ನಿಮ್ಮ ಇನ್ಸ್ಟಾಗ್ರಾಮ್ ಖಾತೆಯನ್ನು ಸುರಕ್ಷಿತವಾಗಿರಿಸುವುದು ಹೇಗೆ?

ಟೂ-ಫ್ಯಾಕ್ಟರ್ ಆಥೆಂಟಿಕೇಶನ್

ಇದು ದೃಢೀಕರಣ ಪ್ರಕ್ರಿಯೆಯಲ್ಲಿ ಬಳಸಲಾಗುವ ಅತ್ಯಂತ ಸುರಕ್ಷಿತ ವಿಧಾನವಾಗಿದ್ದು, ನೀವು ಯಾವುದೋ ಅಜ್ಞಾತ ಸಾಧನದಿಂದ ನಿಮ್ಮ ಇನ್ಸ್ಟಾಗ್ರಾಮ್ ಖಾತೆಗೆ ಲಾಗಿನ್ ಆಗಲು ಪ್ರಯತ್ನಿಸಿದಾಗ ಯೂಸರ್ ನೇಮ್ ಮತ್ತು ಪಾಸ್ವರ್ಡ್ ನ ಜೊತೆಗೆ ಹೆಚ್ಚುವರಿ ಸೆಕ್ಯೂರಿಟಿ ಕೋಡ್ ಒಂದನ್ನು ನಮೂದಿಸುವಂತೆ ನಿಮ್ಮನ್ನು ಕೇಳಲಾಗುತ್ತದೆ. ಈ ಫೀಚರ್ ಅನ್ನು ಸಕ್ರಿಯಗೊಳಿಸಲು ಈ ಕೆಳಗಿನ ಸೂಚನೆಗಳನ್ನು ಅನುಸರಿಸಿ

ಹಂತ 1: ನಿಮ್ಮ ಪ್ರೊಫೈಲ್ ಗೆ ಹೋಗಿ ಮೇಲ್ಭಾಗದಲ್ಲಿ ಬಲಬದಿಯ ಮೂಲೆಯಲ್ಲಿ ಟ್ಯಾಪ್ ಮಾಡಿ

ಹಂತ 2: ಅಲ್ಲಿ ಬರುವ ಆಯ್ಕೆಗಳನ್ನು ಕೆಳಗೆ ಸ್ಕ್ರೋಲ್ ಮಾಡುತ್ತಾ 'ಟೂ-ಫ್ಯಾಕ್ಟರ್ ಆಥೆಂಟಿಕೇಶನ್' ಆಯ್ಕೆಯನ್ನು ಹುಡುಕಿ

ಹಂತ 3: ಇಲ್ಲಿ 'ರಿಕ್ವೈರ್ ಸೆಕ್ಯೂರಿಟಿ ಕೋಡ್' ಎಂಬ ಟಾಗಲ್ ಬಟನ್ ಅನ್ನು 'ಆನ್' ಮಾಡಿ

ನೀವು ಈಗಾಗಲೇ ನಿಮ್ಮ ಫೋನ್ ನಂಬರ್ ಅನ್ನು ಇದರೊಂದಿಗೆ ನೋಂದಾಯಿಸಿಕೊಳ್ಳದಿದ್ದಲ್ಲಿ ಈಗ ಅದನ್ನು ನೋಂದಾಯಿಸಿಕೊಳ್ಳಿ. ಈಗ ಸೆಕ್ಯೂರಿಟಿ ಕೋಡ್ ಅನ್ನು ನಿಮಗೆ ಕಳುಹಿಸಲಾಗುವುದು. ಆ ಕೋಡ್ ಅನ್ನು ನಮೂದಿಸಿ 'ನೆಕ್ಸ್ಟ್' ಮೇಲೆ ಕ್ಲಿಕ್ ಮಾಡಿ.

