ಐಫೋನ್ ಮಾದರಿಯ ಲಿನೊವೊ S5 ಸ್ಮಾರ್ಟ್‌ಫೋನ್ ಲಾಂಚ್: ರೆಡ್‌ಮಿ ನೋಟ್ 5ಗಿಂತಲೂ ಬೆಸ್ಟ್..!

FHD ಗುಣಮಟ್ಟದ ಡಿಸ್‌ಪ್ಲೇ:

ಲಿನೊವೊ S5 ಸ್ಮಾರ್ಟ್‌ಫೋನ್ ನಲ್ಲಿ 5.7 ಇಂಚಿನ FHD ಪ್ಲಸ್ ಗುಣಮಟ್ಟದ ಡಿಸ್‌ಪ್ಲೇಯನ್ನು ಕಾಣಬಹುದಾಗಿದೆ. ಅಲ್ಲದೇ ಇದು 18:9 ಅನುಪಾತದಿಂದ ಕೂಡಿದೆ. ಇದು ಸ್ಮಾರ್ಟ್‌ಫೋನಿನಲ್ಲಿ ವಿಡಿಯೋ ನೋಡುವ ಮತ್ತು ಗೇಮ್ ಆಡುವ ಸಂದರ್ಭದಲ್ಲಿ ಉತ್ತಮ ಅನುಭವನ್ನು ನೀಡಲಿದೆ. 3000mAh ಬ್ಯಾಟರಿ ಈ ಸ್ಮಾರ್ಟ್‌ಫೋನಿನಲ್ಲಿದೆ.

ವೇಗದ ಪ್ರೋಸೆಸರ್:

ಲಿನೊವೊ S5 ಸ್ಮಾರ್ಟ್‌ಫೋನ್ ನಲ್ಲಿ ಆಕ್ಟಾ ಕೋರ್ 2GHz ವೇಗದ ಕ್ವಾಲ್ಕಮ್ ಸ್ನಾಪ್‌ಡ್ರಾಗನ್ 625 ಪ್ರೋಸೆಸರ್ ಅನ್ನು ಕಾಣಬಹುದಾಗಿದೆ. ಅದಲ್ಲದೇ ಆಡ್ರಿನೋ 506 GPU ವನ್ನು ಅಳವಡಿಸಲಾಗಿದೆ. ಇದರಿಂದಾಗಿ ಈ ಸ್ಮಾರ್ಟ್‌ಫೋನ್ ವೇಗವಾಗಿ ಕಾರ್ಯನಿರ್ವಹಿಸಲಿದೆ.

ಕ್ಯಾಮೆರಾ:

ಆಂಡ್ರಾಯ್ಡ್ ಒರಿಯೋದಲ್ಲಿ ಕಾರ್ಯನಿರ್ವಹಿಸುವ ಲಿನೊವೊ S5 ಸ್ಮಾರ್ಟ್‌ಫೋನ್, ಹಿಂಭಾಗದಲ್ಲಿ 13MP + 13 MP ಡ್ಯುಯಲ್ ಕ್ಯಾಮೆರಾವನ್ನು ನೀಡಲಾಗಿದೆ. ಮುಂಭಾಗದಲ್ಲಿ 16MP ಸೆಲ್ಪಿ ಕ್ಯಾಮೆರಾವನ್ನು ಅಳವಡಿಸಲಾಗಿದ್ದು, ಉತ್ತಮ ಸೆಲ್ಪಿಗಾಗಿ ಕೃತಕ ಬುದ್ದಿ ಮತ್ತೆಯನ್ನು ನೀಡಲಾಗಿದೆ.

ಮೂರು ಆವೃತ್ತಿಯಲ್ಲಿ ಲಭ್ಯ:

ಹಿಂಭಾಗದಲ್ಲಿ ಫಿಂಗರ್ ಪ್ರಿಂಟ್ ಸ್ಕ್ಯಾನರ್ ಅನ್ನು ಹೊಂದಿರುವ ಲಿನೊವೊ S5 ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಒಟ್ಟು ಮೂರು ಆವೃತ್ತಿಯಲ್ಲಿ ದೊರೆಯಲಿದೆ ಎನ್ನಲಾಗಿದೆ. 3GB RAM ಮತ್ತು 32GB ಇಂಟರ್ನಲ್ ಮೆಮೊರಿ, 4GB ಮತ್ತು 64 GB ಇಂಟರ್ನಲ್ ಮೆಮೊರಿ ಹಾಗೂ 4GB ಮತ್ತು 128 GB ಇಂಟರನಲ್ ಮೆಮೊರಿಯೊಂದಿಗೆ ಲಭ್ಯವಿದೆ.

ಬೆಲೆ:

ಸದ್ಯ ಚೀನಾ ಮಾರುಕಟ್ಟೆಯಲ್ಲಿ ಮಾತ್ರವೇ ಕಾಣಿಸಿಕೊಂಡಿರುವ ಲಿನೊವೊ S5 ಸ್ಮಾರ್ಟ್‌ಫೋನ್ ಶೀಘ್ರವೇ ಭಾರತೀಯ ಮಾರುಕಟ್ಟೆಗೂ ಕಾಲಿಡಲಿದೆ. 3GB RAM ಮತ್ತು 32GB ಇಂಟರ್ನಲ್ ಮೆಮೊರಿ ಹೊಂದಿರುವ ಸ್ಮಾರ್ಟ್‌ಫೋನ್‌ ಅಂದಾಜು ಬೆಲೆ ರೂ.10,300, 4GB ಮತ್ತು 64 GB ಇಂಟರ್ನಲ್ ಮೆಮೊರಿ ಹೊಂದಿರುವ ಸ್ಮಾರ್ಟ್‌ಫೋನ್‌ ಅಂದಾಜು ಬೆಲೆ ರೂ.12,400 ಹಾಗೂ 4GB ಮತ್ತು 128 GB ಇಂಟರನಲ್ ಮೆಮೊರಿ ಹೊಂದಿರುವ ಸ್ಮಾರ್ಟ್‌ಫೋನ್‌ ಅಂದಾಜು ಬೆಲೆ ರೂ. 15,50೦ಗಳಾಗಲಿದೆ.