ಆಪಲ್ ಮಾರುಕಟ್ಟೆಗೆ ಬಿಡುಗಡೆ ಮಾಡಲು ಸಿದ್ಧತೆ ನಡೆಸಿರುವ ಐಫೋನ್ ಹೇಗಿರಲಿದೆ ಎನ್ನುವ ಕುತೂಹಲ ದಿನೇ ದಿನೇ ಏರಿಕೆಯಾಗುತ್ತಿದ್ದು, ಇದೇ ಸಂದರ್ಭದಲ್ಲಿ ಹಲವರು ಗಾಳಿ ಸುದ್ದಿಗಳು ಹರಿದಾಡುತ್ತಿದೆ. ಸದ್ಯ ದೊರೆತಿರುವ ಮಾಹಿತಿಯ ಪ್ರಕಾರ ಐಫೋನ್ 8 ರ ಮುಂಭಾಗದಲ್ಲಿ 3D ಕ್ಯಾಮೆರಾವನ್ನು ಅಳವಡಿಸಲಾಗಿದೆಯಂತೆ.
ಈ ಕುರಿತಂತೆ ಖಚಿತ ಮೂಲಗಳಿಂದ ಮಾಹಿತಿ ಲಭ್ಯವಾಗಿದ್ದು, ಖ್ಯಾತ ಎಲೆಕ್ಟ್ರಾನಿಕ್ ತಯಾರಿಕ ಕಂಪನಿ LG, 3D ಕ್ಯಾಮೆರಾವನ್ನು ಸರಬರಾಜು ಮಾಡಿದೆ ಎನ್ನಲಾಗಿದೆ. ಈ ಕುರಿತಂತೆ LG ಮತ್ತು ಆಪಲ್ ನಡುವೆ 200 ಮಿಲಿಯನ್ ಮೊತ್ತದ ಒಪ್ಪಂದ ನಡೆದಿದೆ ಎನ್ನಲಾಗಿದೆ.
ಇದೇ ಈ ಹಿಂದೆ ಐಪೋನ್ 7 ಮತ್ತು ಐಪೋನ್ 7 ಪ್ಲಸ್ ತಯಾರಿಕೆಯ ಸಂದರ್ಭದಲ್ಲಿಯೂ LG ಕಂಪನಿಯೂ ಆಪಲ್‌ಗೆ ಕ್ಯಾಮೆರಾ ಸಪ್ಲೈ ಮಾಡಿತ್ತು ಎನ್ನಲಾಗಿದೆ. ಇದಕ್ಕಾಗಿ ಐಫೋನ್ 8 ತಯಾರಿಕೆಯ ಸಂದರ್ಭದಲ್ಲಿಯೂ ಆಪಲ್ ಈ ಹಿಂದಿನಂತೆ LG ಕಂಪನಿಯೊಂದಗೆ ಮತ್ತೇ ಒಪ್ಪಂದಕ್ಕೆ ಮುಂದಾಗಿದೆ.
ಒಟ್ಟಿನಲ್ಲಿ 3D ಮುಂಭಾಗದ ಕ್ಯಾಮೆರಾವನ್ನು ಅಳವಡಿಸಿರುವ ಐಫೋನ್ 8 ಶೀಘ್ರವೇ ಮಾರುಕಟ್ಟಗೆ ಬರಲಿದ್ದು, ಇದೇ ಈ ಫೋನಿನ ಪ್ರಮುಖ ಆಕರ್ಷಣೆಯಾಗಲಿದೆ ಎಂದರೆ ತಪ್ಪಾಗುವುದಿಲ್ಲ.
ಪ್ರತಿ ಬಾರಿ ಹೊಸ ಫೋನ್ ಬಿಡುಗಡೆ ಮಾಡುವ ಸಂದರ್ಭದಲ್ಲಿ ಒಂದಲ್ಲ ಒಂದು ಹೊಸ ಆಯ್ಕೆಯನ್ನು ತನ್ನ ಗ್ರಾಹಕರಿಗೆ ನೀಡುವ ಆಪಲ್ ಈ ಬಾರಿ ಸೆಲ್ಪಿಗಾಗಿ 3D ಕ್ಯಾಮೆರಾವನ್ನು ನೀಡಲು ಮುಂದಾಗಿದೆ. ಇದು ಈ ಫೋನಿ ಖ್ಯಾತಿಯನ್ನು ಮತ್ತಷ್ಟು ಹೆಚ್ಚಿಸಲಿದೆ.