ಈ ಫೀಚರ್ ಅನ್ನು ನಿಷ್ಕ್ರಿಯಗೊಳಿಸಲು ಹೀಗೆ ಮಾಡಿ

ಹಂತ 1: ನಿಮ್ಮ ಪ್ರೊಫೈಲ್ ಗೆ ಹೋಗಿ ಮೇಲ್ಭಾಗದಲ್ಲಿ ಬಲಬದಿಯ ಮೂಲೆಯಲ್ಲಿ ಟ್ಯಾಪ್ ಮಾಡಿ

ಹಂತ 2: ಅಲ್ಲಿ ಬರುವ ಆಯ್ಕೆಗಳನ್ನು ಕೆಳಗೆ ಸ್ಕ್ರೋಲ್ ಮಾಡುತ್ತಾ 'ಟೂ-ಫ್ಯಾಕ್ಟರ್ ಆಥೆಂಟಿಕೇಶನ್' ಆಯ್ಕೆಯನ್ನು ಹುಡುಕಿ

ಹಂತ 3: ಇಲ್ಲಿ 'ರಿಕ್ವೈರ್ ಸೆಕ್ಯೂರಿಟಿ ಕೋಡ್' ಎಂಬ ಟಾಗಲ್ ಬಟನ್ ಅನ್ನು 'ಆಫ್' ಮಾಡಿ

ಬ್ಯಾಕಪ್ ಕೋಡ್

ಟೂ-ಫ್ಯಾಕ್ಟರ್ ಆಥೆಂಟಿಕೇಶನ್ ಸಕ್ರಿಯವಾಗಿರುವಾಗ, ನೀವು ಅಜ್ಞಾತ ಸಾಧನದಿಂದ ಲಾಗಿನ್ ಮಾಡಿದಾಗಲೆಲ್ಲಾ ಮೇಲೆ ಹೇಳಿದಂತೆ ಅದು ನಿಮ್ಮನ್ನು ಬ್ಯಾಕಪ್ ಕೋಡ್ ಅಥವಾ SMS ಮೂಲಕ ಬಂದ ಸೆಕ್ಯೂರಿಟಿ ಕೋಡ್ ಅನ್ನು ನಮೂದಿಸುವಂತೆ ಕೇಳಿಕೊಳ್ಳುತ್ತದೆ. ಒಂದು ವೇಳೆ ಕನೆಕ್ಟಿವಿಟಿ ತೊಂದರೆಗಳಿಂದಾಗಿ ನಿಮಗೆ SMS ಸಿಗದಿರುವ ಸಂದರ್ಭಗಳಲ್ಲಿ ನೀವು ಬ್ಯಾಕಪ್ ಕೋಡ್ ಬಳಸಿ ನಿಮ್ಮ ಇನ್ಸ್ಟಾಗ್ರಾಮ್ ಖಾತೆಗೆ ಲಾಗಿನ್ ಆಗಬಹುದಾಗಿದೆ. ಬ್ಯಾಕಪ್ ಕೋಡ್ ಪಡೆಯಲು ಈ ಕೆಳಗಿನ ಸೂಚನೆಗಳನ್ನು ಅನುಸರಿಸಿ.

ಹಂತ 1: ನಿಮ್ಮ ಪ್ರೊಫೈಲ್ ಗೆ ಹೋಗಿ ಮೇಲ್ಭಾಗದಲ್ಲಿ ಬಲಬದಿಯ ಮೂಲೆಯಲ್ಲಿ ಟ್ಯಾಪ್ ಮಾಡಿ

ಹಂತ 2: ಅಲ್ಲಿ ಬರುವ ಆಯ್ಕೆಗಳನ್ನು ಕೆಳಗೆ ಸ್ಕ್ರೋಲ್ ಮಾಡುತ್ತಾ 'ಟೂ-ಫ್ಯಾಕ್ಟರ್ ಆಥೆಂಟಿಕೇಶನ್' ಆಯ್ಕೆಯನ್ನು ಹುಡುಕಿ

ಹಂತ 3: 'ಗೆಟ್ ಬ್ಯಾಕಪ್ ಕೋಡ್' ಮೇಲೆ ಕ್ಲಿಕ್ ಮಾಡಿ