ಐಫೋನ್ X ನೋಟ್ ಕಾಪಿ ಮಾಡಿದ LG: G7, G7+ ಸ್ಮಾರ್ಟ್‌ಫೋನ್ ಫೋಟೋ ಲೀಕ್..!

ಐಫೋನ್ ‍X ಮಾದರಿ:

LG G7 ಮತ್ತು G7 ಪ್ಲಸ್ ಸ್ಮಾರ್ಟ್‌ಫೋನ್‌ ಗಳು ಮುಂಭಾಗದಲ್ಲಿ ಐಫೋನ್ X ಮಾದರಿಯಲ್ಲಿ ಕಾಣಿಸಿಕೊಳ್ಳುತ್ತಿವೆ. ಮುಂಭಾಗದ ಡಿಸ್‌ಪ್ಲೇ ಮಧ್ಯದಲ್ಲಿ ನೋಚ್ ಕಾಣಬಹುದಾಗಿದೆ. ಆದರೆ ಹಿಂಭಾಗದಲ್ಲಿ ಮಾತ್ರ ಮಧ್ಯಭಾಗದಲ್ಲಿ ಡ್ಯುಯಲ್ ಕ್ಯಾಮೆರಾ, LED ಫ್ಲಾಷ್ ಮತ್ತು ಫಿಂಗರ್ ಪ್ರಿಂಟ್ ಸ್ಕ್ಯಾನರ್ ಅನ್ನು ನೀಡಲಾಗಿದೆ.

ವಿಶೇಷ ಡಿಸ್‌ಪ್ಲೇ:

LG G7 ಮತ್ತು G7 ಪ್ಲಸ್ ಸ್ಮಾರ್ಟ್‌ಫೋನ್‌ ನಲ್ಲಿ ವಿಶೇಷ ಡಿಸ್‌ಪ್ಲೇಯನ್ನು ಕಾಣುವ ಸಾಧ್ಯತೆ ಇದ್ದು, ಮಾರುಕಟ್ಟೆಯಲ್ಲಿ ಹೊಸದಾಗಿ ಟ್ರೆಂಡ್ ಹುಟ್ಟಿಸಿರುವ 19:9 ಅನುಪಾತಕ್ಕಿಂತಲೂ ದೊಡ್ಡ ಪ್ರಮಾಣದ ಡಿಸ್‌ಪ್ಲೇ ಈ ಸ್ಮಾರ್ಟ್‌ಫೋನಿನಲ್ಲಿ ನಾವು ನೋಡಬಹುದಾಗಿದೆ. 6.01 ಇಂಚಿನ 19.5:9 ಅನುಪಾತದ ಡಿಸ್‌ಪ್ಲೇಯನ್ನು ಅಳವಡಿಲಾಗಿದ್ದು, MLED+ ಡಿಸ್‌ಪ್ಲೇ ಇದಾಗಿದೆ. FHD+ ಗುಣಮಟ್ಟವನ್ನು ಈ ಡಿಸ್‌ಪ್ಲೇ ಹೊಂದಿದೆ.

ವೇಗದ ಪ್ರೋಸೆಸರ್:

LG G7 ಮತ್ತು G7 ಪ್ಲಸ್ ಸ್ಮಾರ್ಟ್‌ಫೋನ್‌ನಲ್ಲಿ ಕ್ವಾಲ್ಕಮ್ ಸ್ನಾಪ್‌ಡ್ರಾಗನ್ 845 SoC ಚಿಪ್‌ಸೆಟ್ ಅನ್ನು ಕಾಣಬಹುದಾಗಿದೆ. ಇದರೊಂದಿಗೆ G7 ಸ್ಮಾರ್ಟ್‌ಫೋನಿನಲ್ಲಿ 4GB RAM ಮತ್ತು 64GB ಇಂಟರ್ನಲ್ ಮೆಮೊರಿಯನ್ನು ನೀಡಲಾಗಿದ್ದು, G7+ ಸ್ಮಾರ್ಟ್‌ಫೋನಿನಲ್ಲಿ 6GB RAM ಮತ್ತು 128GB ಇಂಟರ್ನಲ್ ಮೆಮೊರಿಯನ್ನು ಅಳವಡಿಲಾಗಿದೆ. ಈ ಎರಡು ಸ್ಮಾರ್ಟ್‌ಫೋನ್‌ಗಳು ಮಾರುಕಟ್ಟೆಯಲ್ಲಿ ಸಂಚಲನವನ್ನು ಹುಟ್ಟು ಹಾಕಲಿವೆ.

ಡ್ಯುಯಲ್ ಕ್ಯಾಮೆರಾ:

LG G7 ಮತ್ತು G7 ಪ್ಲಸ್ ಸ್ಮಾರ್ಟ್‌ಫೋನ್‌ ಹಿಂಭಾಗದಲ್ಲಿ 16 MP + 16 MP ಡ್ಯುಯಲ್ ಕ್ಯಾಮೆರಾವನ್ನು ನೋಡಬಹುದಾಗಿದೆ. ಈ ಕ್ಯಾಮೆರಾಗಳು f/1.6 ಅಪರ್ಚನಲ್ಲಿ ಫೋಟೋಗಳನ್ನು ಕ್ಲಿಕಿಸಲು ಶಕ್ತವಾಗಿವೆ. ಇದಲ್ಲದೇ 3000mAh ಬ್ಯಾಟರಿಯನ್ನು ಈ ಫೋನಿನಲ್ಲಿ ಕಾಣಬಹುದಾಗಿದೆ.

Bike-Car ಜಾತಕ ಹೇಳುವ ಆಪ್..!

ಬೆಲೆಗಳು:

LG G7 ಮತ್ತು G7 ಪ್ಲಸ್ ಸ್ಮಾರ್ಟ್‌ಫೋನ್‌ಗಳು ಕ್ರಮವಾಗಿ ರೂ.54,700 ಮತ್ತು 60,700ಕ್ಕೆ ದೊರೆಯಲಿದೆ ಎನ್ನಲಾಗಿದ್ದು, ಮೊದಲಿಗೆ ಸೌಥ್ ಕೋರಿಯಾದಲ್ಲಿ ದೊರೆಯಲಿದ್ದು, ನಂತರ ಇತರೇ ದೇಶಗಳಲ್ಲಿ ಲಭ್ಯವಿರಲಿದೆ. ಭಾರತೀಯ ಮಾರುಕಟ್ಟೆಯಲ್ಲಿ ಈ ಸ್ಮಾರ್ಟ್‌ಫೋನ್‌ಗಳು ಲಾಂಚ್ ಆಗಲಿವೆ.