ಭಾರತದಲ್ಲಿಂದು ಬಿಡುಗಡೆಯಾಯ್ತು "ನೋಕಿಯಾ 8 ಸಿರೊಕೊ"!..ಬೆಲೆ ಮತ್ತು ಫೀಚರ್ಸ್ ಕಂಪ್ಲೀಟ್ ಡೀಟೆಲ್ಸ್!!

ನೋಕಿಯಾ 8 ಸಿರೊಕೊ ವಿನ್ಯಾಸ!

ಗ್ಲಾಸ್ ಬ್ಯಾಕ್ ಹಾಗೂ ವೈರ್‌ಲೆಸ್ ಚಾರ್ಜಿಂಗ್ ತಂತ್ರಜ್ಞಾನವಿರುವ ವಿನ್ಯಾಸವವಿರುವ ನೋಕಿಯಾ 8 ಸಿರೊಕೊ IP67 ಸರ್ಟಿಫೈಡ್ ಸ್ಟೇನ್ಲೆಸ್ ಸ್ಟೀಲ್ ಫ್ರೇಮ್ ವಿನ್ಯಾಸವನ್ನು ಹೊಂದಿದೆ. 16:9 ಅನುಪಾತದ 5.5-ಇಂಚಿನ ಪಿ-ಓಎಲ್‌ಇಡಿ ಡಿಸ್‌ಪ್ಲೇ, ಕ್ವಾಡ್ ಹೆಚ್‌ಡಿ ರೆಸೊಲ್ಯೂಶನ್ ಹಾಗೂ 2.5ಡಿ ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ 5 ಅನ್ನು ಸ್ಮಾರ್ಟ್‌ಫೋನಿನಲ್ಲಿ ನೀಡಲಾಗಿದೆ.

ಪ್ರೊಸೆಸರ್ ಮತ್ತು RAM

ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 835 SoC ಪ್ರೊಸೆಸರ್ ಜೊತೆಗೆ 2.5 GHz ಆಕ್ಟಾ-ಕೋರ್ ಕ್ರಿಯಾ 280 ಪ್ರೊಸೆಸರ್ ಅನ್ನು ನೋಕಿಯಾ 8 ಸಿರೊಕೊ ಸ್ಮಾರ್ಟ್‌ಫೋನಿನಲ್ಲಿ ನೀಡಲಾಗಿದೆ. ಅಡ್ರಿನೊ 540 ಜಿಪಿಯು ಹಾಗೂ GB RAM ಹಾಗೂ 128 ಜಿಬಿ ಆಂತರಿಕ ಮೆಮೊರಿಯನ್ನು ಸ್ಮಾರ್ಟ್‌ಫೋನ್ ಹೊಂದಿದೆ. ಮೆಮೊರಿಯನ್ನು 256 ಜಿಬಿ ವರೆಗೆ ವಿಸ್ತರಿಸಿಕೊಳ್ಳಬಹುದಾಗಿದೆ.

ಸ್ಮಾರ್ಟ್‌ಫೋನ್ ಕ್ಯಾಮೆರಾ ಹೇಗಿವೆ?

ನೋಕಿಯಾ 8 ಸಿರೊಕೊ ಸ್ಮಾರ್ಟ್‌ಫೋನ್ ಎರಡು ಡ್ಯುಯಲ್ ರಿಯರ್ ಕ್ಯಾಮೆರಾಗಳನ್ನು ಹೊಂದಿದೆ. ಎಫ್ / 1.75 ಅಪಾರ್ಚರ್ ಹೊಂದಿರುವ 12 ಎಂಪಿ ಕ್ಯಾಮೆರಾ ಹಾಗೂ ಎಫ್ / 2.6 ಅಪಾರ್ಚರ್ ಹೊಂದಿರುವ 13 ಎಂಪಿ ಕ್ಯಾಮೆರಾಗಳು ಸ್ಮಾರ್ಟ್‌ಫೋನಿನಲ್ಲಿವೆ. ಎಫ್ / 2.0 ಅಪಾರ್ಚರ್‌ನ 5 ಎಂಪಿ ಸೆಲ್ಫಿ ಕ್ಯಾಮೆರಾವನ್ನು ಅಳವಡಿಸಲಾಗಿದೆ.

