ಅನಗತ್ಯ ಇ-ಮೇಲ್‌ಗಳನ್ನು ಆಟೋಮ್ಯಾಟಿಕ್‌ ಆಗಿ ಡಿಲೀಟ್‌ ಮಾಡುವುದು ಹೇಗೆ?

ಹೌದು, ಜಿ-ಮೇಲ್‌ನ ಇನ್‌ಬಾಕ್ಸ್‌ನಲ್ಲಿ ಅನಗತ್ಯ ಇಮೇಲ್‌ಗಳು ತುಂಬಿ ಹೋದರೆ ಬೇಸರವಾಗೋದು ಸಹಜ. ಆದರೆ ಈ ಅನಗತ್ಯ ಇ-ಮೇಲ್‌ಗಳನ್ನು ಒಂದೊಂದಾಗಿ ಡಿಲೀಟ್‌ ಮಾಡುವ ಬದಲು ಒಂದೇ ಬಾರಿಗೆ ಡಿಲೀಟ್‌ ಮಾಡುವ ಅವಕಾಶ ಕೂಡ ಇದೆ. ಅಷ್ಟೇ ಅಲ್ಲ ಅನಗತ್ಯ ಇ-ಮೇಲ್‌ಗಳನ್ನು ಆಟೋಮ್ಯಾಟಿಕ್‌ ಆಗಿ ಡಿಲೀಟ್‌ ಮಾಡುವುದಕ್ಕೂ ಕೂಡ ಅವಕಾಶವಿದೆ. ಹಾಗಾದ್ರೆ ನಿಮ್ಮ ಜಿ-ಮೇಲ್‌ನಲ್ಲಿ ಅನಗತ್ಯ ಎನಿಸುವ ಇ-ಮೇಲ್‌ಗಳನ್ನು ಆಟೋಮ್ಯಾಟಿಕ್‌ ಆಗಿ ಡಿಲೀಟ್‌ ಮಾಡುವುದು ಹೇಗೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಅನಗತ್ಯ ಇಮೇಲ್‌ಗಳನ್ನು ನೀವು ಆಟೋಮ್ಯಾಟಿಕ್‌ ಆಗಿ ಡಿಲೀಟ್‌ ಮಾಡುವುದು ಹೇಗೆ?

ಹಂತ:1 ಮೊದಲಿಗೆ, ನೀವು ಇಮೇಲ್ ಸ್ಟುಡಿಯೋ ಪ್ರೊನಿಂದ ನಿಮ್ಮ ಜಿ-ಮೇಲ್‌ ಖಾತೆಯಲ್ಲಿ 'ಇಮೇಲ್ ಸ್ಟುಡಿಯೋ' ಇನ್‌ಸ್ಟಾಲ್‌ ಮಾಡಿರಿ.
ಹಂತ:2 ಇದನ್ನು ಇನ್‌ಸ್ಟಾಲ್‌ ಮಾಡುವುದಕ್ಕೆ ಅಲ್ಲಿ ಉಲ್ಲೇಖಿಸಿರುವ ಹಂತಗಳನ್ನು ಅನುಸರಿಸಲು ಅನುಮತಿಸಬೇಕಾಗುತ್ತದೆ.
ಹಂತ:3 ನಂತರ ಜಿಮೇಲ್‌ ಖಾತೆಗೆ ಹೋಗಿ ಮತ್ತು ಇನ್‌ಬಾಕ್ಸ್‌ನಲ್ಲಿ ಯಾವುದೇ ಸಂದೇಶವನ್ನು ತೆರೆಯಿರಿ.
ಹಂತ:4 ಇದರಲ್ಲಿ ಬಲಭಾಗದಲ್ಲಿರುವ ಇಮೇಲ್ ಸ್ಟುಡಿಯೋ ಐಕಾನ್ ಮೇಲೆ ಕ್ಲಿಕ್ ಮಾಡಿ.

ಹಂತ:5 ನಂತರ ನಿಮ್ಮ Gmail ID ಮತ್ತು ಪಾಸ್‌ವರ್ಡ್‌ನೊಂದಿಗೆ ಲಾಗಿನ್ ಮಾಡಿ.
ಹಂತ:6 ಲಾಗಿನ್ ಆದ ನಂತರ, ಪಟ್ಟಿಯಲ್ಲಿ ನೀಡಿರುವ 'ಇಮೇಲ್ ಕ್ಲೀನಪ್' ಆಯ್ಕೆಯನ್ನು ಟ್ಯಾಪ್ ಮಾಡಿ.
ಹಂತ:7 ಇದೀಗ ಜಿಮೇಲ್‌ ನಿಂದ ನೀವು ಮಾಡಲು ಬಯಸುವ ಕಾರ್ಯಕ್ಕಾಗಿ ಹೊಸ ನಿಯಮವನ್ನು ಸೇರಿಸಿ ಕ್ಲಿಕ್ ಮಾಡಿ.
ಹಂತ:8 ಇಲ್ಲಿ, ನೀವು ನಿರ್ದಿಷ್ಟ ಇಮೇಲ್ ಐಡಿಯನ್ನು ಹೊಸ ನಿಯಮವಾಗಿ ಗುರುತಿಸಬಹುದು.

ಹಂತ:9 ಇದೆಲ್ಲಾ ಮುಗಿದ ನಂತರ ಒಂದು ತಿಂಗಳು ಅಥವಾ ವಾರದೊಳಗೆ ನಿರ್ದಿಷ್ಟ ಇಮೇಲ್ ಐಡಿಯಿಂದ ಸ್ವೀಕರಿಸಿದ ಎಲ್ಲಾ ಇಮೇಲ್‌ಗಳನ್ನು ಶಾಶ್ವತವಾಗಿ ಅಳಿಸಲು ನೀವು ಜಿ-ಮೇಲ್‌ಗೆ ರೂಲ್ಸ್‌ ಸೆಟ್‌ ಮಾಡಬಹುದಾಗಿದೆ.
ಹಂತ:10 ನಂತರ, ಸೇವ್‌ ಬಟನ್ ಮೇಲೆ ಟ್ಯಾಪ್ ಮಾಡುವ ಮೂಲಕ, ಬ್ಯಾಕ್‌ಗ್ರೌಂಡ್‌ನಲ್ಲಿ ಇಮೇಲ್ ಸ್ಟುಡಿಯೊವನ್ನು ಪ್ರಾರಂಭಿಸಲಾಗುತ್ತದೆ.
ಹಂತ:11 ಇದಾದ ನಂತರ, ಜಿ-ಮೇಲ್‌ ಸ್ವಯಂಚಾಲಿತವಾಗಿ ನಿಮ್ಮ ಆಯ್ಕೆಮಾಡಿದ ಇಮೇಲ್ ವಿಳಾಸದಿಂದ ಸಂದೇಶಗಳನ್ನು ಅಳಿಸುತ್ತದೆ, ನೀವು ಸೆಟ್‌ ಮಾಡಿರುವ ನಿಯಮಗಳನ್ನು ಅನ್ವಯಿಸುತ್ತದೆ.