ಫೇಸ್‌ಬುಕ್ ವಿಡಿಯೋಗಳು ಎಷ್ಟು ಮೊಬೈಲ್ ಡೇಟಾವನ್ನು ಖಾಲಿಮಾಡುತ್ತಿವೆ ಗೊತ್ತಾ?!

ಸರಾಸರಿ 100MB ಡೇಟಾ ಫೆಸ್‌ಬುಕ್ ತೆಕ್ಕೆಗೆ!

ಮೊಬೈಲ್ ಡೇಟಾ ಬಳಕೆ ಹೆಚ್ಚಾದ ನಂತರ ಪ್ರತಿಯೋರ್ವ ಫೇಸ್‌ಬುಕ್ ಬಳಕೆದಾರನುಸರಾಸರಿ 100 ರಿಂದ 200MB ಡೇಟಾವನ್ನು ಫೇಸ್‌ಬುಕ್ ವಿಡಿಯೋಗಳನ್ನು ನೋಡುವ ಸಲುವಾಗಿಯೇ ಬಳಸಿಕೊಳ್ಳುತ್ತಿದ್ದಾನೆ. ಫೇಸ್‌ಬುಕ್ ವಿಡಿಯೋಗಳನ್ನು ನೋಡುತ್ತಾ ಮೊಬೈಲ್ ಬಳಕೆದಾರರಿಗೆ ಎಷ್ಟು ಡೇಟಾ ಖಾಲಿಯಾಗುತ್ತಿದೆ ಎಂಬುದೇ ತಿಳಿಯುತ್ತಿಲ್ಲ.

ವಿಡಿಯೋಗಳನ್ನು ನೋಡುತ್ತಾ ಮೈ ಮರೆಯಬೇಡಿ.!

ಫೇಸ್‌ಬುಕ್ ಯಾವಾಗಲೂ ನೀವು ವಿಡಿಯೋಗಳನ್ನು ನೋಡುವಂತೆ ಪ್ರೇರೇಪಿಸುತ್ತದೆ ಎಂದು ವರದಿ ಹೇಳಿದೆ. ಒಂದು ವಿಡಿಯೋ ನೋಡಿದ ನಂತರ ತಕ್ಷಣವೇ ಮತ್ತೊಂದು ವಿಡಿಯೋವನ್ನು ನೋಡುವಂತೆ ಫೇಸ್‌ಬುಕ್ ಯಾವಾಗಲೂ ಪ್ರೇರೇಪಿಸುತ್ತದೆ ಹಾಗಾಗಿ, ವಿಡಿಯೋ ನೋಡುವಾಗ ವಿಡಿಯೋಗಳನ್ನು ನೋಡುತ್ತಾ ಮೈ ಮರೆಯದಿರುವುದು ಒಳ್ಳೆಯದು.

ಆಟೊರನ್ ವಿಡಿಯೋ ಆಯ್ಕೆ ಬೇಡ!

ನೀವು ಫೇಸ್‌ಬುಕ್ ಆಪ್ ಅನ್ನು ತೆರೆದು ನ್ಯೂಸ್‌ವೀಡ್ ಅನ್ನು ಸ್ಕ್ರಾಲ್ ಮಾಡುತ್ತಿದ್ದರೆ ವಿಡಿಯೊಗಳು ನಿಮಗೆ ಕಾಣಿಸಿಕೊಳ್ಳುತ್ತವೆ. ವಿಡಿಯೋ ಕಾಣಿಸಿಕೊಂಡ ನಂತರ ಅವುಗಳು ಆಟೋ ಪ್ಲೇ ಆಗುವುದನ್ನು ನೀವು ನೋಡಬಹುದು. ಇದು ಒಮ್ಮೊಮ್ಮೆ ಕಿರಿಕಿರಿಯಾಗುವುದಲ್ಲದೇ, ನಿಮ್ಮ ಮೊಬೈಲ್ ಡೇಟಾವನ್ನು ಬಹುಬೇಗ ಖಾಲಿ ಮಾಡುತ್ತಿದೆ ಎಂದರೆ ಆಶ್ಚರ್ಯವೇನಿಲ್ಲ.

ಆಟೊರನ್ ವಿಡಿಯೋಗಳನ್ನು ನಿಲ್ಲಿಸುವುದು ಹೇಗೆ?

ಫೇಸ್‌ಬುಕ್ ಆಪ್ ತೆರೆದು ಸೆಟಿಂಗ್ಸ್ ಕ್ಲಿಕ್ ಮಾಡಿ. ನಿಮ್ಮ ಎಡಭಾಗದಲ್ಲಿ ಕಾಣುವ ಹಲವು ಆಯ್ಕೆಗಳಲ್ಲಿ ಕೊನೆಯ ಆಯ್ಕೆಯಾದ ವಿಡಿಯೋಸ್ ಒತ್ತಿರಿ. ನಂತರ ಆಟೋಪ್ಲೇ ವಿಡಿಯೋಸ್' ಆಯ್ಕೆ ಮಾಡಿ. ಯೆಸ್, ಆಫ್ , ಡೀಫಾಲ್ಟ್ ಎನ್ನುವ ಮೂರು ಆಯ್ಕೆಗಳು ಇರುತ್ತವೆ.'ಆಫ್' ಆಯ್ಕೆ ಕ್ಲಿಕ್ ಮಾಡಿ. ವಿಡಿಯೋಗಳು ಸ್ವಯಂಚಾಲಿತವಾಗಿ ಚಾಲೂ ಆಗುವುದನ್ನು ತಪ್ಪಿಸಿ.

ಫೇಸ್‌ಬುಕ್ ಆಪ್ ಬ್ಯಾಕ್‌ರನ್ ಬೇಡ.!

ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಯಾವಾಗಲೂ ಫೇಸ್‌ಬುಕ್ ಆಪ್ ಆನ್‌ ಆಗಿಯೇ ಇರುತ್ತದೆ ಎನ್ನುವುದು ನಿಮಗೂ ಗೊತ್ತು. ಆದರೆ, ಬೇರೆ ಆಪ್‌ಗಳನ್ನು ಬಳಸುವಾಗಲಾದರೂ ಸಹ ಫೇಸ್‌ಬುಕ್ ಆಪ್ ಮೊಬೈಲ್‌ನಲ್ಲಿ ಬ್ಯಾಕ್‌ರನ್ ಆಗದಂತೆ ನೋಡಿಕೊಳ್ಳಿ. ಇಲ್ಲಾವಾದರೆ, ನೀರಿನಂತೆ ನಿಮ್ಮ ಡೇಟಾ ಫೆಸ್‌ಬುಕ್ ಪಾಲಾಗುತ್ತದೆ. ಇದು ನಿಮಗೆ ಹೆಚ್ಚು ನಷ್ಟ.!