ನೋಕಿಯಾ 8 ಸಿರೊಕೊ ಬ್ಯಾಟರಿ!

ನೋಕಿಯಾದ ಹೈ ಎಂಡ್ ಫ್ಲಾಶ್‌ಶಿಪ್ ಸ್ಮಾರ್ಟ್‌ಫೋನ್ ನೋಕಿಯಾ 8 ಸಿರೊಕೊ 3,260 mAh ಬ್ಯಾಟರಿಯನ್ನು ಹೊಂದಿದೆ. ಸ್ಮಾರ್ಟ್‌ಫೋನ್ ಬ್ಯಾಟರಿ ಕ್ವಿಚಾರ್ಜ್ 4.0 ತಂತ್ರಜ್ಞಾನದೊಂದಿಗೆ ಕೇವಲ 60 ನಿಮಿಷಗಳಲ್ಲಿ ಶೇ. 80 ರಷ್ಟು ಚಾರ್ಜ್ ಆಗಲಿದೆ. ಇನ್ನು ವಿಶೇಷವಾಗಿ ಸ್ಮಾರ್ಟ್‌ಫೋನ್ ವೈರ್ಲೆಸ್ ಚಾರ್ಜಿಂಗ್ ತಂತ್ರಜ್ಞಾನವನ್ನು ಹೊಂದಿದೆ.

ಇತರೆ ಏನೆಲ್ಲಾ ಫೀಚರ್ಸ್?

ಯುಎಸ್‌ಬಿ ಟೈಪ್-ಸಿ 3.1, ವೈ-ಫೈ, ಬ್ಲೂಟೂತ್ 5.0, ಜಿಪಿಎಸ್, ಎನ್ಎಫ್‌ಸಿ ಸಂಪರ್ಕಗಳು, ನೋಕಿಯಾ OZO ಆಡಿಯೋ 3 ಮೈಕ್ಸ್, ಹಿಂಬಾಗದಲ್ಲಿ ಫಿಂಗರ್ಪ್ರಿಂಟ್ ಸ್ಕ್ಯಾನರ್‌ ಅನ್ನು ನೋಕಿಯಾ 8 ಸಿರೊಕೊ ಸ್ಮಾರ್ಟ್‌ಫೋನ್ ಹೊಂದಿದೆ. ಈ ಸ್ಮಾರ್ಟ್‌ಫೋನ್ ಆಂಡ್ರಾಯ್ಡ್ 8.0 ಓರಿಯೊ ಆಪರೇಟಿಂಗ್ ಸಿಸ್ಟಮ್‌ನಲ್ಲಿ ಕಾರ್ಯಾಚರಣೆ ನೀಡಲಿದೆ.

ನೋಕಿಯಾ 8 ಸಿರೊಕೊ ಬೆಲೆ ಎಷ್ಟು?

ಟೆಂಪೆರ್ಡ್ ಬ್ಲೂ, ಪಾಲಿಶ್ಡ್ ಬ್ಲೂ, ಸ್ಟೀಲ್ ಮತ್ತು ಪಾಲಿಶ್ಡ್ ಕಾಪರ್ ಹೀಗೆ ನಾಲ್ಕಿ ಬಣ್ಣಗಳಲ್ಲಿ ಬಿಡುಗಡೆಯಾಗಿರುವ ನೋಕಿಯಾ 8 ಸಿರೊಕೊ ಭಾರತದ ಮಾರುಕಟ್ಟೆಗೆ 45,999 ರೂಪಾಯಿಗಳಿಗೆ ಬಿಡುಗಡೆಯಾಗಿದೆ. ಏಪ್ರಿಲ್ 30 ರಿಂದ ಪ್ರಮುಖ ಆನ್‌ಲೈನ್ ಇ-ಜಾಲತಾಣ ಫ್ಲಿಪ್‌ಕಾರ್ಟ್‌ನಲ್ಲಿ ಸ್ಮಾರ್ಟ್‌ಫೋನ್ ಅನ್ನು ಖರೀದಿಸಬಹುದಾಗಿದೆ.