Subscribe to Gizbot

ನೋಕಿಯಾ 8 ಸಿರೋಕ್ಕೋ vs ನೋಕಿಯಾ 7 ಪ್ಲಸ್ vs ನೋಕಿಯಾ 8 : ಯಾವುದು ಉತ್ತಮ?

Posted By: Tejaswini P G

HMD ಗ್ಲೋಬಲ್ ಸಂಸ್ಥೆಯು ಏಪ್ರಿಲ 4 ರಂದು ನಡೆದ ಸಮಾರಂಭವೊಂದರಲ್ಲಿ ನೋಕಿಯಾ 8 ಸಿರೋಕ್ಕೋ, ನೋಕಿಯಾ 7 ಪ್ಲಸ್ ಮತ್ತು ನೋಕಿಯಾ 6 ಸ್ಮಾರ್ಟ್ಫೋನ್ ಗಳನ್ನು ಭಾರತದಲ್ಲಿ ಲಾಂಚ್ ಮಾಡಿದೆ. ಈ ಸ್ಮಾರ್ಟ್ಫೋನ್ ಗಳ ಬೆಲೆ ಕ್ರಮವಾಗಿ ರೂ 49,999, ರೂ 25,999 ಮತ್ತು ರೂ 16,999 ನಿಗದಿಪಡಿಸಲಾಗಿದೆ. ನೋಕಿಯಾ 6 ಏಪ್ರಿಲ್ 6 ರಿಂದ ಖರೀದಿಗೆ ಲಭ್ಯವಾಗಲಿದ್ದು, ಉಳಿದ ಎರಡು ಮಾಡೆಲ್ಗಳು ಏಪ್ರಿಲ್ 20ರಿಂದ ಪ್ರಿ-ಆರ್ಡರ್ ಗೆ ಲಭ್ಯವಾಗಲಿದೆ. ಅಲ್ಲದೆ ಈ ಮೊಬೈಲ್ ಗಳ ಖರೀದಿಯ ಮೇಲೆ ಗ್ರಾಹಕರಿಗೆ ಆಕರ್ಷಕ ಲಾಂಚ್ ಆಫರ್ಗಳು ಮತ್ತು ಕ್ಯಾಶ್ಬ್ಯಾಕ್ ಆಫರ್ಗಳು ಕೂಡ ಲಭಿಸಲಿದೆ.

ನೋಕಿಯಾ 8 ಸಿರೋಕ್ಕೋ vs ನೋಕಿಯಾ 7 ಪ್ಲಸ್ vs ನೋಕಿಯಾ 8 : ಯಾವುದು ಉತ್ತಮ?

ಈ ಲೇಖದಲ್ಲಿ ನಾವು ನೋಕಿಯಾ 8 ಸಿರೋಕ್ಕೋ, ನೋಕಿಯಾ 7 ಪ್ಲಸ್ ಮತ್ತು ನೋಕಿಯಾ 8 ಮೊಬೈಲ್ಗಳನತುಲನೆಯನ್ನು ನಡೆಸಿದ್ದು ಅದರ ಗುಣಾತ್ಮಕ ಮತ್ತು ಋಣಾತ್ಮಕ ಅಂಶಗಳನ್ನು ನಿಮಗಾಗಿ ಸಂಪಾದಿಸಿದ್ದೇವೆ.

