ಫೇಸ್‌ಬುಕ್‌ 'ಮಾರ್ಕೆಟ್ ಪ್ಲೇಸ್' ಹಣಗಳಿಕೆಗೆ ಬೆಸ್ಟ್ ಪ್ಲೇಸ್ ಏಕೆ?!

ಫೇಸ್‌ಬುಕ್ 'ಮಾರ್ಕೆಟ್ ಪ್ಲೇಸ್'!!

ಮೊದಲೇ ಹೇಳಿದಂತೆ ನಮ್ಮಲ್ಲಿರುವವ ವಸ್ತುಗಳನ್ನು ನಮ್ಮ ಫೇಸ್‌ಬುಕ್ ಗೆಳೆಯರಿಗೆ ಮಾರುವ ಅಥವಾ ಅವರ ವಸ್ತುಗಳನ್ನು ಫೇಸ್‌ಬುಕ್ ಮೂಲಕ ಸಂಪರ್ಕಿಸಿ ಖರೀದಿಸುವ ಒಂದು ವೇದಿಕೆಗೆ 'ಮಾರ್ಕೆಟ್ ಪ್ಲೇಸ್' ಎಂದು ಹೆಸರಿಡಲಾಗಿದೆ. ಈ ಸೇವೆ ಬಹುತೇಕ ಒಎಲ್‌ಎಕ್ಸ್ ಮತ್ತು ಕ್ವಿಕ್ಕರ್ ಸೇವೆಗಳಂತೆಯೇ ಲಭ್ಯವಿದೆ.!!

ಗ್ರಾಹಕರ ಮಾರ್ಕೆಟ್!!

ಒಎಲ್‌ಎಕ್ಸ್, ಇ-ಬೇ, ಕ್ವಿಕರ್, ಕ್ಯಾಶಿಫೈ, ಅಮೆಜಾನ್‌ ಮುಂತಾದ ತಾಣಗಳಲ್ಲಿ ನಾವು ಸೆಕೆಂಡ್‌ ಹ್ಯಾಂಡ್ ವಸ್ತುಗಳನ್ನು ಖರೀದಿಸುವ ವ್ಯವಸ್ಥೆ ಈಗಾಗಲೇ ಇದ್ದರೆ, ಫೇಸ್‌ಬುಕ್‌ ಕೂಡ ಇದಕ್ಕೆ ವೇದಿಕೆಯನ್ನು ಇದೀಗ ಕ್ಲಿಪಿಸಿದೆ. ಇದರಲ್ಲಿ ಹೊಸ ವಸ್ತುಗಳನ್ನು ಕೂಡ ಮಾರಾಟ ಮಾಡಿ, ಜನರು ತಮ್ಮದೇ ಮಾರ್ಕೆಟ್ ಪ್ಲೇಸ್ ಸ್ಥಾಪಿಸಿಕೊಳ್ಳಬಹುದು.!!

ಬೇರೆ ವೆಬ್‌ ತಾಣಕ್ಕೆ ಹೋಗಬೇಕಿಲ್ಲ!!

ಯಾರು ತಮ್ಮಲ್ಲಿರುವ ವಸ್ತುಗಳನ್ನು ಮಾರಾಟ ಮಾಡಲು ಬಯಸಿದರೆ ಫೇಸ್‌ಬುಕ್ ಆಪ್‌ನಲ್ಲಿಯೇ ಇರುವ ಮಾರ್ಕೆಟ್ ಪ್ಲೇಸ್ ಎಂಬ ಟ್ಯಾಬ್‌ ಮೂಲಕ ಕೆಲಸ ಮುಗಿಸಬಹುದು. ಇದಕ್ಕಾಗಿ ಬೇರೆ ವೆಬ್‌ ತಾಣಕ್ಕೆ ಹೋಗಬೇಕಾಗಿಲ್ಲ, ಮತ್ತೊಂದು ಆಪ್‌ ಅಳವಡಿಸಿಕೊಳ್ಳಬೇಕಿಲ್ಲ.! ಫೇಸ್‌ಬುಕ್‌ ಮೂಲಕವೇ ಎಲ್ಲವೂ ಸಾಧ್ಯ.!!

'ಫೇಸ್‌ಬುಕ್‌ ಮಾರ್ಕೆಟ್ ಪ್ಲೇಸ್' ಬಳಸುವುದು ಹೇಗೆ?

