ಐಫೋನ್ ಮತ್ತು ಐಪ್ಯಾಡ್ ಆಪ್ ಗಳು ರೇಟಿಂಗ್ ಕೇಳದಂತೆ ಮಾಡುವುದು ಹೇಗೆ?

iOS 11 ಕ್ಕೆ ಏಕೆ ಅಪ್ಗ್ರೇಡ್ ಮಾಡಬೇಕು?

iOS 11 ಕ್ಕೆ ಅಪ್ಗ್ರೇಡ್ ಮಾಡುವ ಮೂಲಕ ನೀವು ಹಲವಾರು ಲಾಭಗಳನ್ನು ಪಡೆಯಬಹುದಾಗಿದೆ. ಸೆಟ್ಟಿಂಗ್ ನಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡದಿದ್ದರೂ ಆಪ್ ನ ಕುರಿತು ರೇಟಿಂಗ್ ಮತ್ತು ವಿಮರ್ಶೆಗಳನ್ನು ನೀಡುವಂತೆ ನಿಮಗೆ ವರ್ಷಕ್ಕೆ ಮೂರು ಬಾರಿ ಮಾತ್ರ ಸೂಚಿಸಲಾಗುವುದು.

ತಮ್ಮದೇ ಸ್ವಂತ ರೇಟಿಂಗ್ ವಿನಂತಿಯೊಂದಿಗೆ ಬರುವ ಆಪ್ ಗಳನ್ನು ತಿರಸ್ಕರಿಸುವುದಾಗಿ ಆಪಲ್ ಸಂಸ್ಥೆಯು ಅಧಿಕೃತವಾಗಿ ತಿಳಿಸಿದೆ. ಇನ್ನು ಮುಂದೆ ನೀವು ನಿರ್ದಿಷ್ಟ ಆಪ್ ಅನ್ನು ಅಪ್ಡೇಟ್ ಮಾಡಿದರೂ ಆ ಆಪ್ ನ ಡೆವೆಲಪರ್ಗಳು ಒಂದು ವರ್ಷದಲ್ಲಿ ಮೂರಕ್ಕಿಂತ ಅಧಿಕ ಬಾರಿ ಆಪ್ ಗೆ ರೇಟಿಂಗ್ ನೀಡುವಂತೆ ನಿಮ್ಮನ್ನು ವಿನಂತಿಸುವಂತಿಲ್ಲ.

ಆಪ್ ಗಳು ರೇಟಿಂಗ್ ಕೇಳುವುದನ್ನು ಸಂಪೂರ್ಣವಾಗಿ ತಡೆಗಟ್ಟುವುದು ಹೇಗೆ?

ಆಪಲ್ ಸಂಸ್ಥೆಯು iOS 11 ರಲ್ಲಿ ಸೆಟ್ಟಿಂಗ್ಸ್ ನಲ್ಲಿ ಕೆಲವು ಸುಧಾರಣೆಗಳನ್ನು ತಂದಿದ್ದು, ಈ ಮೂಲಕ ಬಳಕೆದಾರರಿಗೆ ಆಪ್ ಗಳು ರೇಟಿಂಗ್ ಕೇಳುವುದನ್ನು ಸಂಪೂರ್ಣವಾಗಿ ತಡೆಗಟ್ಟುವ ಸಾಮರ್ಥ್ಯವನ್ನು ನೀಡಿದೆ. ಪೂರ್ವನಿಯೋಜಿತವಾಗಿ ಆಪ್ಗಳಿಗೆ ಬಳಕೆದಾರರ ಬಳಿ ತಮ್ಮ ಆಪ್ ಅನ್ನು ವಿಮರ್ಶಿಸುವಂತೆ ವಿನಂತಿಸುವ ಹಕ್ಕು ಇರುತ್ತದೆ.