ತಂತ್ರಜ್ಞಾನ ಮಾಹಿತಿಗಾಗಿ ಕನ್ನಡ ಗಿಜ್‌ಬಾಟ್ ಫೇಸ್‌ಬುಕ್ ಪೇಜ್ ಲೈಕ್ ಮಾಡಿ
ವಿನ್ಯಾಸ

ವಿನ್ಯಾಸ

ಈ ಎಲ್ಲಾ ನೋಕಿಯಾ ಫೋನ್ಗಳು ತುಂಬ ತೆಳುವಾಗಿ ಮತ್ತು ಆಕರ್ಷಕವಾಗಿ ಕಂಡರೂ ಗಟ್ಟಿಮುಟ್ಟಾಗಿ ಇದ್ದು ನೋಕಿಯಾ ಬ್ರ್ಯಾಂಡ್ ನ ಹೆಸರಿಗೆ ತಕ್ಕಂತೆ ಇವೆ. ನೋಕಿಯಾ 8 ಸಿರೋಕ್ಕೋ, ನೋಕಿಯಾ 7 ಪ್ಲಸ್ ಮತ್ತು ನೋಕಿಯಾ 8 ಮೊಬೈಲ್ಗಳನ್ನು 6000 ಶ್ರೇಣಿಯ ಅಲ್ಯುಮಿನಿಯಂ ನ ಒಂದೇ ಬ್ಲಾಕ್ ನಿಂದ ತಯಾರಿಸಲಾಗಿದ್ದು, ಮುಂಬದಿಯಲ್ಲಿ ಗ್ಲಾಸ್ ಇದ್ದು ಗೋರಿಲ್ಲಾ ಗ್ಲಾಸ್ ನ ರಕ್ಷಣಾ ಕವಚ ಹೊಂದಿದೆ. ನೋಕಿಯಾ 7 ಪ್ಲಸ್ ನಲ್ಲಿ ಕಾಪರ್ ಎಡ್ಜ್ ಇದ್ದು ನೋಕಿಯಾ 8 ನಲ್ಲಿ ಇದು ಇಲ್ಲವಾಗಿದೆ. ಇನ್ನು ನೋಕಿಯಾ 8 ಸಿರೋಕ್ಕೋ ನಲ್ಲಿ ಸ್ಟೇಯ್ನ್ಲೆಸ್ ಸ್ಟೀಲ್ ನ ಫ್ರೇಮ್ ಇದೆ.

ನೋಕಿಯಾ 8 ಸಿರೋಕ್ಕೋ 95% ಗೋರಿಲ್ಲಾ ಗ್ಲಾಸ್ 5 ಹೊಂದಿದ್ದು ಬಿದ್ದರೂ ಹಾಳಾಗದಂತೆ ವಿನ್ಯಾಸಗೊಳಿಸಲಾಗಿದೆ. ನೋಕಿಯಾ 8 ಸ್ಪ್ಲಾಶ್ ರೆಸಿಸ್ಟೆನ್ಸ್ ಗೆ IP54 ಸರ್ಟಿಫೈಡ್ ಆಗಿದ್ದರೆ, ನೋಕಿಯಾ 8 ಸಿರೋಕ್ಕೋ ಡಸ್ಟ್ ಮತ್ತು ವಾಟರ್ ರೆಸಿಸ್ಟೆನ್ಸ್ ಗೆ IP67 ಸರ್ಟಿಫೈಡ್ ಆಗಿದೆ. ನೋಕಿಯಾ 8 ಹೋಮ್ ಬಟನ್ ಹೊಂದಿದ್ದು ಅದು ಫಿಂಗರ್ಪ್ರಿಂಟ್ ಸೆನ್ಸರ್ ಆಗಿ ಕೂಡ ಕೆಲಸ ಮಾಡುತ್ತದೆ. ಉಳಿದ ಎರಡು ಮಾಡೆಲ್ಗಳು ಫುಲ್ ಸ್ಕ್ರೀನ್ ವಿನ್ಯಾಸ ಹೊಂದಿದ್ದು ಅಂಚಿನಿಂದ ಅಂಚಿನವರೆಗೂ ಡಿಸ್ಪ್ಲೇ ಹೊಂದಿದೆ. ಹಾಗಾಗಿ ಇದರಲ್ಲಿ ಹೋಮ್ ಬಟನ್ ಇಲ್ಲ ಮತ್ತು ಫಿಂಗರ್ಪ್ರಿಂಟ್ ಸೆನ್ಸರ್ ಫೋನ್ ನ ಹಿಂಭಾಗದಲ್ಲಿದೆ.

ಡಿಸ್ಪ್ಲೇ

ಡಿಸ್ಪ್ಲೇ

ನೋಕಿಯಾ 8 ಸಿರೋಕ್ಕೋ 5.5 ಇಂಚ್ pOLED ಡಿಸ್ಪ್ಲೇ ಹೊಂದಿದ್ದು 2560X1440 ಪಿಕ್ಸೆಲ್ಗಳ QHD ರೆಸೊಲ್ಯೂಶನ್ ಮತ್ತು 16:9 ಆಸ್ಪೆಕ್ಟ್ ಅನುಪಾತ ಹೊಂದಿದೆ. ನೋಕಿಯಾ 8 ಕೂಡ ಇದೇ ರೀತಿಯ ರೆಸಲ್ಯೂಶನ್ ಮತ್ತು ಆಸ್ಪೆಕ್ಟ್ ಅನುಪಾತ ಹೊಂದಿದ್ದು, 5.3 ಇಂಚ್ IPS LCD ಪ್ಯಾನಲ್ ಹೊಂದಿದೆ. ಇನ್ನು ನೋಕಿಯಾ 7 ಇವೆರಡಕ್ಕಿಂತ ಉತ್ತಮ ಡಿಸ್ಪ್ಲೇ ಹೊಂದಿದ್ದು, ಇದರಲ್ಲಿದೆ 6 ಇಂಚ್ IPS LCD ಡಿಸ್ಪ್ಲೇ 2160X1080 ಪಿಕ್ಸೆಲ್ಗಳ FHD ರೆಸೊಲ್ಯೂಶನ್ ಮತ್ತು 18:9 ಆಸ್ಪೆಕ್ಟ್ ಅನುಪಾತದೊಂದಿಗೆ. ಆದರೆ ಇದರಲ್ಲಿ ನೋಕಿಯಾ 8 ಮತ್ತು ನೋಕಿಯಾ 8 ಸಿರೋಕ್ಕೋ ನಲ್ಲಿರುವ 'ಆಲ್ವೇಸ್ ಆನ್' ಫೀಚರ್ ಇಲ್ಲವಾಗಿದೆ.

