ಶಿಯೋಮಿಯ 50 ಇಂಚಿನ ಹೊಸ ಸ್ಮಾರ್ಟ್‌ಟಿವಿ ಶೀಘ್ರದಲ್ಲೇ ಎಂಟ್ರಿ!

50 ಇಂಚಿನ ಡಿಸ್‌ಪ್ಲೇ

ಹೊಸ ಶಿಯೋಮಿ ಸ್ಮಾರ್ಟ್‌ಟಿವಿಯು 3840x2160 ಪಿಕ್ಸಲ್ ರೆಸಲ್ಯೂಶನ್ ಸಾಮರ್ಥ್ಯದಲ್ಲಿ 50 ಇಂಚಿನ ಡಿಸ್‌ಪ್ಲೇಯನ್ನು ಹೊಂದಿರಲಿದ್ದು, ಈ ಡಿಸ್‌ಪ್ಲೇಯು 4K UHD ಸಾಮರ್ಥ್ಯದಲ್ಲಿರಲಿದೆ. ಇದರೊಂಡಿಗೆ HDR10+ HLG ಮತ್ತು 60Hz ಗಳನ್ನು ಸಹ ಒಳಗೊಂಡಿದ್ದು, ವೀಕ್ಷಣಾ ಕೋನವು 178 ಡಿಗ್ರಿಯಲ್ಲಿರಲಿದೆ.

ಮೆಮೊರಿ ಮತ್ತು ಪ್ರೊಸೆಸರ್‌

64 ಬಿಟ್ ಆಮ್‌ಲಾಜಿಕ್ L962 ಕ್ವಾಡ್‌ಕೋರ್‌ ಸಾಮರ್ಥ್ಯದ ಪ್ರೊಸೆಸರ್‌ ಅನ್ನು ಸ್ಮಾರ್ಟ್‌ಟಿವಿ ಹೊಂದಿದ್ದು, ವೇಗದಲ್ಲಿ ಕೆಲಸ ನಿರ್ವಹಿಸಲಿದೆ. 2GB RAM ಶಕ್ತಿಯನ್ನು ಒಳಗೊಂಡಿರುವ ಜೊತೆಗೆ 8GB ಆಂತರಿಕ ಸಂಗ್ರಹ ಸಾಮರ್ಥ್ಯವನ್ನು ಸಹ ಹೊಂದಿದೆ.

ಮನರಂಜನೆಯ ಸಂಗಮ

ಸ್ಮಾರ್ಟ್‌ಟಿವಿಯಲ್ಲಿ ಗ್ರಾಹಕರಿಗೆ ಇಷ್ಟವಾಗುವ ಹಲವು ಮನರಂಜನೆಯ ಆಯ್ಕೆಗಳನ್ನು ಪ್ರಿಲೊಡೆಡ್ ಮಾಡಲಾಗಿದೆ. ಸುಮಾರು 700,00 ಗಂಟೆಗಳ ಕಾರ್ಯಕ್ರಮಗಳ ಇರಲಿದ್ದು, ಜಿಯೋ ಸಿನಿಮಾ, ಪ್ರೈಮ್ ವಿಡಿಯೊ, ಇರೊಸ್ ನವ್, ಹೂಕ್, ALTಬಾಲಾಜಿ, ಹಂಗಾಮಾ, ಸೋನಿ ಲೈವ್ ಸೇರಿದಂತೆ ಅನೇಕ ಆಯ್ಕೆಗಳು ಇದರಲ್ಲಿ ಸೇರಿವೆ.

ಸದ್ಯ ಲಭ್ಯವಿರುವ ವೇರಿಯಂಟ್‌ಗಳು

ಶಿಯೋಮಿ ಕಂಪನಿಯ 32, 43 ಮತ್ತು 49 ಇಂಚಿನ ಮೂರು ವೇರಿಯಂಟ್ ಸ್ಮಾರ್ಟ್‌ಟಿವಿಗಳು ಪ್ರಸ್ತುತ ದೇಶಿಯ ಮಾರುಕಟ್ಟೆಯಲ್ಲಿ ಲಭ್ಯವಿದ್ದು, ಇವುಗಳ ಸಾಲಿಗಿಗ 50 ಇಂಚಿನ ಸ್ಮಾರ್ಟ್‌ಟಿವಿಯು ಹೊಸದಾಗಿ ಸೇರ್ಪಡೆಗೊಳ್ಳಲಿದೆ.

ಬೆಲೆ ಮತ್ತು ಲಭ್ಯತೆ

ಈಗಾಗಲೇ ಚೀನಾ ಮಾರುಕಟ್ಟೆಯಲ್ಲಿ ಬಿಡುಗಡೆ ಆಗಿರುವ ಶಿಯೋಮಿಯ 50 ಇಂಚಿನ ಸ್ಮಾರ್ಟ್‌ಟಿವಿಯ ಬೆಲೆಯು 2,399 yuan ಆಗಿದ್ದು, ಭಾರತೀಯ ಮಾರುಕಟ್ಟೆಯಲ್ಲಿ ಅಂದಾಜು 25,000ರೂ.ಗಳಿಗೆ ದೊರೆಯಲಿದೆ ಎಂದು ಹೇಳಲಾಗುತ್ತಿದೆ. ಅತೀ ಶೀಘ್ರದಲ್ಲೇ ಧೇಶಿಯ ಮಾರುಕಟ್ಟೆಗೆ ಪ್ರವೇಶವನ್ನು ಪಡೆಯಲಿದೆ.