ಆದರೆ ಸೆಟ್ಟಿಂಗ್ಸ್ ನಲ್ಲಿ ಬದಲಾವಣೆಗಳನ್ನು ಮಾಡುವ ಮೂಲಕ ನೀವು ಯಾವುದೇ ಆಪ್ ನಿಮ್ಮ ಬಳಿ ರೇಟಿಂಗ್ ಕೇಳದಂತೆ ಮಾಡಬಹುದಾಗಿದೆ. ಸದಾ ಕಾಡುವ ಈ ರೇಟಿಂಗ್ ಮತ್ತು ವಿಮರ್ಶೆಗಳ ತೊಂದರೆಯನ್ನು ನಿವಾರಿಸಲು ಈ ಕೆಳಗಿನ ಸೂಚನೆಗಳನ್ನು ಅನುಸರಿಸಿ

ಹಂತ 1: ನಿಮ್ಮ ಸ್ಮಾರ್ಟ್ಫೋನ್ ನಲ್ಲಿ "ಸೆಟ್ಟಿಂಗ್ಸ್" ವಿಭಾಗಕ್ಕೆ ಹೋಗಿ

ಹಂತ 2: ಅಲ್ಲಿ "ಐಟ್ಯೂನ್ಸ್ ಆಂಡ್ ಆಪ್ ಸ್ಟೋರ್" ತೆರೆಯಿರಿ

ಹಂತ 3: ಕೆಳಗೆ ಸ್ಕ್ರೋಲ್ ಮಾಡುತ್ತಾ "ಇನ್-ಆಪ್ಸ್ ರೇಟಿಂಗ್ಸ್ & ರಿವ್ಯೂಸ್" ಆಯ್ಕೆಯನ್ನು ಹುಡುಕಿ. ಅದನ್ನು 'ಆಫ್' ಗೆ ಟಾಗಲ್ ಮಾಡಿ.

ಆಭಿನಂದನೆಗಳು!! ನಿಮ್ಮ ಐಪ್ಯಾಡ್ ಅಥವಾ ಐಫೋನ್ ನಲ್ಲಿ ಯಾವುದೇ ಆಪ್ಗಳು ಇನ್ನೆಂದೂ ರೇಟಿಂಗ್ಸ್ ಕೇಳದಂತೆ ಮಾಡುವಲ್ಲಿ ನೀವು ಯಶಸ್ವಿಯಾಗಿದ್ದೀರಿ!

ಸಾರಾಂಶ

"ಇನ್-ಆಪ್ಸ್ ರೇಟಿಂಗ್ಸ್ & ರಿವ್ಯೂಸ್" ಆಯ್ಕೆಯನ್ನು ನಿಷ್ಕ್ರಿಯಗೊಳಿಸುವ ಮೂಲಕ ನೀವೆಂದೂ ಆಪ್ ಅನ್ನು ರೇಟ್ ಅಥವಾ ರಿವ್ಯೂ ಮಾಡಲಾರಿರಿ ಎಂದು ಭಾವಿಸಬೇಡಿ.

ನೇರವಾಗಿ ಆಪ್ ಸ್ಟೋರ್ ಅನ್ನು ತೆರೆಯುವ ಮೂಲಕ ನೀವು ನಿಮಗೆ ಬೇಕಾದ ಆಪ್ ಅನ್ನು ರೇಟ್ ಮತ್ತು ರಿವ್ಯೂ ಮಾಡಬಹುದು. ವ್ಯತ್ಯಾಸವೇನೆಂದರೆ ಒಂದು ಆಪ್ ಅನ್ನು ಯಾವಾಗ ರೇಟ್ ಮಾಡಬೇಕೆಂಬುದು ಈಗ ನಿಮ್ಮ ಹಿಡಿತದಲ್ಲಿರುತ್ತದೆ. ಈಗ ನೀವು ಆಪ್ ಅನ್ನು ರಿವ್ಯೂ ಅಥವಾ ರೇಟ್ ಮಾಡಬಯಸಿದಾಗ ನೇರವಾಗಿ ಆಪ್ ಸ್ಟೋರ್ ಗೆ ಹೋಗಿ ರೇಟ್ ಮಾಡಬಹುದಾಗಿದೆ!