ನೀವು ಫೇಸ್‌ಬುಕ್‌ನಲ್ಲಿ ಲೈಕ್ ಮಾಡಿರುವ ಎಲ್ಲಾ ಫೋಟೋಗಳನ್ನು ನೋಡುವುದು ಹೇಗೆ?

ಸ್ಮಾರ್ಟ್ಫೋನ್ (ಆಂಡ್ರಾಯ್ಡ್/ಐಓಎಸ್) ನಲ್ಲಿ ತಿಳಿಯುವ ವಿಧಾನ

ಹಂತ 1: ನಿಮ್ಮ ಸ್ಮಾರ್ಟ್ಫೋನ್ ನಲ್ಲಿ ಫೇಸ್ಬುಕ್ ಆಪ್ ತೆರೆಯಿರಿ. ಒಂದು ವೇಳೆ ನಿಮ್ಮ ಸ್ಮಾರ್ಟ್ಫೋನ್ ನಲ್ಲಿ ಫೇಸ್ಬುಕ್ ಇಲ್ಲದಿದ್ದಲ್ಲಿ ಪ್ಲೇಸ್ಟೋರ್ ಅಥವಾ ಆಪ್ ಸ್ಟೋರ್ ನಿಂದ ಡೌನ್ಲೋಡ್ ಮಾಡಿ ಇನ್ಸ್ಟಾಲ್ ಮಾಡಿ

ಹಂತ 2: ಈಗ ಪರದೆಯ ಒಂದು ಮೂಲೆಯಲ್ಲಿರುವ 3-ಗೆರೆಯ ಮೆನು ಬಟನ್ ಮೇಲೆ ಕ್ಲಿಕ್ ಮಾಡಿ, ಮೆನುವಿನ ಮೇಲ್ಬಾಗದಲ್ಲಿರುವ ನಿಮ್ಮ ಹೆಸರಿನ ಮೇಲೆ ಕ್ಲಿಕ್ ಮಾಡಿ

ಹಂತ 3: ನಿಮ್ಮ ಡಿಸ್ಪ್ಲೇ ಚಿತ್ರದ ಕೆಳ ಭಾಗದಲ್ಲಿರುವ ಆಕ್ಟಿವಿಟಿ ಲಾಗ್ ಬಟನ್ ಕ್ಲಿಕ್ ಮಾಡಿ. ಇದನ್ನು ಕ್ಲಿಕ್ ಮಾಡಿದಾಗ ನಿಮ್ಮ ಪರದೆಯ ಮೇಲೆ ನೀವು ಈವರೆಗೆ ಫೇಸ್ಬುಕ್ ನಲ್ಲಿ ಮಾಡಿದ ಎಲ್ಲಾ ಚಟುವಟಿಕೆಗಳನ್ನು ತಿಂಗಳು ಹಾಗೂ ವರ್ಷಗಳೊಂದಿಗೆ ಪಟ್ಟಿಮಾಡಲಾಗುತ್ತದೆ.

ಹಂತ 4: ಇದರ ಮೇಲೆ ಕ್ಲಿಕ್ ಮಾಡಿದಾಗ ನಿರ್ದಿಷ್ಟ ದಿನಾಂಕದ ಶ್ರೇಣಿಯಲ್ಲಿ ನೀವು ನಡೆಸಿದ ಫೇಸ್ಬುಕ್ ಚಟುವಟಿಕೆಗಳ ಲಾಗ್ ಅನ್ನು ನೀವು ಕಾಣಬಹುದಾಗಿದೆ.

ಹಂತ 5: ನಾವೀಗ "ಲೈಕ್" ಗಳನ್ನು ಹುಡುಕುತ್ತಿರುವ ಕಾರಣ ಪರದೆಯ ಮೇಲ್ಭಾಗದಲ್ಲಿರುವ ಫಿಲ್ಟರ್ ಬಟನ್ ಮೇಲೆ ಕ್ಲಿಕ್ ಮಾಡಿ 'ಲೈಕ್ಸ್' ಮೇಲೆ ಕ್ಲಿಕ್ ಮಾಡಿ.

ಹಂತ 6:

ಈಗ ಮತ್ತೆ ಮುಖ್ಯ ಆಕ್ಟಿವಿಟಿ ಲಾಗ್ ಸ್ಕ್ರೀನ್ ನಲ್ಲಿ ದಿನಾಂಕವನ್ನು ಆಯ್ಕೆ ಮಾಡುವ ಮೂಲಕ ಆ ಸಮಯದಲ್ಲಿ ನೀವು ಲೈಕ್ ಮಾಡಿದ ಎಲ್ಲವನ್ನೂ ನೋಡಬಹುದಾಗಿದೆ.

ಹಂತ 7: ನೀವು ಏನನ್ನಾದರೂ ಅನ್ಲೈಕ್ ಮಾಡಲಿಚ್ಛಿಸಿದರೆ, ಆ ನಿರ್ದಿಷ್ಟ ಚಟುವಟಿಕೆಯ ಬಲಭಾಗದಲ್ಲಿರುವ ಡೌನ್ ಆರೋ ಮೇಲೆ ಕ್ಲಿಕ್ ಮಾಡಿ ಅನ್ಲೈಕ್ ಮೇಲೆ ಕ್ಲಿಕ್ ಮಾಡಿ.

ಭಾರತದಲ್ಲಿ ಬಿಡುಗಡೆಯಾಗುವ ಶಿಯೋಮಿಯ ಮೊದಲ 'ಆಂಡ್ರಾಯ್ಡ್ ಟಿವಿ' ಹೇಗಿದೆ?..ಬೆಲೆ ಎಷ್ಟು!?

ಡೆಸ್ಕ್ಟಾಪ್ ನಲ್ಲಿ ತಿಳಿಯುವ ವಿಧಾನ

ಹಂತ 1: ಫೇಸ್ಬುಕ್ ಗೆ ಹೋಗಿ ಮೇಲ್ಭಾಗದಲ್ಲಿರುವ ನಿಮ್ಮ ಪ್ರೊಫೈಲ್ ಮೇಲೆ ಕ್ಲಿಕ್ ಮಾಡಿ.

ಹಂತ 2: ನಿಮ್ಮ ಪ್ರೊಫೈಲ್ ನಲ್ಲಿ ವ್ಯೂ ಆಕ್ಟಿವಿಟಿ ಲಾಗ್ ಬಟನ್ ಕ್ಲಿಕ್ ಮಾಡಿ.

ಹಂತ 3: ಲೈಕ್ ಗಳನ್ನು ಫಿಲ್ಟರ್ ಮಾಡಲು ಪರದೆಯ ಎಡಭಾಗದಲ್ಲಿರುವ ಲೈಕ್ಸ್ ಬಟನ್ ಕ್ಲಿಕ್ ಮಾಡಿ

ಹಂತ 4: ಈಗ ನೀವು ಇಲ್ಲಿಯವರೆಗೆ ಲೈಕ್ ಮಾಡಿರುವ ಎಲ್ಲಾ ಪೋಸ್ಟ್ ಗಳನ್ನು ನೋಡಬಹುದಾಗಿದೆ. ಏನನ್ನಾದರು ಅನ್ಲೈಕ್ ಮಾಡಬಯಸಿದರೆ ಅಲ್ಲಿರುವ 'ಎಡಿಟ್' ಬಟನ್ ಮೇಲೆ ಕ್ಲಿಕ್ ಮಾಡಿ ಪೋಸ್ಟ್ ಅನ್ನು ಅನ್ಲೈಕ್ ಮಾಡಿ