೊಂದು ಫೀಚರ್ ಅನ್ನು ನೀಡಲಾಗಿದೆ. ವಿಡಿಯೋ ಫ್ರಿ ವ್ಯೂ ಟಂಬ್ಲೈನ್ ಆಯ್ಕೆಯನ್ನು ನೀಡಲು ಯೂಟ್ಯೂಬ್ ಮುಂದಾಗಿದೆ.

ಇನ್ನು ಮುಂದೆ ಯೂಟ್ಯೂಬ್ ಬಳಕೆದಾರರು ಯಾವುದಾದರು ವಿಡಿಯೋವನ್ನು ನೋಡುವ ಮುಂಚೆಯೇ ಅದರ ಮೇಲೆ ಮೌಸ್ ಕರ್ಜರ್ ನಿಲ್ಲಿಸಿದ ಸಂದರ್ಭದಲ್ಲಿ ಮೂರಿಂದ ನಾಲ್ಕು ಸೆಕೆಂಡ್ಗಳ ವಿಡಿಯೋ ಪ್ರೀವ್ಯೂ ದೊರೆಯಲಿದೆ.

ಈಗಾಗಲೇ ಈ ಆಯ್ಕೆಯೂ ಬಿಡುಗಡೆಯಾಗಿದ್ದು, ಹೆಚ್ಚಿನ ಮಂದಿ ಬಳಕೆದಾರರು ಈ ಆಯ್ಕೆಯ ಲಾಭವನ್ನು ಪಡೆದುಕೊಂಡಿದ್ದಾರೆ. ಜುಲೈ ಮಧ್ಯ ಭಾಗದ ಒಳಗೆ ಬಹುತೇಕ ಎಲ್ಲಾ ಬಳಕೆದಾರರಿಗೂ ಈ ವಿಡಿಯೋ ಫ್ರೀ ವ್ಯೂ ಆಯ್ಕೆಯನ್ನು ಯೂಟ್ಯೂಬ್ ನೀಡಲಿದೆ.

ಬಳಕೆದಾರರು ಜಿಫ್ ಮಾದರಿಯಲ್ಲಿ ವಿಡಿಯೋ ಫ್ರೀ ವ್ಯೂ ಪಡೆಯಬಹುದಾಗಿದೆ. ಈ ಆಯ್ಕೆಯೂ ಕ್ರೋಮ್ 32 ಆವೃತ್ತಿಯಲ್ಲಿ ಮಾತ್ರವೇ ಲಭ್ಯವಿದ್ದು, ಓಪೆರಾ 19 ಆವೃತ್ತಿಯ ಬಳಕೆದಾರಿಗೂ ಇದು ಲಭ್ಯವಿದೆ.

ಆದರೆ ಯೂಟ್ಯೂಬ್ ಲೈವ್ ವಿಡಿಯೋ ಗಳು ಈ ಫ್ರಿ ವ್ಯೂ ಆಯ್ಕೆಯನ್ನು ಹೊಂದಿರುವುದಿಲ್ಲ ಎನ್ನಲಾಗಿದೆ. ಅಲ್ಲದೇ 30 ಸೆಕೆಂಡ್ ಗಿಂತ ಹೆಚ್ಚಿನ ಅವಧಿಯ ವಿಡಿಯೋಗಳು ಮಾತ್ರವೇ ಫ್ರಿ ವ್ಯೂ ಆಯ್ಕೆಯನ್ನು ಪಡೆದುಕೊಂಡಿವೆ ಎನ್ನಲಾಗಿದೆ.

ಈ ವಿಡಿಯೋ ಫ್ರಿ ವ್ಯೂ ಬಳಕೆದಾರರಿಗೆ ವಿಡಿಯೋದಲ್ಲಿ ಏನೀದೆ ಎಂಬುದನ್ನು ತಿಳಿಸಿಕೊಡಲಿದೆ. ಇದು ವಿಡಿಯೋವನ್ನು ನೋಡಬೇಕೆ ಬೇಡವೇ ಎಂಬುದನ್ನು ನಿರ್ಧರಿಸಲು ಸಹಾಯಕಾರಿಯಾಗಿದೆ.