ಸೈನಿಕರ ಬದಲು ದೇಶದ ಗಡಿಗೆ ರಿಮೋಟ್‌ ಕಂಟ್ರೋಲ್‌ ಮಷಿನ್‌ ಗನ್‌

By Suneel

Published: Monday, March 7, 2016, 16:57 [IST]

ತಂತ್ರಜ್ಞಾನ ಇಂದು ತನ್ನ ಕೆಲಸವನ್ನು ಎಲ್ಲೆ ಮೀರಿ ನಿರ್ವಹಿಸುತ್ತಿದೆ. ಹಾಗೆಯೇ ಮನುಷ್ಯನ ಉದ್ಯೋಗವನ್ನು ಕಿತ್ತುಕೊಳ್ಳುತ್ತಿರುವುದು ಎಲ್ಲರಿಗೂ ಗೊತ್ತಿರುವ ವಿಷಯ. ಆದರೇ ಬಹಳ ಉಪಯೋಗಿ ಟೆಕ್ ಅನಿವಾರ್ಯವು ಹೌದು ಎಂಬುದಂತು ಇಂದಿನ ಜನತೆ ನಿಧಾನವಾಗಿ ಅರ್ಥಮಾಡಿಕೊಳ್ಳುತ್ತಿದ್ದಾರೆ. ಆದರೆ ಇಂದು ಟೆಕ್‌ ಮಿಲಿಟರಿಯಲ್ಲಿನ ಸೈನಿಕರ ಬೇಸರವನ್ನು ಹೋಗಲಾಡಿಸುವ ಹೊಸ ಪ್ರಯತ್ನ ಒಂದು ನೆಡೆದಿದೆ.

ಮಿಲಿಟರಿ ಸೈನಿಕರು ದೇಶದ ಗಡಿಯಲ್ಲಿ ತನ್ನ ದೇಶ ಕಾಯಲು ಕಾವಲಿಗೆ ನಿಂತು ಮಾನಸಿಕವಾಗಿ ಮತ್ತು ದೈಹಿಕವಾಗಿ ನೋವನ್ನು ಅನುಭವಿಸುತ್ತಿದ್ದಾರೆ. ಹಾಗೆ ಅಲ್ಲಿ ಸಮಯವು ಕೂಡ ಹೆಚ್ಚು ವ್ಯಯಿಸುವ ಕೆಲಸವಾಗಿದೆ. 24*7 ರೀತಿಯಲ್ಲಿ ಗಡಿಯಲ್ಲಿ ಮಷಿನ್‌ ಗನ್‌ ಹಿಡಿದು ಗಡಿಯಲ್ಲಿನ ಟವರ್‌ಗಳ ಮೇಲೆ ಸೈನಿಕರು ನಿಂತು ಕಾವಲು ಕಾಯ ಬೇಕಾಗಿತ್ತು. ಆದರೆ ಇಂದು ಸೈನಿಕನ ಈ ಬೇಸರ ಮತ್ತು ಸಮಯದ ಉಳಿತಾಯಕ್ಕೆ ಮಷಿನ್‌ ಗನ್‌ಅನ್ನು ರಿಮೋಟ್‌ನಲ್ಲಿ ಕಂಟ್ರೋಲ್‌ ಮಾಡುವ ಟೆಕ್‌ ಅನ್ನು ಅಭಿವೃದ್ಧಿ ಪಡಿಸಲಾಗಿದೆ. ಅಮೇರಿಕ ಈ ತಂತ್ರಜ್ಞಾನವನ್ನು ಪರೀಕ್ಷೆ ಮಾಡಿದ್ದು, ಅಳವಡಿಸಲು ಸುಲಭವಾಗಿದೆ. ಇದರ ಬಗ್ಗೆ ಇನ್ನಷ್ಟು ಮಾಹಿತಿ ಈ ಲೇಖನದಲ್ಲಿ ನಿಮಗಾಗಿ.

ಟೆಕ್ಸಾಸ್‌

ಈ ಯೋಜನೆಯ ಹೆಸರು ನೆಟ್‌ವರ್ಕ್‌ ಇಂಟಿಗ್ರೇಶನ್‌ ಇವಾಲುಯೇಶನ್‌16.1 ಆಗಿದ್ದು, ಫೋರ್ಟ್‌ ಬ್ಲಿಸ್‌ನ ಟೆಕ್ಸಾಸ್‌ನಲ್ಲಿ ಪರೀಕ್ಷೆ ನೆಡೆಸಲಾಗುತ್ತಿದೆ.

ನ್ಯಾಟೊ ಪಡೆ

ರಿಮೋಟ್‌ ಕಂಟ್ರೋಲ್‌ನ ಈ ಇಂಡಿಗ್ರೇಶನ್‌ ಪರೀಕ್ಷಿಸಲು ನ್ಯಾಟೊ ಪಡೆಯ ಕಮಾಂಡರ್‌ಗಳು ಮತ್ತು ಇತರ ಮಿಲಿಟರಿ ಪಡೆಗಳು ಸಜ್ಜಾಗಿವೆ.

ಹಳೆ ಟವರ್‌ಗಳಲ್ಲಿ ನಿಯೋಜನೆ

ಈ ಹೊಸ ರಿಮೋಟ್‌ ಕಂಟ್ರೋಲ್‌ ಗನ್‌ಗಳ ಟವರ್‌ಗಳನ್ನು ಮಿಲಿಟರಿ ಸೈನಿಕರು ಗಡಿಯಲ್ಲಿ ನಿಲ್ಲುತ್ತಿದ್ದ ಹಳೆ ಟವರ್‌ಗಳ ಸ್ಥಳದಲ್ಲಿ ನಿರ್ಮಿಸಲಾಗುತ್ತಿದೆ.

ಬ್ರೌನಿಂಗ್ ಎಂ 2 50 ಕ್ಯಾಲಿಬರ್ ಮಶಿನ್ಗನ್ ಮತ್ತು .338 ಲಾಪುವಾ ಸ್ನೈಪರ್ ರೈಫಲ್

ಬ್ರೌನಿಂಗ್ ಎಂ 2 50 ಕ್ಯಾಲಿಬರ್ ಮಶಿನ್ಗನ್ ಮತ್ತು .338 ಲಾಪುವಾ ಸ್ನೈಪರ್ ರೈಫಲ್‌ನಿಂದ ಈ ಯೋಜನೆ ಸಿದ್ದ ಪಡಿಸಲಾಗಿದೆ. ಇವುಗಳನ್ನು ರಿಮೋಟ್‌ನಿಂದ ಕಂಟ್ರೋಲ್‌ ಮಾಡಬಹುದಾಗಿದ್ದು, ಸುಲಭವಾಗಿ ಪುನಃ ಬೇರೆ ರೈಫಲ್‌ ಮತ್ತು ಮಷಿನ್‌ಗಳನ್ನು ಅಳವಡಿಸಬಹುದಾಗಿದೆ.