ಗೂಗಲ್ ಅನ್ನು ಕಂಟ್ರೋಲ್ ಮಾಡುವ ಶಕ್ತಿ ನಿಮಗಿದೆ!!..ಆದರೆ,ಕಂಟ್ರೋಲ್ ಏಕೆ ಮಾಡಬೇಕು!?

ಖಾಸಗಿತನದ ನೀತಿ!!

ಪಾರದರ್ಶಕತೆ ಕಾಯ್ದುಕೊಳ್ಳುವ ಉದ್ದೇಶದಿಂದ ಗೂಗಲ್‌ ಸೇರಿದಂತೆ ಹಲವು ತಂತ್ರಜ್ಞಾನ ಕಂಪೆನಿಗಳು ಬಳಕೆದಾರರ ಮಾಹಿತಿ ಸಂಗ್ರಹದ ಬಗ್ಗೆ ಖಾಸಗಿತನದ ನೀತಿಯಲ್ಲಿ (privacy policy) ತಿಳಿಸಿರುತ್ತವೆ. ಬಳಕೆದಾರರು ತಮ್ಮ ಮಾಹಿತಿಯನ್ನು ಸೇವಾ ಸಂಸ್ಥೆಗಳ ಜತೆಗೆ ಹಂಚಿಕೊಳ್ಳಬಹುದು ಅಥವಾ ಹಂಚಿಕೊಳ್ಳದೆಯೂ ಇರಬಹುದು.

ಜಾಹೀರಾತು ನಿಯಂತ್ರಣಕ್ಕೆ

ನಿಮಗೆ ಗೊತ್ತಿದಿಯೋ ಅಥವಾ ನಿಲ್ಲವೊ ಪ್ರತಿಯೊಂದೂ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ ಸಹ ಒಂದು ಜಾಹೀರಾತು ಸಂಖ್ಯೆಯನ್ನು (Advertising ID) ಹೊಂದಿರುತ್ತದೆ. ಇದು ಬಳಕೆದಾರರ ಮನೋಭಾವ ಹಾಗೂ ಅವರ ಇಷ್ಟಾನಿಷ್ಟಗಳನ್ನು ಗೂಗಲ್‌ಗೆ ದೊರೆಯುವಂತೆ ಮಾಡುತ್ತದೆ. ಹಾಗಾಗಿ, ಬಳಕೆದಾರರು ಜಾಹೀರಾತು ನಿಯಂತ್ರಿಸಲು ಡಿವೈಸ್‌ನ Settingsಗೆ ಹೋಗಿ Google ಮೇಲೆ ಕ್ಲಿಕ್ ಮಾಡಿ. ಬಳಿಕ Ads ಮೇಲೆ ಕ್ಲಿಕ್ಕಿಸಿ. ಇಲ್ಲಿ ನೀವು ಜಾಹೀರಾತು ನಿಯಂತ್ರಣವನ್ನು ಆಯ್ಕೆ ಮಾಡಿಕೊಳ್ಳಬಹುದು.

ಇಂಟರ್‌ನೆಟ್‌ನಲ್ಲಿ ಹುಡುಕಾಟದ್ದು.!!

ಗೂಗಲ್ ಎಂದರೆ ಇಂಟರ್‌ನೆಟ್ ಎನ್ನುವಹಾಗೆ ಇಂದು ಜಗತ್ತು ಬದಲಾಗಿದೆ.!! ಗೂಗಲ್‌ನಲ್ಲಿ ಏನೇ ಹುಡುಕಾಡಿದರೂ ಕೂಡ ಗೂಗಲ್‌ನ My Activity pageನಲ್ಲಿ ಅವು ಸೇವ್ ಆಗಿರುತ್ತದೆ.ಹಾಗಾಗಿ, ಗೂಗಲ್‌ಗೆ ಹೋಗಿ My Activity ಕ್ಲಿಕ್ ಮಾಡಿ Activity Controls ಆಯ್ಕೆ ಮಾಡಿಕೊಳ್ಳಿ. ಇಲ್ಲಿ ನಿಮ್ಮ ಅಂತರ್ಜಾಲ ಚಟುವಟಿಕೆಗಳನ್ನು ನಿಯಂತ್ರಿಸಬಹುದು.!!

ಲೊಕೇಷನ್ ಟ್ರಾಕ್ .!!

ಗೂಗಲ್‌ ಮ್ಯಾಪ್, ಗೂಗಲ್‌ ಅಸಿಸ್ಟನ್ಸ್ ಮತ್ತು ಇನ್ನಿತರ ಸೇವೆಗಳಿಗಾಗಿ ಗೂಗಲ್‌ ನೀವಿರುವ ಸ್ಥಳವನ್ನು ಟ್ರ್ಯಾಕ್ ಮಾಡುತ್ತದೆ. ಈ ಮಾಹಿತಿ ಗೂಗಲ್‌ಗೆ ಗೊತ್ತಾಗಬಾರದು ಎಂದರೆ ನಿಮ್ಮ ಡಿವೈಸ್‌ನ Settingsಗೆ ಹೋಗಿ ಅಲ್ಲಿ ಕಾಣುವ Google ಮೇಲೆ ಕ್ಲಿಕ್ ಮಾಡಿ. ಬಳಿಕ Location ಮೇಲೆ ಕ್ಲಿಕ್ ಮಾಡಿ. ಇಲ್ಲಿ Location ಅನ್ನು Off ಮಾಡಿದರೆ ನಿಮ್ಮನ್ನು ಟ್ರ್ಯಾಕ್ ಮಾಡಲು ಆಗುವುದಿಲ್ಲ.!!

ನೀವು ಹುಡುಕಿದ್ದನ್ನು ಮರೆಮಾಚಲು!!

ನಿಮ್ಮ ಬ್ರೌಸಿಂಗ್ ಇತಿಹಾಸವನ್ನು (browser history) ಅಳಿಸುವ ಮೂಲಕವೂ ನಿಮ್ಮ ಅಂತರ್ಜಾಲ ಚಟುವಟಿಕೆಗಳ ಮಾಹಿತಿಯನ್ನು ಅಳಿಸಬಹುದು. ಇದಕ್ಕಾಗಿ ನಿಮ್ಮ ಬ್ರೌಸರ್‌ ಆಯ್ಕೆಗಳಿಗೆ ಹೋಗಿ Clear Browsing history ಒತ್ತಿ. ಈಗ ನೀವು ಬ್ರೌಸ್ ಮಾಡಿದ ಮಾಹಿತಿ ಎಲ್ಲವೂ ಅಳಿಸಿಹೋಗುತ್ತದೆ. ಇದು ಕೂಡ ನಿಮ್ಮ ಖಾಸಾಗಿ ಮಾಹಿತಿಯೇ ಆಗಿರುತ್ತದೆ.!!