ಏನೀದು ಡ್ಯುಯಲ್ ಕ್ಯಾಮೆರಾ.? ನೀವು ತಿಳಿಯಲೇ ಬೇಕಾದ ವಿಷಯಗಳು.!

ಏನೀದು ಡ್ಯುಯಲ್ ಕ್ಯಾಮೆರಾ:

ಸ್ಮಾರ್ಟ್‌ಫೋನಿನ ಹಿಂಭಾಗದಲ್ಲಿ ಅಡ್ಡವಾಗಿ ಇಲ್ಲವೇ ಉದ್ದದಲ್ಲಿ ಕಾಣಿಸಿಕೊಳ್ಳುವ ಡ್ಯುಯಲ್ ಕ್ಯಾಮೆರಾ ಸೆಟಪ್ ನಲ್ಲಿ ಹೆಸರೇ ಹೇಳುವಂತೆ ಎರಡು ಕ್ಯಾಮೆರಾ ಲೆನ್ಸ್ ಗಳನ್ನು ಕಾಣಬಹುದಾಗಿದೆ. ಇದರಲ್ಲಿ ಒಂದು ಪ್ರಾಥಮಿಕ ಲೆನ್ಸ್ ಮತ್ತೊಂದನ್ನು ಹೆಚ್ಚುವರಿ ಲೆನ್ಸ್ ಎಂದು ಕರೆಯಲಾಗುತ್ತದೆ. ಮೊದಲ ಲೆನ್ಸ್ ನೀವು ಬಯಸುವ ವಸ್ತುವನ್ನು ಸೆರೆಹಿಡಿಯಲು ಮುಂದಾದರೆ ಇನ್ನೊಂದು ಕ್ಯಾಮೆರಾ ಬ್ಯಾಕ್‌ಗ್ರಾಂಡ್, ಲೈಟ್ ಮುಂತಾದ ಅಂಶಗಳನ್ನು ಸೆರೆಹಿಡಿದು, ಫೋಟೋವಿನಲ್ಲಿ ಡೆಪ್ತ್ ಆಫ್ ಫಿಲ್ಡ್ ಏಫೆಕ್ಟ್ ಮೂಲಕ ಹಿಂಬದಿಯನ್ನು ಬ್ಲರ್ ಮಾಡಿ ಫೋಟೊವನ್ನು ಉತ್ತಮವಾಗಿ ಕಾಣುವಂತೆ ಮಾಡಲಿದೆ.

ಡ್ಯುಯಲ್ ಕ್ಯಾಮೆರಾ ಉಪಯೋಗವೇನು?

ಉತ್ತಮವಾದ ಶಾರ್ಪ್ ಇಮೇಜ್‌ಗಳನ್ನು ಸೆರೆಹಿಡಿಯಲು ಡ್ಯುಯಲ್ ಕ್ಯಾಮೆರಾ ಸಹಾಯ ಮಾಡಲಿದ್ದು, ಇದರಲ್ಲಿ ಸಾಮಾನ್ಯವಾಗಿ ಒಂದು ವೈಡ್ ಆಂಗಲ್ ಲೆನ್ಸ್ ಆಗಲಿದ್ದು, ಅಗಲವಾದ ಚಿತ್ರಗಳನ್ನು ಸೆರೆಹಿಡಿಲು ಬಳಕೆಯಾದರೆ. ಮತ್ತೊಂದು ಜೂಮ್ ಲೈನ್ಸ್ ಆಗಲಿದ್ದು, ದೂರದ ವಸ್ತುಗಳನ್ನು ಜೂಮ್ ಮಾಡಿ ಸೆರೆಹಿಡಿಯಲು ಸಹಾಯವನ್ನು ಮಾಡಲಿದೆ. ಇದರಿಂದಾಗಿ ನಿಮ್ಮ ಫೋಟೋಗಳು ಉತ್ತಮವಾಗಿ ಮೂಡಿಬರಲಿದೆ.

ಡ್ಯುಯಲ್ ಕ್ಯಾಮೆರಾ ಬೆಸ್ಟ್..?

ಸ್ಮಾರ್ಟ್‌ಫೋನಿನಲ್ಲಿ ಡ್ಯುಯಲ್ ಕ್ಯಾಮೆರಾ ಇದ್ದ ಮಾತ್ರವೇ ಅದು ಸಿಂಗಲ್ ಲೆನ್ಸ್ ಗಿಂತಲೂ ಉತ್ತಮವಾಗಿದೆ ಎಂದಲ್ಲ. ಉತ್ತಮ ಫೋಟೋಗಳನ್ನು ಸೆರೆಹಿಡಿಯುವುದು ಸೆನ್ಸರ್ ಗ್ರಾತ್ರ, ಪಿಕ್ಸಲ್, ಅಪರ್ಚರ್ ಗಳ ಮೇಲೆ ನಿರ್ಧಾರಿತವಾಗಿರುತ್ತದೆ. ಈ ಅಂಶಗಳನ್ನು ಉತ್ತಮವಾಗಿರುವ ಸಿಂಗಲ್ ಲೆನ್ಸ್‌ನಲ್ಲಿಯೂ ಬೆಸ್ಟ್ ಪೋಟೋಗಳನ್ನು ಸೆರೆಹಿಡಿಯಬಹುದು.

ಸೆಲ್ಫಿಗಾಗಿ ಡ್ಯುಯಲ್ ಕ್ಯಾಮೆರಾ:

ಸದ್ಯ ಸ್ಮಾರ್ಟ್‌ಫೋನಿನಲ್ಲಿ ಸೆಲ್ಫಿ ಆಧ್ಯತೆ ಹೆಚ್ಚಾಗುತ್ತಿದ್ದು, ಬಳಕೆದಾರರು ಸೆಲ್ಪಿಗಾಗಿ ಡ್ಯುಯಲ್ ಕ್ಯಾಮೆರಾವನ್ನು ನೀಡಲಾಗುತ್ತಿದೆ. ಇದರಲ್ಲಿ ಹೆಚ್ಚಾಗಿ ಬೊಕ್ಕೆ ಎಫೆಕ್ಟ್ ಅನ್ನು ಪಡೆಯುವ ಸಲುವಾಗಿ ಡ್ಯುಯಲ್ ಕ್ಯಾಮೆರಾ ಬಳಸಿಕೊಳ್ಳಲಾಗುತ್ತಿದೆ. ಹಿಂಭಾಗದ ಕ್ಯಾಮೆರಾಕ್ಕೆ ಹೋಲಿಸಿದರೆ ಮುಂಭಾಗದ ಡ್ಯುಯಲ್ ಕ್ಯಾಮೆರಾದ ಕೆಲಸ ಕಡಿಮೆ.