ಫಿಲಿಪ್ಸ್ LED ಬಲ್ಬ್ ಹಾಕಿಕೊಂಡರೆ ಸಾಕು: ವೈ-ಫೈ ಬೇಡ-ಮೊಬೈಲ್ ಡೇಟಾ ಬೇಡ.!

ಇಂದಿನ ಮಾಡ್ರನ್ ಯುಗದಲ್ಲಿ ವೈ-ಫೈ ಎಂಬುದು ಅತ್ಯಂತ ಅವಶ್ಯಕ ವಸ್ತುಗಳಲ್ಲಿ ಒಂದಾಗಿದೆ. ಸದ್ಯ ಸ್ಮಾರ್ಟ್‌ಫೋನ್‌ ಹಾಗೂ ಲ್ಯಾಪ್‌ಟಾಪ್ ಬಳಕೆದಾರರಿಗೆ ವೈ-ಫೈ ಬಳಕೆಗೆ ಸುಲಭವಾಗಿ ದೊರೆಯುತ್ತಿದೆ. ಹಲವು ಕಡೆಗಳಲ್ಲಿ ಉಚಿತ ವೈ-ಫೈ ಸೌಲಭ್ಯಗಳು ಲಭ್ಯವಿದ್ದು, ಮಾಲ್‌, ರೈಲ್ವೆ ಸ್ಟೇಷನ್ ಸೇರಿದಂತೆ ಹಲವು ಕಡೆಗಳಲ್ಲಿ ವೈ-ಫೈ ಕನೆಕ್ಟಿವಿಟಿ ಪಡೆಯಬಹುದಾಗಿದೆ.

ಸದ್ಯ ಮಾರುಕಟ್ಟೆಗೆ ವೈ-ಫೈಗಿಂತಲೂ ವೇಗವಾಗಿ ಕಾರ್ಯನಿರ್ವಹಿಸುವ ಲಿ-ಫೈ ಪರಿಚಯವಾಗಿದ್ದು, ಫಿಲಿಪ್ಸ್ ಸಂಸ್ಥೆಯೂ ಮೊದಲ ಬಾರಿಗೆ ಲಿ-ಫೈ ಬ್ರಾಡ್ ಬ್ಯಾಂಡ್ ಸೇವೆಯನ್ನು ಆರಂಭಿಸಲಿದೆ ಎನ್ನಲಾಗಿದೆ. ಈ ಕುರಿತು ಟೆಲಿಕಾಂ ಟಾಕ್ ವರದಿ ಮಾಡಿದ್ದು, ಜಾಗತಿಕವಾಗಿ ಎಲೆಕ್ಟ್ರಾನಿಕ್ ವಸ್ತುಗಳ ಉತ್ಪಾದನೆಯಲ್ಲಿ ಗುರುತಿಸಿಕೊಂಡಿರುವ ಫಿಲಿಪ್ಸ್ ಕಂಪನಿಯೂ ಲಿ-ಫೈ ಬ್ರಾಡ್ ಬ್ಯಾಂಡ್ ಸೇವೆಯನ್ನು ಮೊದಲ ಬಾರಿಗೆ ಪರಿಚಯ ಮಾಡಲಿದೆ.

ಓದಿರಿ: ಇತಿಹಾಸವನ್ನು ಬದಲಾಯಿಸಲಿದೆ ಒಪ್ಪೋ F7: ಸೆಲ್ಫಿ ಕ್ಯಾಮೆರಾಕ್ಕಾಗಿಯೇ ನಿರ್ಮಾಣವಾದ ಸ್ಮಾರ್ಟ್‌ಫೋನ್ ಇದು.!

ಇದಕ್ಕಾಗಿ ಕಾರ್ಯಪ್ರವೃತವಾಗಿರುವ ಫಿಲಿಪ್ಸ್, ವೈ-ಫೈಗಿಂತಲೂ 10ಪಟ್ಟು ವೇಗವಾಗಿ ಕಾರ್ಯನಿರ್ವಹಿಸುವಂತೆ ವಿನ್ಯಾಸ ಮಾಡಿದೆ. ಸದ್ಯ ಇನ್ನು ಪರೀಕ್ಷೆಯ ಹಂತದಲ್ಲಿರುವ ಲಿ-ಫೈ ತಂತ್ರಜ್ಞಾನವನ್ನು ಫಿಲಿಫ್ಸ್ ಶೀಘ್ರವೇ ಜಾಗತಿಕವಾಗಿ ಬಳಕೆಗೆ ಮುಕ್ತವಾಗಿಸಲಿದ್ದು, ಇದು ಸುಮಾರು 30 MBPS ವೇಗದಲ್ಲಿ ಕಾರ್ಯನಿರ್ವಹಿಸಲು ಶಕ್ತವಾಗಿದೆ ಎನ್ನಲಾಗಿದೆ.

ಇದು ಹೊಸ ಮಾದರಿಯ ತಂತ್ರಜ್ಞಾನವಾಗಿದ್ದು, ಭವಿಷ್ಯದಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಬಳಕೆಯಾಗಲಿದೆ. ಲಿ-ಫೈ ತಂತ್ರಜ್ಞಾನವು ವೈ-ಫೈ ಮಾದರಿಯಲ್ಲಿಯೇ ಕಾರ್ಯನಿರ್ವಹಿಸಲಿದ್ದು, ವೈರ್‌ಲೈಸ್ ಬ್ರಾಡ್ ಬ್ಯಾಂಡ್ ತಂತ್ರಜ್ಞಾನವಾಗಿದೆ. ಇದು ವೈ-ಫೈ- ಗಿಂತಲೂ ವೇಗವಾಗಿ ಕಾರ್ಯನಿರ್ವಹಿಸಲಿದ್ದು, ಬೆಳಕನ್ನು ಆಧಾರಿಸಿ ವೇಗವಾಗಿ ಕಾರ್ಯನಿರ್ವಹಿಸಲಿದೆ.

ರೆಡಿಯೋ ವೇವ್ಸ್ ಮೂಲಕ ಡೇಟಾವನ್ನು ವರ್ಗಾವಣೆಯನ್ನು ಮಾಡಲಿದೆ. ಮೊದಲಿಗೆ ಪರೀಕ್ಷಾರ್ಥವಾಗಿ ಲಿ-ಫೈ ತಂತ್ರಜ್ಞಾನವನ್ನು ಅಳವಡಿಸಿರುವ ಸ್ಮಾರ್ಟ್ ಆಫೀಸ್ ಅನ್ನು ಫಿಪಿಪ್ಸ್ ಪ್ಯಾರಿಸ್‌ನಲ್ಲಿ ಆರಂಭಿಸಿದೆ ಎನ್ನಲಾಗಿದೆ.

ಓದಿರಿ: ವರ್ಷಕ್ಕೆ 1000 GB ಜಿಯೋ ಡೇಟಾ ಆಫರ್: ಪಡೆದುಕೊಳ್ಳುವುದು ಹೇಗೆ..?