ಸ್ಮಾರ್ಟ್‌ಫೋನ್ ಚಟಕ್ಕೆ ಬಲಿಯಾಗುವ ಮುನ್ನ ಎಚ್ಚೆತ್ತುಕೊಳ್ಳಿ!

ಸ್ಮಾರ್ಟ್‌ಫೋನ್‌ನಲ್ಲಿ ಅಧಿಸೂಚನೆಗಳನ್ನು ಕಸ್ಟಮೈಸ್ ಮಾಡಿ

ಕಡಿಮೆ ನೋಟಿಫಿಕೇಶನ್ ಬಂದಷ್ಟು ನೀವು ಸ್ಮಾರ್ಟ್‌ಫೋನ್ ಪರಿಶೀಲನೆಯನ್ನು ಕಡಿಮೆ ಮಾಡುತ್ತೀರಿ. ಅಧಿಸೂಚನೆಗಳನ್ನು ತಿರಸ್ಕರಿಸಲೆಂದೇ ಫೋನ್ ಅನ್ನು ನೀವು ಹೆಚ್ಚು ಬಳಸುತ್ತೀರಿ ಎಂದಾದಲ್ಲಿ ಅವುಗಳನ್ನು ಆದಷ್ಟು ಸೀಮಿತಗೊಳಿಸಿ.

ಸ್ಮಾರ್ಟ್‌ಫೋನ್ ಬಳಕೆ ಕಡಿಮೆ ಮಾಡಿ

ಒಂದು ಅಧ್ಯಯನದ ಪ್ರಕಾರ ಫೋನ್ ಬಳಕೆದಾರರು 20 ಕ್ಕಿಂತ ಕಡಿಮೆ ಬಾರಿ ಡಿವೈಸ್ ಅನ್ನು ಪರಿಶೀಲಿಸುವುದಿಲ್ಲ ಎಂದಾಗಿದೆ. ಆದಷ್ಟು ಈ ಸ್ಮಾರ್ಟ್‌ಫೋನ್‌ಗಳ ಬಳಕೆಯನ್ನು ಕಡಿಮೆ ಮಾಡಿ ಇತರ ಚಟುವಟಿಕೆಗಳಲ್ಲಿ ನಿಮ್ಮನ್ನು ನೀವು ತೊಡಗಿಸಿಕೊಳ್ಳಿ.

ಬೇಡದ ಅಪ್ಲಿಕೇಶನ್‌ಗಳನ್ನು ನಿವಾರಿಸಿಕೊಳ್ಳಿ

ಫೇಸ್‌ಬುಕ್ ಟ್ವಿಟ್ಟರ್ ಮೊದಲಾದ ಸಾಮಾಜಿಕ ಅಪ್ಲಿಕೇಶನ್‌ಗಳನ್ನು ಫೋನ್‌ನಲ್ಲಿ ಬೇಕಾಗಿಲ್ಲ. ಇಂತಹುದೇ ನಿತ್ಯದ ಬಳಕೆಯಲ್ಲಿ ಬೇಡದೇ ಇರುವ ಅಪ್ಲಿಕೇಶನ್‌ಗಳನ್ನು ಫೋನ್‌ನಿಂದ ದೂರಾಗಿಸಿ.

ಮಲಗುವ ಮುನ್ನ ಫೋನ್‌ಗೆ ವಿದಾಯ ಹೇಳಿ

ನೀವು ನಿದ್ರಿಸುವ ಮುನ್ನ ಫೋನ್‌ಗೆ ವಿದಾಯ ಹೇಳುವುದು ಹೆಚ್ಚು ಮುಖ್ಯವಾದುದು. ನಿಮ್ಮ ಕಣ್ಣುಗಳಿಗೆ ಮನಸ್ಸಿಗೆ ಶಾಂತಿ ಬೇಕು ಎಂದಾದಲ್ಲಿ ಫೋನ್ ಅನ್ನು ಆಫ್ ಮಾಡಿಟ್ಟುಕೊಂಡು ಸುಖವಾಗಿ ನಿದ್ರಿಸಿ.

ಅಪ್ಲಿಕೇಶನ್‌ಗಳ ನೆರವು ಪಡೆಯಿರಿ

ನಿಮ್ಮ ಸ್ಮಾರ್ಟ್‌ಫೋನ್ ಬಳಕೆಯನ್ನು ಸೀಮಿತಗೊಳಿಸುವ ಅಪ್ಲಿಕೇಶನ್‌ಗಳು ಪ್ಲೇ ಸ್ಟೋರ್‌ನಲ್ಲಿ ಲಭ್ಯವಿದೆ. ನಿಮ್ಮ ಸ್ಮಾರ್ಟ್‌ಫೋನ್ ಬಳಕೆಯ ಬಗ್ಗೆ ಇವುಗಳು ಸೂಚನೆಯನ್ನು ನಿಮಗೆ ನೀಡುತ್ತಿರುತ್ತವೆ.

ಫೋನ್‌ನಲ್ಲಿ ಸಮಯ ವೀಕ್ಷಣೆ ಮಾಡಬೇಡಿ

ಸಮಯ ಎಷ್ಟಾಯಿತು ಎಂಬುದನ್ನು ನೋಡಲು ನಾವು ಸ್ಮಾರ್ಟ್‌ಫೋನ್ ಅನ್ನು ಬಳಸುತ್ತೇವೆ. ಆದರೆ ಅದನ್ನು ಮಾತ್ರ ಮಾಡದೇ ವಾಟ್ಸಾಪ್ ಪರಿಶೀಲಿಸುವವರೆಗೆ ನಾವು ಫೋನ್ ಗಮನಿಸುವುದರಲ್ಲಿ ಮಗ್ನರಾಗಿ ಬಿಡುತ್ತೇವೆ. ಆದ್ದರಿಂದ ಸಮಯ ನೋಡಲು ಎಂಬ ನೆಪ ಹೇಳಿ ಫೋನ್ ಪರಿಶೀಲನೆ ಮಾಡದಿರಿ.

ಫೀಚರ್ ಫೋನ್‌ಗಳತ್ತ ದೃಷ್ಟಿ ಹರಿಸಿ

ನಿಮ್ಮ ಸ್ಮಾರ್ಟ್‌ಫೋನ್ ಬಳಕೆಯನ್ನು ನೀವು ಕಡಿಮೆ ಮಾಡಬೇಕು ಎಂದಾದಲ್ಲಿ ಸೌಲಭ್ಯ ಕಡಿಮೆ ಇರುವ ಫೀಚರ್ ಫೋನ್‌ಗಳನ್ನು ಬಳಸಿರಿ.