ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ತಂತ್ರಜ್ಞಾನ ಮಾಯಾಲೋಕ ಸೃಷ್ಟಿಸಲಿದೆ ಜಪಾನ್!!..ಹೇಗಿರಲಿದೆ ಗೊತ್ತಾ?

ಟೋಕಿಯೊ ಒಲಿಂಪಿಕ್ಸ್!!

ಇಡೀ ಪ್ರಪಂಚವೇ ತಿರುಗಿ ನೋಡುವ ಒಂದು ಕ್ರೀಡಾ ಹಬ್ಬ ಎಂದರೆ ಅದು 'ಒಲಿಂಪಿಕ್ಸ್'. ವಿಶ್ವದ ಬಹುತೇಕಾ ಎಲ್ಲಾ ರಾಷ್ಟ್ರಗಳು ಭಾಗವಹಿಸುವ ಒಲಪಿಂಕ್ಸ್ ಕ್ರೀಡಾಕೂಟ 2020ರಲ್ಲಿ ಜಪಾನ್ ರಾಜಧಾನಿ ಟೋಕಿಯೋದಲ್ಲಿ ನಡೆಯಲಿದೆ. ಹಾಗಾಗಿ, ಇಡೀ ಜಗತ್ತಿಗೆ ತಾನೇ ರೋಬಾಟಿಕ್ಸ್ ತಂತ್ರಜ್ಞಾನದ ಜಾಗತಿಕ ಮುಂದಾಳು ಎಂಬುದನ್ನು ತೋರಿಸಲು ಜಪಾನ್ ಹೊರಟಿದೆ.!!

5G ಪರಿಚಯಿಸಲಿದೆ ಜಪಾನ್!!

2020ರ ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಹೊಸದೊಂದು ಮಾಯಾ ಲೋಕವನ್ನೇ ಸೃಷ್ಟಿಸಲು ಸಿದ್ಧತೆ ನಡೆಸಿರುವ ಜಪಾನ್ 5ಜಿ ಸಂಪರ್ಕ ವ್ಯವಸ್ಥೆ ಪರಿಚಯಿಸಲಿದೆ ಎನ್ನುತ್ತಿವೆ ವರದಿಗಳು. ವಿಶ್ವದಲ್ಲಿ 5G ಬರಲು ಇನ್ನೈದು ವರ್ಷಗಳಾದರೂ ಬೇಕು ಎನ್ನುತ್ತಿದ್ದ ತಜ್ಞರು 2020ರ ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ 5ಜಿ ಬಳಸಬಹುದು.!!

ರೋಬೋಟ್‌ಗಳದ್ದೇ ಗ್ರಾಮ!!

ಒಲಿಂಪಿಕ್ಸ್ ಕ್ರೀಡೆ ನಡೆಯುವ ಒಡಾಯಿಬಾ ಗ್ರಾಮದಲ್ಲಿ ರೋಬಾಟ್‌ಗಳದ್ದೇ ಪ್ರತ್ಯೇಕ ಗ್ರಾಮ ಇರುತ್ತದಂತೆ. ಅತಿಥಿಗಳ ಸಂಚಾರ ವ್ಯವಸ್ಥೆ, ಮನರಂಜನೆ, ಊಟೋಪಚಾರ ಮೇಲ್ವಿಚಾರಣೆ ಮತ್ತು 27 ಭಾಷೆಗಳಲ್ಲಿ ಮಾತಾಡಬಲ್ಲ ರೋಬಾಟ್‌ಗಳ ಸೈನ್ಯವೇ ಸಜ್ಜಾಗುತ್ತಿದೆ ಎನ್ನುತ್ತಿವೆ ಮಾಧ್ಯಮ ವರದಿಗಳು.!!

ತಂತ್ರಜ್ಞಾನಗಳ ಆಗರ!!

ಚಾಲಕರಿಲ್ಲದ ಕಾರುಗಳು, ಜಲಜನಕ ಶಕ್ತಿಯಿಂದ ನಿಶ್ಶಬ್ದ ಚಲಿಸುವ ವಾಹನಗಳು, ಗಂಟೆಗೆ 600 ಕಿ.ಮೀ ವೇಗದ ಸೂಪರ್ ಮ್ಯಾಗ್ಲೆವ್ ರೈಲು, ಎಚ್‌ಡಿ ಟಿವಿಗಳಿಗಿಂತ 16 ಪಟ್ಟು ಹೆಚ್ಚು ಸ್ಪಷ್ಟವಾಗಿ ಚಿತ್ರಗಳನ್ನು ಬಿತ್ತರಿಸುವ 8ಕೆ ಟಿವಿ ಮತ್ತು ಹೆಜ್ಜೆ ಹೆಜ್ಜೆಗೂ ರೋಬಾಟ್‌ಗಳು ಟೋಕಿಯಾದಲ್ಲಿ ಕಾಣಸಿಗುತ್ತವೆ.!!

How to create two accounts in one Telegram app (KANNADA)

ಸಾವಿರಾರು ಕೋಟಿ ಖರ್ಚು!!

ರೋಬಾಟ್‌ಗಳ ಆಗರ ಎಂದು ಹೆಸರಾಗಿರುವ ಜಪಾನ್‌ ಒಲಿಂಪಿಕ್ಸ್‌ನಲ್ಲಿ ತನ್ನ ಸಾಮರ್ಥ್ಯವನ್ನು ತೋರಿಸಲು ಸಾವಿರಾರು ಕೋಟಿ ಹಣವನ್ನು ಖರ್ಚು ಮಾಡುತ್ತಿದೆ. !! ವಿಶ್ವವಿದ್ಯಾಲಯಗಳಿಗೆ, ವಿಜ್ಞಾನ ತಂತ್ರಜ್ಞಾನ ಸಂಘಟನೆಗಳಿಗೆ, ಹವ್ಯಾಸಿ ಎಂಜಿನಿಯರ್‌ಗಳಿಗೆ ಮತ್ತು ಸಾಫ್ಟ್‌ವೇರ್ ಟೆಕಿಗಳಿಗೆ ನೀರಿನಂತೆ ಹಣ ಚೆಲ್ಲುತ್ತಿದೆ.!!