ತನ್ನ ಸ್ಮಾರ್ಟ್‌ಫೋನ್ ಅನ್ನೇ ವಿವಾಹವಾದ ಫೋನ್ ಪ್ರೇಮಿ

ಸರಳ ಸಮಾರಂಭ

ಆರನ್ ಚೆರುವನಾಕ್ ಲಾಸ್ ಏಂಜಲೀಸ್‌ನಲ್ಲಿರುವ ಚರ್ಚ್‌ವೊಂದರಲ್ಲಿ ಸರಳ ಸಮಾರಂಭವನ್ನಿಟ್ಟುಕೊಂಡು ಆರನ್ ಫೋನ್ ಅನ್ನು ವಿವಾಹವಾಗಿದ್ದಾನೆ.

ಮದುಮಕ್ಕಳ ದಿರಿಸು

ಮದುಮಗ ಆರನ್ ಟ್ಯೂಕ್ಸ್ ಉಡುಪನ್ನು ಧರಿಸಿದ್ದರೆ ಮದುಮಗಳು ಬಿಳಿಯ ಪ್ರೊಟೆಕ್ಟೀವ್ ಕೇಸ್ ಅನ್ನು ಧರಿಸಿಕೊಂಡಿತ್ತು.

ವಿಶ್ವಾಸ

ವಿವಾಹ ಸಮಯದಲ್ಲಿ ಆರನ್ ಅನ್ನು ನೀನು ವಿವಾಹವಾಗುತ್ತಿರುವ ಸ್ಮಾರ್ಟ್‌ಫೋನ್ ಅನ್ನು ಪ್ರೀತಿ ಮತ್ತು ಕಾಳಜಿಯಿಂದ ನೋಡಿಕೊಳ್ಳುತ್ತೀಯ ಆಕೆಯೊಂದಿಗೆ ವಿಶ್ವಾಸಪೂರ್ವಕವಾಗಿ ನೀನು ಇರುತ್ತೀಯ ಎಂದು ಕೇಳಿದ್ದಕ್ಕೆ ಆರನ್ ಸಮ್ಮತಿಯನ್ನು ಸೂಚಿಸಿದ್ದಾರೆ.

ಹುಚ್ಚುತನ

ಇದು ಮನರಂಜನೆ ಎಂಬುದಾಗಿ ಹೇಳುವುದಕ್ಕಿಂತ ಒಂದು ರೀತಿಯ ಹುಚ್ಚುತನ ಎಂಬುದಾಗಿ ನಮಗೆ ಅನ್ನಿಸಿದರೂ ಆರನ್ ಈ ರೀತಿ ಮಾಡುವುದಕ್ಕೆ ಕಾರಣವನ್ನು ನೀಡುತ್ತಾರೆ.

ಸ್ಮಾರ್ಟ್‌ಫೋನ್ ಆತ್ಮೀಯತೆ

ಆರನ್ ಈ ರೀತಿ ಮಾಡುತ್ತಿರುವುದು ಏಕೆಂದರೆ ಜನರು ತಮ್ಮ ಸ್ಮಾರ್ಟ್‌ಫೋನ್‌ಗಳನ್ನು ಎಷ್ಟು ಹಚ್ಚಿಕೊಂಡಿದ್ದಾರೆ ಎಂಬುದನ್ನು ತೋರಿಸುವುದಕ್ಕಂತೆ.

ಹೆಚ್ಚು ಸಮಯ ಸಂಪರ್ಕ

ತಮ್ಮ ಫೋನ್‌ಗಳೊಂದಿಗೆ ಜನರು ಹೆಚ್ಚು ಸಮಯ ಸಂಪರ್ಕವನ್ನು ಹೊಂದಿರುತ್ತಾರೆ ಮತ್ತು ಎಲ್ಲಾ ಸಮಯವೂ ಅದರೊಂದಿಗೆ ಸಮಯ ಕಳೆಯುತ್ತಾರೆ. ತಮ್ಮ ಫೋನ್‌ಗಳೊಂದಿಗೆ ಅವರು ನಿದ್ರೆಯನ್ನೂ ಮಾಡುತ್ತಾರೆ.

ಮದುವೆಯೇ ಉಚಿತ

ತಮ್ಮ ಸೆಲ್ ಫೋನ್‌ನೊಂದಿಗೆ ಅವರು ಬೆಳಗ್ಗೆ ಏಳುತ್ತಾರೆ. ಕೆಲವೊಮ್ಮೆ ಅವರು ಪರಿಶೀಲಿಸುವ ಪ್ರಥಮ ವಿಷಯವೇ ತಮ್ಮ ಫೋನ್ ಆಗಿರುತ್ತದೆ ಎಂಬುದಾಗಿ ಕೆಲ್ಲಿ ತಿಳಿಸುತ್ತಾರೆ, ಆದ್ದರಿಂದ ಮದುವೆಯೇ ಉಚಿತವೆಂಬುದಾಗಿ ನಾನು ಅಂದುಕೊಂಡಿದ್ದೇನೆ ಎಂಬುದು ಆರನ್ ಮಾತಾಗಿದೆ.

ಸ್ಮಾರ್ಟ್‌ಫೋನ್‌ನೊಂದಿಗೆ ನನ್ನದು ದೀರ್ಘ ಸಂಬಂಧ

ನನ್ನ ಸ್ಮಾರ್ಟ್‌ಫೋನ್‌ನೊಂದಿಗೆ ನನ್ನದು ದೀರ್ಘ ಸಂಬಂಧವಿದೆ. ಹೆಚ್ಚು ಭಾವನಾತ್ಮಕ ಸಂದರ್ಭಗಳಲ್ಲಿ ನಾನು ನನ್ನ ಫೋನ್‌ನೊಂದಿಗೆ ಸಂಪರ್ಕವನ್ನು ಹೊಂದಿದ್ದೇನೆ. ನಮಗೊಂದು ಆಪ್ತತೆಗಾಗಿ, ನಮ್ಮನ್ನು ನಿರಾಳಗೊಳಿಸಲು, ನಿದ್ರಿಸಲು, ಮೆದುಳನ್ನು ಶಾಂತಗೊಳಿಸಲು, ಹೀಗೆ ಬಹು ಬಗೆಯಲ್ಲಿ ಫೋನ್ ಅನ್ನು ಬಳಸುತ್ತೇವೆ ಎಂಬುದಾಗಿ ಆರನ್ ಯೂಟ್ಯೂಬ್ ವೀಡಿಯೊದಲ್ಲಿ ತಿಳಿಸಿದ್ದಾರೆ. ಆದ್ದರಿಂದಲೇ ಫೋನ್ ಅನ್ನು ಮದುವೆಯಾಗುವ ನಿರ್ಧಾರಕ್ಕೆ ನಾನು ಬಂದಿರುವುದಾಗಿ ಅವರು ತಿಳಿಸುತ್ತಾರೆ.