ಹಾರ್ಡ್ವೇರ್

ಹಾರ್ಡ್ವೇರ್

ನೋಕಿಯಾ 8 ಮತ್ತು ನೋಕಿಯಾ 8 ಸಿರೋಕ್ಕೋ ಸ್ಮಾರ್ಟ್ಫೋನ್ಗಳೆರಡೂ ಒಕ್ಟಾಕೋರ್ ಸ್ನ್ಯಾಪ್ಡ್ರಾಗನ್ 835 SoC ಹೊಂದಿದೆ. ಭಾರತದಲ್ಲಿ ಲಾಂಚ್ ಆಗಿರುವ ನೋಕಿಯಾ 8 4GB RAM ಮತ್ತು 64GB ಸ್ಟೋರೇಜ್ ಹೊಂದಿದ್ದರೆ ನೋಕಿಯಾ 8 ಸಿರೋಕ್ಕೋ 6GB RAM ಮತ್ತು 128GB ಸ್ಟೋರೇಜ್ ಸಾಮರ್ಥ್ಯ ಹೊಂದಿದೆ. ನೋಕಿಯಾ 7 ಪ್ಲಸ್ ಒಕ್ಟಾಕೋರ್ ಸ್ನ್ಯಾಪ್ಡ್ರಾಗನ್ 660 SoC ಪ್ರಾಸೆಸರ್ ಹೊಂದಿದ್ದು, 4GB RAM ಮತ್ತು 64GB ಸ್ಟೋರೇಜ್ ಸಾಮರ್ಥ್ಯ ಹೊಂದಿದೆ. ಈ ಎಲ್ಲಾ ಮೊಬೈಲ್ಗಳ ಸ್ಟೋರೇಜ್ ಸಾಮರ್ಥ್ಯವನ್ನು 256GB ವರೆಗೆ ವಿಸ್ತರಿಸಬಹುದಾಗಿದೆ.

ನೋಕಿಯಾ 8 ಸಿರೋಕ್ಕೋ 3260 mAh ಸಾಮರ್ಥ್ಯದ ಬ್ಯಾಟರಿ ಹೊಂದಿದ್ದು Qi ವೈರ್ಲೆಸ್ ಚಾರ್ಜಿಂಗ್ ಮತ್ತು ಕ್ವಿಕ್ ಚಾರ್ಜ್ 4.0 ಫೀಚರ್ ಹೊಂದಿದೆ. ನೋಕಿಯಾ 8 3090 mAh ಬ್ಯಾಟರಿ ಹೊಂದಿದ್ದು ಕ್ವಿಕ್ ಚಾರ್ಜ್ 3.0 ಫೀಚರ್ ಹೊಂದಿದೆ. ಇನ್ನು ನೋಕಿಯಾ 7 ಪ್ಲಸ್ ಹಿರಿದಾದ 3800 mAh ಸಾಮರ್ಥ್ಯದ ಬ್ಯಾಟರಿ ಹೊಂದಿದ್ದು ವೇಗವಾಗಿ ಚಾರ್ಜ ಆಗುತ್ತದಲ್ಲದೆ 2 ದಿನಗಳ ಕಾಲ ಕಾರ್ಯನಿರ್ವಹಿಸುತ್ತದೆ.

