1 ಲಕ್ಷದ ಐಫೋನ್ ಎಕ್ಸ್ ತಯಾರಿಸಲು ಆಗಿರುವ ಖರ್ಚು ಎಷ್ಟು?..ವೈರಲ್ ಸುದ್ದಿ!!

ಐಫೋನ್ ನಿಜವಾದ ಬೆಲೆ ಎಷ್ಟು?

ಟೆಕ್‌ ವೆಬ್‌ಸೈಟ್ ಸಂಸ್ಥೆಯೊಂದು ಐಫೋನ್ ಎಕ್ಸ್‌‌ಗೆ ಬಳಕೆ ಮಾಡಿದ ಹಾರ್ಡ್‌ವೇರ್ ಭಾಗಗಳಿಗೆ ತಗಲುವ ವೆಚ್ಚವನ್ನು ಲೆಕ್ಕಹಾಕಿ ಈ ಮಾಹಿತಿಯನ್ನು ಪ್ರಕಟಿಸಿದೆ. ವೆಬ್‌ಸೈಟ್ ಬಿಡುಗಡೆ ಮಾಡಿರುವ ಮಾಹಿತಿಯಂತೆ ಐಫೋನ್ ಎಕ್ಸ್‌ ತಯಾರಿಕೆಗೆ ಆಗಿರುವ ವೆಚ್ಚ ಕೇವಲ 23,200 ರೂ.ಗಳಂತೆ!! ಹಾಗಾದರೆ, ಈ ಫೋನ್ ಬೆಲೆ ಲೆಕ್ಕಹಾಕಿರುವುದು ಹೇಗೆ?

ಡಿಸ್‌ಪ್ಲೇಗೆ 65.50 ಡಾಲರ್!!

ಟೆಕ್‌ ವೆಬ್‌ಸೈಟ್ ನಮೂದಿಸಿರುವಂತೆ ಐಫೋನ್ ಎಕ್ಸ್ ನಲ್ಲಿ ಬಳಸಲಾದ 5.8 ಇಂಚಿನ ಎಡ್ಜ್- ಟು- ಎಡ್ಜ್ ಡಿಸ್‌ಪ್ಲೇಗೆ ಕೇವಲ 65.50 ಡಾಲರ್‌ಗಳಂತೆ.! ಅಂದರೆ ಭಾರತದ ರೂಪಾಯಿಗಳಲ್ಲಿ ಲೆಕ್ಕಹಾಕಿದರೆ ಕೇವಲ 4,300 ರೂಪಾಯಿಗಳು.!ಇನ್ನು ಐಫೋನ್ 8 ರಲ್ಲಿ ಬಳಕೆಯಾಗಿರುವ ಡಿಸ್‌ಪ್ಲೇಗೆ ಕೇವಲ 36 ಡಾಲರ್(2,300 ರೂ.) ಮಾತ್ರ ಎಂದು ವೆಬ್‌ಸೈಟ್ ತಿಳಿಸಿದೆ.!!

ಸ್ಟೈನ್‌ಲೆಸ್ ಸ್ಟೀಲ್ ದೇಹ!!

ಸುತ್ತಿಗೆಯಲ್ಲಿ ಹೊಡೆದರೂ ತಡೆದುಕೊಳ್ಳುವ ಶಕ್ತಿ ಹೊಂದಿರುವ ಐಫೋನ್ ಎಕ್ಸ್‌ನಲ್ಲಿ ಬಳಕೆಯಾಗಿರುವ ಸ್ಟೈನ್‌ಲೆಸ್ ಸ್ಟೀಲ್ ಚಾಸಿಗೆ ಕೇವಲ 36 ಡಾಲರ್( 2,300 ರೂ.)ಅಂತೆ!! ಹೌದು, ಆಲ್ಯೂಮಿನಿಯಂ ದೇಹ ನಿರ್ಮಾಣಕ್ಕೆ ಖರ್ಚು ಮಾಡುತ್ತಿದ್ದ ಎರಡಷ್ಟು ಹಣವನ್ನು ಆಪಲ್ ಎಕ್ಸ್ ಚಾಸಿಗೆ ಬಳಸಲಾಗಿದೆ.!!

ಅಮೊಲೆಡ್ ಟೆಕ್ನಾಲಜಿ

ಐಫೋನ್ 8ರಲ್ಲಿ ಹಳೆಯ ಎಲ್‌ಸಿಡಿ ಟೆಕ್ನಾಲಜಿ ಬಳಕೆ ಆಗಿದ್ದರೆ ಐಫೋನ್ ಎಕ್ಸ್‌ನಲ್ಲಿ ಸೂಪರ್ ಅಮೊಲೆಡ್ ಟೆಕ್ನಾಲಜಿ ಬಳಕೆ ಮಾಡಲಾಗಿದೆ. ಆದರೆ, ಈ ಬೆಲೆ ಮೂರು ಸಾವಿರದಿಂದ ನಾಲ್ಕು ಸಾವಿರ ರೂಪಾಯಿಗಳಾಗಿರಬಹುದು ಎಂದು ಟೆಕ್‌ ವೆಬ್‌ಸೈಟ್ ಲೆಕ್ಕಹಾಕಿದೆ.!!

ಪ್ರತಿಕ್ರಿಯೆ ನೀಡಿಲ್ಲ.!!

ಇನ್ನು ಟೆಕ್‌ಸೈಟ್ ಲೆಕ್ಕಹಾಕಿದಂತೆ ಈ ಐಫೋನ್ ಎಕ್ಸ್ ವರದಿಗೆ ಸಂಬಂಧಿಸಿದಂತೆ ಆಪಲ್ ಕಂಪೆನಿ ಯಾವುದೇ ಪ್ರತಿಕ್ರಿಯೆ ನೀಡಲು ನಿರಾಕರಿಸಿದೆ.! ಆದರೆ, ಆಪಲ್ ಐಫೋನ್ ಎಕ್ಸ್‌ನಲ್ಲಿ ಬಳಸಿರುವ ತಂತ್ರಜ್ಞಾನ ಮತ್ತು ಮಾನವ ಸಂಪನ್ಮೂಲ ಎಲ್ಲವೂ ಸೇರಿ ಈ ಪ್ರಸ್ತುತ ಬೆಲೆ ನಿಗದಿಯಾಗಿದೆ ಎಂಬುದು ಮಾತ್ರ ಸತ್ಯ.!!