ಎಲೆಕ್ಟ್ರಾನಿಕ್ ಡಿವೈಸ್ ಗಳಿಂದ ಕಣ್ಣಿನ ಅಪಾಯ ತಪ್ಪಿಸಿಕೊಳ್ಳುವುದು ಹೇಗೆ?

By Gizbot Bureau

Published: Monday, April 22, 2019, 13:55 [IST]

ಸ್ಮಾರ್ಟ್ ಫೋನ್ ಗಳು, ಟ್ಯಾಬ್ಲೆಟ್ ಗಳು ಮತ್ತು ಇತರೆ ಎಲೆಕ್ಟ್ರಾನಿಕ್ ವಸ್ತುಗಳನ್ನು ಯಾವಾಗಲೂ ಬಳಕೆ ಮಾಡುವುದರಿಂದಾಗಿ ನಮ್ಮ ಕಣ್ಣುಗಳ ಮೇಲೆ ಅಡ್ಡಪರಿಣಾಮಗಳಾಗುತ್ತವೆ ಎಂಬುದು ನಮಗೆಲ್ಲರಿಗೂ ತಿಳಿದಿರುವ ವಿಚಾರವೇ ಆಗಿದೆ. ಆದರೆ ಅದಕ್ಕಾಗಿ ನಾವೇನೂ ಮಾಡುವುದಿಲ್ಲ.ಯಾಕೆಂದರೆ ಅದು ನಮ್ಮ ಲೈಫ್ ಸ್ಟೈಲ್ ಆಗಿದೆ ಮತ್ತು ನಮ್ಮ ಕೆಲಸವು ನಮ್ಮನ್ನು ಈ ವಸ್ತುಗಳಿಂದ ದೂರವಿರುವುದಕ್ಕೆ ಅವಕಾಶ ನೀಡುವುದಿಲ್ಲ.

ಎಲೆಕ್ಟ್ರಾನಿಕ್ ಡಿವೈಸ್ ಗಳಿಂದ ಕಣ್ಣಿನ ಅಪಾಯ ತಪ್ಪಿಸಿಕೊಳ್ಳುವುದು ಹೇಗೆ?

ಇದೀಗ ಟೊಲೆಟೋ ಯುನಿವರ್ಸಿಟಿಯ ಅಧ್ಯಯನಕಾರರು ನೀವು ಹೀಗೆ ಮೊಬೈಲ್ ಮತ್ತು ಇತರೆ ಎಲೆಕ್ಟ್ರಾನಿಕ್ ಡಿವೈಸ್ ಗಳನ್ನು ಬಳಕೆಯನ್ನು ಅತಿಯಾಗಿ ಮುಂದುವರಿಸಿದ್ದೇ ಆದಲ್ಲಿ ನಿಮ್ಮ 50 ನೇ ವಯಸ್ಸಿಗೆ ಕಣ್ಣುಗಳನ್ನು ಕಳೆದುಕೊಳ್ಳುತ್ತೀರಿ ಅಥವಾ ಕಣ್ಣಿಗೆ ಸಂಬಂಧಿಸಿದ ಇತರೆ ಕಾಯಿಲೆಗಳಿಗೆ ತುತ್ತಾಗುತ್ತೀರಿ ಎಂದು ಎಚ್ಚರಿಸಿದೆ. ಹಾಗಾಗಿ ಈ ರೀತಿ ಆಗದಂತೆ ತಡೆಯುವುದಕ್ಕೆ ನೀವೇನು ಮಾಡಬೇಕು ಎಂಬ ಬಗ್ಗೆ ಕೆಲವು ಅಂಶಗಳನ್ನು ನಾವಿಲ್ಲಿ ಹೇಳುತ್ತಿದ್ದೇವೆ.

ಸ್ಮಾರ್ಟ್ ಫೋನ್ ಮತ್ತು ಇತರೆ ಡಿವೈಸ್ ಗಳಲ್ಲಿರುವ ನೀಲಿ ಬೆಳಕು ಪ್ರಮುಖ ಅಂಶವಾಗಿರುತ್ತದೆ.

ಟೊಲೆಟೋ ಯುನಿವರ್ಸಿಟಿಯ ಆಪ್ಟಿಕಲ್ ಕೆಮೆಸ್ಟ್ರಿ ಅಧ್ಯಯನಕಾರರ ಪ್ರಕಾರ, ನೀಲಿ ಬೆಳಕು ಕಣ್ಣಿನ ರೆಟಿನಾದಿಂದ ಕೆಲವು ಮಾಲಿಕ್ಯೂಲ್ ಗಳನ್ನು ಟ್ರಾನ್ಸ್ಫರ್ಮ್ ಮಾಡುತ್ತದೆ ಮತ್ತು ಇದು ಜೀವಕೋಶಗಳ ಸಾಯಿಸುವಿಕೆಗೆ ಕಾರಣವಾಗುತ್ತದೆ.

ಈ ಅಧ್ಯಯನವು ನೀಲಿ ಬೆಳಕಿಗೆ ಕಣ್ಣುಗಳನ್ನು ಅತಿಯಾಗಿ ತೆರೆಯುವುದರಿಂದಾಗಿ ನೀವು 50 ನೇ ವಯಸ್ಸಿಗೆ ಕಾಲಿಡುವಾಗ ಕುರುಡುತನ ಅಥವಾ ಇತರೆ ಕಣ್ಣಿನ ಸಮಸ್ಯೆಗಳು ಬರುವ ಸಾಧ್ಯತೆಯನ್ನು ಸಾಬೀತುಪಡಿಸಿದೆ.