ಕ್ಯಾಮೆರಾ

ಕ್ಯಾಮೆರಾ

ನೋಕಿಯಾ 8 ಸಿರೋಕ್ಕೂ ಮತ್ತು ನೋಕಿಯಾ 7 ಪ್ಲಸ್ ಗಳೆರಡೂ ಝೇಯ್ಸ್ ಆಪ್ಟಿಕ್ಸ್ ನ ಡ್ಯುಯಲ್ ರೇರ್ ಕ್ಯಾಮೆರಾ ಸೆಟಪ್ ಹೊಂದಿದ್ದು 12MP ಪ್ರೈಮರಿ ಸೆನ್ಸರ್ f/1.75 ಅಪರ್ಚರ್ ಮತ್ತು ವೈಡ್ ಆಂಗಲ್ ಲೆನ್ಸ್ ಜೊತೆಗೆ ಹಾಗೂ 2X ಆಪ್ಟಿಕಲ್ ಝೂಮ್ ಮತ್ತು f/2.6 ಅಪರ್ಚರ್ ನ 13MP ಸೆಕೆಂಡರಿ ಸೆನ್ಸರ್ ಹೊಂದಿದೆ. ಇದರೊಂದಿಗೆ ಡ್ಯುಯಲ್ ಟೋನ್ LED-ಫ್ಲ್ಯಾಶ್ ಕೂಡ ಇದೆ. ಇನ್ನು ಮುಂಭಾಗದಲ್ಲಿ f/2.0 ಅಪರ್ಚರ್ ಮತ್ತು ಝೇಯ್ಸ್ ಆಪ್ಟಿಕ್ಸ್ ನ 16MP ಸೆಲ್ಫೀ ಕ್ಯಾಮೆರಾ ಕೂಡ ಇದೆ. ನೋಕಿಯಾ 8 ಕಾರ್ಲ್ ಝೇಯ್ಸ್ ಬ್ರ್ಯಾಂಡಿಂಗ್ ನ ಡ್ಯುಯಲ್ ರೇರ್ ಕ್ಯಾಮೆರಾ ಸೆಟಪ್ ಹೊಂದಿದೆ.

ನೋಕಿಯಾ 8 13MP ಡ್ಯುಯಲ್ ಲೆನ್ಸ್ ರೇರ್ ಕ್ಯಾಮೆರಾ ಸೆಟಪ್ ಹೊಂದಿದ್ದು, ಅದರಲ್ಲಿ RGB ಮತ್ತು ಮೋನೋಕ್ರೋಮ್ ಸೆನ್ಸರ್ಗಳಿದ್ದು ಜೊತೆಗೆ OIS, PDAF ಮತ್ತು f/2.0 ಅಪರ್ಚರ್ ಹೊಂದಿದೆ. ಅಲ್ಲದೆ ಇದರಲ್ಲಿದೆ 13MP ಸೆಲ್ಫೀ ಕ್ಯಾಮೆರಾ PDAF, ಡಿಸ್ಪ್ಲೇ ಫ್ಲ್ಯಾಶ್ ಮತ್ತು f/2.0 ಅಪರ್ಚರ್ ನೊಂದಿಗೆ.

ಆನ್‌ಲೈನಿನಲ್ಲಿ ಸದ್ದು ಮಾಡುತ್ತಿದೆ ಸ್ಯಾಮ್‌ಸಂಗ್ ನೋಟ್ 9 ವಿಡಿಯೋ...!

ಸಾಫ್ಟ್ವೇರ್

ಸಾಫ್ಟ್ವೇರ್

ನೋಕಿಯಾ 8 ಸಿರೋಕ್ಕೋ ಮತ್ತು ನೋಕಿಯಾ 7 ಪ್ಲಸ್ ಆಂಡ್ರಾಯ್ಡ್ 8.0 ಓರಿಯೋ ಓಎಸ್ ಹೊಂದಿದ್ದು ಆಂಡ್ರಾಯ್ಡ್ 8.1 ಓರಿಯೋ ಅಪ್ಡೇಟ್ ಪಡೆಯಲುಲ ಅರ್ಹವಾಗಿದೆ. ನೋಕಿಯಾ 8 ಆಂಡ್ರಾಯ್ಡ್ 7.1.1 ನುಗಾಟ್ ನೊಂದಿಗೆ ಲಾಂಚ್ ಆಗಿತ್ತಾದರೂ ಈಗಾಗಲೇ ಆಂಡ್ರಾಯ್ಡ್ 8.1 ಓರಿಯೋ ಅಪ್ಡೇಟ್ ಪಡೆದಿದೆ. ಈ ಎಲ್ಲಾ ಸ್ಮಾರ್ಟ್ಫೋನ್ಗಳು ಆಂಡ್ರಾಯ್ಡ್ ಒನ್ ಆದರಿಸಿದ್ದು, ಸ್ಟಾಕ್ ಆಂಡ್ರಾಯ್ಡ್ ನ ಅನುಭವ ನೀಡುತ್ತದೆ.

