ರೂ.2400ಕ್ಕೆ ಆಂಡ್ರಾಯ್ಡ್ ಒರಿಯೊ(ಗೋ) ಲಾವಾ Z50 ಮಾರಾಟ: ಆಫ್‌ಲೈನ್‌-ಆನ್‌ಲೈನ್‌ ಮಾರುಕಟ್ಟೆಯಲ್ಲಿ ಅಬ್ಬರ.!

By Srinidhi

Published: Friday, March 23, 2018, 14:22 [IST]

ಭಾರತೀಯ ಮಾರುಕಟ್ಟೆಯನ್ನು ಗುರಿಯಾಗಿ ಇರಿಸಿಕೊಂಡು ಗೂಗಲ್ ಅಭಿವೃದ್ಧಿಪಡಿಸಿರುವ ಆಂಡ್ರಾಯ್ಡ್ ಗೋ ಆಪರೇಟಿಂಗ್ ಸಿಸ್ಟಮ್ ಹೊಂದಿರುವ ಮೊದಲ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಕಾಣಿಸಿಕೊಂಡಿದೆ. ಲಾವಾ Z50 ಭಾರತೀಯ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿದೆ. ಈ ಸ್ಮಾರ್ಟ್‌ಫೋನ್ ಎಫೆಕ್ಟಿವ್ ಬೆಲೆ ರೂ.2400ಕ್ಕೆ ದೊರೆಯಲಿದ್ದು, ಆಂಡ್ರಾಯ್ಡ್ ಒರಿಯೊ (ಗೋ ಆವೃತ್ತಿ)ಯಲ್ಲಿ ಕಾರ್ಯನಿರ್ವಹಿಸುವ ಈ ಸ್ಮಾರ್ಟ್‌ಫೋನ್ ಅಸಲಿ ಬೆಲೆ ರೂ.4400 ಆಗಲಿದೆ.

ಲಾವಾ Z50 ಭಾರತೀಯ ಮಾರುಕಟ್ಟೆಯಲ್ಲಿ ಕಾಣಿಸಿಕೊಂಡಿರುವ ಆಂಡ್ರಾಯ್ಡ್ ಒರಿಯೊ (ಗೋ ಆವೃತ್ತಿ)ಯ ಸ್ಮಾರ್ಟ್‌ಫೋನ್ ಆಗಿದ್ದು, ಕಳೆದ ತಿಂಗಳಿನಲ್ಲಿ ಈ ಸ್ಮಾರ್ಟ್‌ಫೋನ್‌ ಅನ್ನು ಲಾವಾ ಮಾರುಕಟ್ಟೆಗೆ ಪರಿಚಯ ಮಾಡಿತ್ತು. ಈ ಸ್ಮಾರ್ಟ್‌ಫೋನ್ ಬಳಕೆದಾರರಿಗೆ ಟಾಪ್ ಎಂಡ್ ಸ್ಟಾಕ್ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್ ಬಳಕೆ ಅನುಭವವನ್ನು ನೀಡಲಿದೆ ಎನ್ನಲಾಗಿದ್ದು, ಇದರಿಂದಾಗಿ ಶುದ್ಧ ಆಂಡ್ರಾಯ್ಡ್ ಬಳಕೆ ಮಾಡುವ ಬಯಕೆ ಇದ್ದವರು ಲಾವಾ Z50 ಸ್ಮಾರ್ಟ್‌ಫೋನ್ ಖರೀದಿ ಮಾಡಬಹುದಾಗಿದೆ.

4.5 ಇಂಚಿನ ಡಿಸ್‌ಪ್ಲೇ:

ಲಾವಾ Z50 ಸ್ಮಾರ್ಟ್‌ಫೋನಿನಲ್ಲಿ 4.5 ಇಂಚಿನ FWVGA ಡಿಸ್‌ಪ್ಲೇಯನ್ನು ಕಾಣಬಹುದಾಗಿದೆ. ಅಲ್ಲದೇ ಈ ಡಿಸ್‌ಪ್ಲೇ ಸುರಕ್ಷತೆಗಾಗಿ 2.5D ಕರ್ವಡ್ ಗ್ಲಾಸ್ ಅನ್ನು ಅಳವಡಿಸಲಾಗಿದೆ. ಬಜೆಟ್ ಬೆಲೆಯಲ್ಲಿ ದೊರೆಯುತ್ತಿರುವ ಕಾರಣಕ್ಕಾಗಿ ಕಡಿಮೆ ಗುಣಮಟ್ಟದ ಡಿಸ್‌ಪ್ಲೇಯೂ ಇದಾಗಿದೆ.

ಮೀಡಿಯಾಟೆಕ್ ಪ್ರೋಸೆಸರ್:

ಲಾವಾ Z50 ಸ್ಮಾರ್ಟ್‌ಫೋನಿನಲ್ಲಿ 1.1GHz ವೇಗದ ಕ್ವಾಡ್‌ಕೋರ್ ಮೀಡಿಯಾ ಟೆಕ್ MT6737M ಚಿಪ್‌ಸೆಟ್ ಅನ್ನು ಅಳವಡಿಸಲಾಗಿದ್ದು, ಹೆಚ್ಚಿನ ಗ್ರಾಫಿಕ್ ಬಳಕೆದಾಗಿ ಆಡ್ರಿನೋ 304 GPUವನ್ನು ಸಹ ನೀಡಲಾಗಿದೆ. ಬಜೆಟ್ ಫೋನ್ ಆದರೂ ಗೇಮ್‌ಗಳನ್ನು ಆಡಬಹುದಾಗಿದೆ.