ಫೇಸ್‌ಬುಕ್ ಲಾಗಿನ್‌ ಆದ ನಂತರ ನಿಮ್ಮ ನ್ಯೂಸ್‌ಫೀಡ್‌ನ ಎಡ ಮೇಲ್ಭಾಗದಲ್ಲಿ 'ಫೇಸ್‌ಬುಕ್‌ ಮಾರ್ಕೆಟ್‌ ಪ್ಲೇಸ್‌' ಎಂದು ಬರೆದಿರುವುದು ಕಾಣಿಸುತ್ತದೆ. ಅದನ್ನು ಕ್ಲಿಕ್ ಮಾಡಿದರೆ ಕಾರು, ಬೈಕು, ಮೊಬೈಲ್‌ ಫೋನ್‌ ಹೀಗೆ ಫಿಲ್ಟರ್ ಮಾಡಿದರೆ, ನಮ್ಮ ಊರಿನ ಸುತ್ತಮುತ್ತ ಸುಮಾರು 60 ಕಿ.ಮೀ. ವ್ಯಾಪ್ತಿಯಲ್ಲಿರುವ ವಸ್ತುಗಳನ್ನು ಫೇಸ್‌ಬುಕ್‌ ತೋರಿಸುತ್ತದೆ.!!

ಮಾರಾಟ ಮಾಡುವುದು ಹೇಗೆ?

ಮಾರ್ಕೆಟ್ ಪ್ಲೇಸ್ ತೆರೆದು 'ವಾಟ್‌ ಆರ್‌ ಯೂ ಲಿಸ್ಟಿಂಗ್' ಎಂಬುದನ್ನು ಕ್ಲಿಕ್‌ ಮಾಡಿ, ನೀವು ಮಾರಾಟ ಮಾಡಬೇಕಿರುವ ವಸ್ತುವಿನ ವಿವರ ನೀಡಿ, ಫೋಟೋ ಕೂ ಅಪ್ಲೋಡ್ ಮಾಡಿ. ಎಲ್ಲ ವಿವರಗಳನ್ನೂ ದಾಖಲಿಸಿ ಪೋಸ್ವ್ ಮಾಡಿದರೆ ಆಯಿತು ನಿಮ್ಮಲ್ಲಿರುವ ವಸ್ತುಗಳನ್ನು ಮಾರಾಟಕ್ಕಿಟ್ಟಂತೆ.!!

ಫೇಸ್‌ಬುಕ್ 'ಮಾರ್ಕೆಟ್ ಪ್ಲೇಸ್' ಡಿಫರೆಂಟ್!!

ಒಎಲ್‌ಎಕ್ಸ್, ಕ್ವಿಕರ್‌ ಮುಂತಾದೆಡೆಗಳಲ್ಲೆಲ್ಲ ಸೆಕೆಂಡ್‌ ಹ್ಯಾಂಡ್‌ ವಸ್ತುಗಳ ಖರೀದಿಗಿದ್ದ ಅತಿದೊಡ್ಡ ತೊಂದರೆ ಎಂದರೆ ಅಲ್ಲಿ ವಸ್ತುಗಳ ವಿಶ್ವಾಸಾರ್ಹತೆ. ಆದರೆ, ಫೇಸ್‌ಬುಕ್‌ನಲ್ಲಿ ಪ್ರತಿಯೊಬ್ಬರ ಪರಿಚಯ ಇರುವುದರಿಂದ ವಸ್ತುಗಳ ಮೇಲೆ ನಂಬಿಕೆ ಒಂದಿಷ್ಟು ಹೆಚ್ಚು ಇಡಬಹುದು.!!

How to view all photos, pages, comments and posts you liked on Facebook (KANNADA)

ನಕಲಿ ಅಕೌಂಟ್‌ಗಳ ಬಗ್ಗೆ ಎಚ್ಚರ!!

ಫೇಸ್‌ಬುಕ್‌ನಲ್ಲಿ ನೀವು ಸಿಕ್ಕಸಿಕ್ಕವರನ್ನು ಗೆಳೆಯರನ್ನಾಗಿ ಮಾಡಿಕೊಂಡಿದ್ದರೆ ಅವುಗಳಲ್ಲಿ ನಕಲಿ ಅಕೌಂಟ್‌ಗಳ ಬಗ್ಗೆ ಎಚ್ಚರವಾಗಿರಬೇಕು. ಫೇಸ್‌ಬುಕ್‌ ತನ್ನ ಮಾರುಕಟ್ಟೆ ತಾಣದಲ್ಲಿ ವಸ್ತುಗಳ ಮಾರಾಟಕ್ಕೆ ಅಷ್ಟೇನೂ ಕಠಿಣವಾದ ನಿಯಮಗಳನ್ನು ರೂಪಿಸಿಲ್ಲ ಎನ್ನಬಹುದಾದ್ದರಿಂದ ಈ ಎಚ್ಚರಿಕೆ ಅಗತ್ಯ.!!