ಗೂಗಲ್ ಹುಡುಕಿದೆ ಯಶಸ್ಸಿಗೆ ಹೊಸ ದಾರಿ

By Super

Updated: Wednesday, July 20, 2011, 17:58 [IST]

ಬೆಂಗಳೂರು, ಜು. 20: ಫೇಸ್ ಬುಕ್ ಮತ್ತು ಟ್ವಿಟ್ಟರ್ ಇಂದು ಡಬ್ ಜಗತ್ತಿನ ಶೇ% 80 ರಷ್ಟು ಭಾಗವನ್ನು ಆಳುತ್ತಿವೆ. ಇವುಗಳ ಜನಪ್ರಿಯತೆಯನ್ನು ಎನ್ ಕ್ಯಾಶ್ ಮಾಡಿಕೊಳ್ಳುವತ್ತ ಮೊಬೈಲ್ ಕಂಪೆನಿಗಳು ಬಹು ಜಾಗರೂಕತೆಯಿಂದ, ಆದರೆ ನಾಗಾಲೋಟ ಬಳಸಿ ಓಡುತ್ತಿವೆ. ಹೀಗಾಗಿ ಮೊದಲಿನಿಂದ ಮಹಾರಾಜನಾಗಿ ಮೆರೆಯುತ್ತಿದ್ದ ಗೂಗಲ್ ಬಿಸಿನೆಸ್ ಗೆ ನೇರ ಪರಿಣಾಮವಾಗಿದೆ. ಈಗ ಗೂಗಲ್ ತನ್ನ ಮೊದಲಿನ ಸಾಮ್ರಾಜ್ಯಕ್ಕೆ ಮರಳಲಾಗದಿದ್ದರೂ ಮೇಲೇಳಲು ಪ್ರಯತ್ನಿಸಲೇಬೇಕಾಗಿದೆ.

ಈಗ ಅದು ಗೂಗಲ್ + ಎಂಬ ಹೊಸ ಸೋಶಿಯಲ್ ನೆಟ್ ವರ್ಕ್ ಮೂಲಕ ತನ್ನ ಇಮೇಜ್ ಹೆಚ್ಚಿಸಿಕೊಳ್ಳಲು ಯೋಜನೆ ರೂಪಿಸಿದೆ. ಲಿಮಿಟೆಡ್ ಇನ್ವಿಟೇಶನ್ ಬೇಸ್ಡ್ ಬೇಟಾ ಫಾರ್ಮೆಟ್ ನಲ್ಲಿ ಈದೀಗ ದೊರೆಯುತ್ತಿರುವ ಫೇಸ್ ಬುಕ್ ಮತ್ತು ಟ್ವಿಟ್ಟರ್ ಗಳ ಸೇವೆಗಿಂತ ತಾನು ಕೊಡುವ ಈ ಸೇವೆ ಹೆಚ್ಚಿನ ಜನಪ್ರಿಯತೆ ಗಳಿಸಬೇಕೆಂಬ ಉದ್ದೇಶದಿಂದ ಮೊಬೈಲ್ ಹ್ಯಾಂಡ್ ಸೆಟ್ ಹಾಗೂ ನೆಟ್ ಬುಕ್ ಗಳಲ್ಲಿ ಇನ್ನು ಮುಂದೆ ಈ ಸೇವೆಯನ್ನು ನೀಡಲು ಗೂಗಲ್ ನಿರ್ಧರಿಸಿದೆ.

ಸದ್ಯಕ್ಕೆ ದೊರೆತಿರುವ ಮಾಹಿತಿಯ ಪ್ರಕಾರ, ಗೂಗಲ್ ತನ್ನ ಹೊಸ 'ಗೂಗಲ್ ನೆಕ್ಸಸ್ 3' ಫೋನ್ ನಲ್ಲಿ ಸ್ಪೆಷಲ್ ಬಟನ್ ಒನ್ ಟಚ್ ಮೂಲಕ ಈ ಸೇವೆಯನ್ನು ಅಳವಡಿಸಲು ಮುಂದಾಗಿದೆ. ಈಗಾಗಲೇ ಸಾಕಷ್ಟು ಮೊಬೈಲ್ ಗಳಲ್ಲಿ ಕಂಡುಬರುವ ಫೇಸ್ ಬುಕ್ ಗೆ ಅತಿ ವೇಗವಾಗಿ ಜಾರಬಲ್ಲ ಬಟನ್ ನಂತೆ ಈ ಗೂಗಲ್ ನಲ್ಲಿ ಕೂಡ ಲಭ್ಯವಾಗಲಿದೆ.

ಇದಕ್ಕೆ ಬೇಕಾಗಿರುವ ನೆಕ್ಸಸ್ 3 ಡಿವೈಸ್ ಎಚ್ ಟಿಸಿ ಬದಲು ಸ್ಯಾಮ್ ಸಂಗ್ ತಯಾರಿಸಲಿದ್ದು, ಇದನ್ನು ಈಗಾಗಲೇ ಸ್ಯಾಮ್ ಸಂಗ್ ತನ್ನ ಟ್ವಿಟ್ಟರ್ ನಲ್ಲಿ ಬಹಿರಂಗಪಡಿಸಿದೆ. ಇದೆಲ್ಲ ಈಗ ಕೇವಲ ಅಂತೆ-ಕಂತೆ ಸುದ್ದಿಗಳಾಗಿದ್ದರೂ ಬೆಂಕಿ ಇಲ್ಲದೇ ಹೊಗೆ ಏಳಲು ಸಾಧ್ಯವಿಲ್ಲ ಎಂಬುದು ಎಲ್ಲರ ಅನುಭವ ತಾನೇ! ಹಾಗಾಗಿ ಯಾವಾಗ ಗೂಗಲ್ ಈ ಸೇವೆ ಪ್ರಾರಂಭಿಸಲಿದೆ ಎಂಬುದನ್ನಷ್ಟೇ ಕಾಲ ಹೇಳಬೇಕಾಗಿದೆ...