1GB RAM:

ಲಾವಾ Z50 ಸ್ಮಾರ್ಟ್‌ಫೋನ್ ಗೂಗಲ್ ಗೋ ಆವೃತ್ತಿಯ ಆಪ್‌ಗಳನ್ನು ನೀಡುವುದರಿಂದಾಗಿ ಹೆಚ್ಚಿನ RAM ಅವಶ್ಯಕತೆ ಇಲ್ಲ. ಇದಕ್ಕಾಗಿ 1GB RAM ನೀಡಲಾಗಿದೆ. ಇದ್ಲಲದೇ 8GB ಇಂಟರ್ನಲ್ ಮೆಮೊರಿಯನ್ನು ಈ ಸ್ಮಾರ್ಟ್‌ಫೋನ್ ಹೊಂದಿದೆ. SD ಕಾರ್ಡ್ ಹಾಕಿಕೊಳ್ಳುವ ಮೂಲಕ 128GB ವರೆಗೂ ಮೆಮೊರಿಯನ್ನು ಹೆಚ್ಚಿಸಿಕೊಳ್ಳುವ ಅವಕಾಶವು ಇದೆ.

ಕ್ಯಾಮೆರಾ:

ಲಾವಾ Z50 ಸ್ಮಾರ್ಟ್‌ಫೋನಿನಲ್ಲಿ ಉತ್ತಮ ಕ್ಯಾಮೆರಾವನ್ನು ನೀಡಲಾಗಿದ್ದು, ಹಿಂಭಾಗ ಮತ್ತು ಮುಂಭಾಗದಲ್ಲಿ 5MP ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಅಲ್ಲದೇ ಎರಡು ಕಡೆಗಳಲ್ಲಿ LED ಫ್ಲಾಷ್ ಲೈಟ್‌ಗಳನ್ನು ಸಹ ನೀಡಲಾಗಿದ್ದು, ಉತ್ತಮ ಫೋಟೋಗಳನ್ನು ಸೆರೆಹಿಡಿಯಲು ಇದು ಸಹಾಯ ಮಾಡಲಿದೆ.

ಬ್ಯಾಟರಿ:

ಲಾವಾ Z50 ಸ್ಮಾರ್ಟ್‌ಫೋನ್ 2000mAh ಬ್ಯಾಟರಿಯನ್ನು ನೀಡಲಾಗಿದ್ದು, 4G VoLTE ಸಪೋರ್ಟ್ ಮಾಡಲಿದೆ. ಬ್ಲೂಟೂತ್, ವೈ-ಫೈ ಸಂಪರ್ಕವನ್ನು ಇದರಲ್ಲಿ ಪಡೆದುಕೊಳ್ಳಬಹುದಾಗಿದೆ. ಬ್ಲಾಕ್ ಮತ್ತು ಗೋಲ್ಡ್ ಬಣ್ಣದಲ್ಲಿ ಈ ಸ್ಮಾರ್ಟ್‌ಫೋನ್ ಮಾರಾಟವಾಗಲಿದೆ. ಎರಡು ವರ್ಷಗಳ ವ್ಯಾರೆಂಟಿಯೂ ಜೊತೆಗಿದೆ.

ಏರ್‌ಟೆಲ್ ಆಫರ್:

ಇದಲ್ಲದೇ ಲಾವಾ Z50 ಸ್ಮಾರ್ಟ್‌ಫೋನ್ ಕೊಳ್ಳುವವರಿಗೆ ಏರ್‌ಟೆಲ್ ಆಫರ್ ನೀಡುವ ಮೂಲಕ ಹೆಚ್ಚಿನ ಬಳಕೆದಾರರನ್ನು ಸೆಳೆಯುತ್ತಿದೆ. ರೂ.2000 ಕ್ಯಾಷ್ ಬ್ಯಾಕ್ ಅನ್ನು ಈ ಸ್ಮಾರ್ಟ್‌ಫೋನ್ ಮೇಲೆ ಘೋಷಣೆ ಮಾಡಿದೆ. ಇದಕ್ಕಾಗಿ ಈ ಸ್ಮಾರ್ಟ್‌ಫೋನ್ ಬಳಕೆದಾರರು ಪ್ರತಿ ತಿಂಗಳು ಏರ್‌ಟೆಲ್‌ ರಿಚಾರ್ಜ್ ಮಾಡಿಸಿಕೊಳ್ಳಬೇಕಾಗಿದೆ.

ನಿಮ್ಮ Aadhaar ದುರುಪಯೋಗವಾಗಿದೆಯೇ..? ಪತ್ತೆ ಹಚ್ಚುವುದು ಹೇಗೆ..?

ದೊರೆಯುವುದು ಎಲ್ಲಿ:

ಲಾವಾ Z50 ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಈಗಾಗಲೇ ಮಾರಾಟವಾಗುತ್ತಿದ್ದು, ಮೊಬೈಲ್ ರಿಟೇಲ್ ಸ್ಟೋರ್‌ಗಳಲ್ಲಿ ದೊರೆಯುತ್ತಿದೆ. ಇದಲ್ಲದೇ ಫ್ಲಿಪ್‌ಕಾರ್ಟ್, ಅಮೆಜಾನ್ ಮತ್ತು ಸ್ನಾಪ್‌ಡೀಲ್‌ಗಳಲ್ಲಿಯೂ ಈ ಸ್ಮಾರ್ಟ್‌ಫೋನ್ ಮಾರಾಟವಾಗುತ್ತಿದೆ. ಆನ್‌ಲೈನ್‌ ಮತ್ತು ಆಫ್‌ಲೈನ್‌ ಮಾರುಕಟ್ಟೆಯಲ್ಲಿ ಹೊಸ ಹವಾ ಎಬ್ಬಿಸಿದೆ.