ನಿಮ್ಮ Aadhaar ದುರುಪಯೋಗವಾಗಿದೆಯೇ..? ಪತ್ತೆ ಹಚ್ಚುವುದು ಹೇಗೆ..?
 ಫಲಿತಾಂಶ

ಫಲಿತಾಂಶ

ನೋಕಿಯಾ 8 ಸಿರೋಕ್ಕೋ ನ ಬೆಲೆ ರೂ 49,999 ಆಗಿದ್ದು, ನೋಕಿಯಾ 7 ಪ್ಲಸ್ ನ ಬೆಲೆ ರೂ 25,999 ಮತ್ತು ನೋಕಿಯಾ 8 ಸ್ಮಾರ್ಟ್ಫೋನ್ ನ ಬೆಲೆ ಭಾರತದಲ್ಲಿ ರೂ 36,999 ಆಗಿದೆ. ಇನ್ನು ಡಿಸ್ಪ್ಲೇ ಕುರಿತು ಹೇಳುವುದಾದರೆ, ಮೂರು ಮೊಬೈಲ್ಗಳ ಪೈಕಿ ನೋಕಿಯಾ 7 ಪ್ಲಸ್ ಉದ್ದನೆಯ ಮತ್ತು ಹೆಚ್ಚು ಆಕರ್ಷಕ ಡಿಸ್ಪ್ಲೇ ಹೊಂದಿದೆ. ಇನ್ನು ಹಾರ್ಡ್ವೇರ್ ಕುರಿತು ಹೇಳಿದರೆ, ನೋಕಿಯಾ 8 ಮತ್ತು ನೋಕಿಯಾ 8 ಸಿರೋಕ್ಕೋ ಉತ್ತಮ ಕಾರ್ಯಕ್ಷಮತೆ ತೋರುತ್ತದೆ.

ಅಲ್ಲದೆ ನೋಕಿಯಾ 8 ಸಿರೋಕ್ಕೋ ಅಧಿಕ RAM ಮತ್ತು ಸ್ಟೋರೇಜ್ ಸಾಮರ್ಥ್ಯ ಹೊಂದಿದೆ. ಎಲ್ಲಾ ಮೊಬೈಲ್ಗಳ ಕ್ಯಾಮೆರಾ ಬಹುತೇಕ ಸಮಾನವಾಗಿದ್ದು, ಎಲ್ಲದರಲ್ಲಿಯೂ ಪ್ರೋ ಕ್ಯಾಮೆರಾ ಮೋಡ್, ಫೇಸ್ ಅನ್ಲಾಕ್ ಮತ್ತು ಬೋತೀ ಫೀಚರ್ ಇದೆ. ಹಾಗಾಗಿ ಇವುಗಳ ಬೆಲೆಯೇ ಈ ಮೊಬೈಲ್ಗಳ ನಡುವಿನ ಪ್ರಮುಖ ವ್ಯತ್ಯಾಸವಾಗಿದ್ದು, ನಿಮ್ಮ ಬಜೆಟ್ ಗೆ ಅನುಗುಣವಾಗಿ ಮೊಬೈಲ್ ಅನ್ನು ಆಯ್ಕೆ ಮಾಡಬಹುದು. ಅಲ್ಲದೆ ಅಧಿಕ ಬ್ಯಾಟರಿ ಸಾಮರ್ಥ್ಯದ ಮೊಬೈಲ್ ಅನ್ನು ನೀವು ಬಯಸುತ್ತಿದ್ದರೆ ನೋಕಿಯಾ 7 ಉತ್ತಮ ಆಯ್ಕೆಯಾಗುತ್ತದೆ.

ತಂತ್ರಜ್ಞಾನ ಮಾಹಿತಿಗಾಗಿ ಕನ್ನಡ ಗಿಜ್‌ಬಾಟ್ ಫೇಸ್‌ಬುಕ್ ಪೇಜ್ ಲೈಕ್ ಮಾಡಿ
English summary
Nokia 8 Sirocco and Nokia 7 Plus have been launched in India for Rs. 49,999 and Rs. 25,999. Here, we compare these smartphones with the Nokia 8, which was launched in India in the last year for Rs. 36,999. All these are Android One smartphones with almost similar features. Take a look at the comparison and decide which smartphone is better.
Opinion Poll

Social Counting

ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot