ಸ್ಮಾರ್ಟ್‌ಫೋನ್ ಸ್ಫೋಟಗೊಳ್ಳಲು ಕಾರಣಗಳೇನು?

#1

ಲಿಥಿಯಮ್ ಬ್ಯಾಟರಿಗಳು ಥರ್ಮಲ್ ರನ್‌ವೇಯಂತಹ ಸಮಸ್ಯೆಗಳನ್ನು ಹೊಂದಿದ್ದು, ಇದು ಹೆಚ್ಚು ಬಿಸಿಯಾದಂತೆ ಸ್ಫೋಟಗೊಳ್ಳುವ ಅಪಾಯವಿರುತ್ತದೆ. ಈ ಕಾರಣದಿಂದಾಗಿ, ಸ್ಮಾರ್ಟ್‌ಫೋನ್ ತಯಾರಕರು ಹೆಚ್ಚು ಚಾರ್ಜ್‌ನಿಂದ ಬ್ಯಾಟರಿಯನ್ನು ಸಂರಕ್ಷಿಸುವ ವಿಧಾನಗಳನ್ನು ಅಳವಡಿಸಬೇಕಾಗಿದ್ದು ಇದರಿಂದ ಫೋನ್ ಸ್ಫೋಟವನ್ನು ತಡೆಗಟ್ಟಬಹುದಾಗಿದೆ.

#2

ಈ ದಿನಗಳಲ್ಲಿ ಸ್ಮಾರ್ಟ್‌ಫೋನ್‌ಗಳು ಹೆಚ್ಚು ತೆಳುವಾಗಿದ್ದು ಬ್ಯಾಟರಿಗಳನ್ನು ಕೂಡ ಇದೇ ಮಾದರಿಯಲ್ಲಿ ತಯಾರಿಸಲಾಗುತ್ತಿದೆ. ಇದರಿಂದಾಗಿ ಬ್ಯಾಟರಿಗಳಿಗೆ ಧನಾತ್ಮಕ ಮತ್ತು ಋಣಾತ್ಮಕ ಪ್ಲೇಟ್‌ಗಳನ್ನು ಪತ್ಯೇಕವಾಗಿ ಇರಿಸಿಕೊಳ್ಳಲು ಸ್ಥಳದ ಅಭಾವ ಉಂಟಾಗುತ್ತಿದೆ. ಈ ಎರಡು ಪ್ಲೇಟ್‌ಗಳ ನಡುವೆ ಏನಾದರೂ ಸಂಭವಿಸಿದಲ್ಲಿ ಇದು ಸಮಸ್ಯೆಯನ್ನು ಉಂಟುಮಾಡಬಹುದು, ವಿಶೇಷವಾಗಿ ಅಗತ್ಯ ಪ್ರಮಾಣಗಳಿಗೆ ಬ್ಯಾಟರಿಯನ್ನು ವಿನ್ಯಾಸಗೊಳಿಸದೇ ಇದ್ದ ಸಂದರ್ಭದಲ್ಲಿ.

#3

ಬ್ಯಾಟರಿ ತಯಾರಿಕೆಯು ಎಲ್ಲಾ ನಿಯಮಗಳನ್ನು ಪೂರೈಸುವಂತಿರಬೇಕು ಮತ್ತು ಸ್ಮಾರ್ಟ್‌ಫೋನ್ ಸುರಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡಿರವಬೇಕು. ಆದರೆ ಕೆಲವು ತಯಾರಕರು ಹಣ ಉಳಿಸುವ ಉದ್ದೇಶದಿಂದಾಗಿ ಬ್ಯಾಟರಿ ಓವರ್ ಹೀಟ್‌ನ ಸಂರಕ್ಷಣೆಯ ಬಗ್ಗೆ ಗಮನ ತೆಗೆದುಕೊಳ್ಳುವುದಿಲ್ಲ. ಅವರ ಈ ನಿರ್ಲಕ್ಷ್ಯತನದಿಂದಾಗಿ ದೊಡ್ಡ ಅನಾಹುತವೇ ಸಂಭವಿಸುತ್ತದೆ ಇಂತಹುದ್ದರಲ್ಲಿ ಬಳಕೆದಾರರು ರಾತ್ರಿ ಪೂರ್ತಿ ಚಾರ್ಜ್ ಮಾಡುವ ಅಭ್ಯಾಸವನ್ನಿಟ್ಟುಕೊಂಡಿರುತ್ತಾರೆ ಎಂದಾದಲ್ಲಿ ಅಂತಹವರಿಗೆ ಅಪಾಯ ಕಟ್ಟಿಟ್ಟ ಬುತ್ತಿಯಾಗಿರುತ್ತದೆ.

#4

ತಯಾರಕರ ಒರಿಜಿನಲ್ ಬ್ಯಾಟರಿಗಳನ್ನು ಮಾತ್ರವೇ ಬಳಸಿ ರೀಪ್ಲೇಸ್‌ಮೆಂಟನ್ನು ಮಾಡಿ. ಮಾರುಕಟ್ಟೆಯಲ್ಲಿ ನಿಮ್ಮ ಫೋನ್‌ಗಳಿಗೆ ಕಡಿಮೆ ದರದ ಬ್ಯಾಟರಿಗಳು ಲಭ್ಯವಾಗುತ್ತವೆ, ಆದರೆ ನಕಲಿ ಬ್ಯಾಟರಿಗಳನ್ನು ಬಳಸದೇ ಅಸಲಿ ಬ್ಯಾಟರಿಗಳನ್ನು ಮಾತ್ರ ಬಳಸಿ.

#5

ಬಿಸಿಯಾದ ಸ್ಥಳಗಳಲ್ಲಿ ನಿಮ್ಮ ಸ್ಮಾರ್ಟ್‌ಫೋನ್ ಅನ್ನು ಇರಿಸಬೇಡಿ, ವಿಶೇಷವಾಗಿ ಅದನ್ನು ಚಾರ್ಜ್‌ನಲ್ಲಿರಿಸಿದ್ದಾಗ. ಇನ್ನಷ್ಟು ತಾಮಪಾನವು ಓವರ್ ಹೀಟಿಂಗ್ ಸಮಸ್ಯೆಯನ್ನು ಇನ್ನಷ್ಟು ಅಪಾಯಕಾರಿಯಾಗಿಸಬಹುದು.

#6

ನಿಮ್ಮ ಫೋನ್ ಅನ್ನು ಚಾರ್ಜ್ ಮಾಡುತ್ತಿರುವಾಗ ಫೋನ್ ಬಳಸಿದಲ್ಲಿ ಬ್ಯಾಟರಿ ಇನ್ನಷ್ಟು ಬಿಸಿಯಾಗುತ್ತದೆ, ಇದರಿಂದ ಫೋನ್ ಸ್ಫೋಟಗೊಳ್ಳುವ ಅಪಾಯ ತೀವ್ರವಾಗಿರುತ್ತದೆ.

ಗಿಜ್‌ಬಾಟ್ ಲೇಖನಗಳು

ಗಿಜ್‌ಬಾಟ್ ಕನ್ನಡ ಫೇಸ್‌ಬುಕ್ ತಾಣ

ಮತ್ತಷ್ಟು ಸುದ್ದಿಗಳನ್ನು ಓದಲು ಗಿಜ್‌ಬಾಟ್ ಕನ್ನಡ ಫೇಸ್‌ಬುಕ್ ತಾಣಕ್ಕೆ ಭೇಟಿ ನೀಡಿ