ಇದೀಗ ಗ್ಯಾಜೆಟ್ಸ್ ಲೋಕ ಗರಿಗೆದರಿದೆ, ಬಹಳಷ್ಟು ಕಂಪೆನಿಗಳ ಹೊಸ ಹೊಸ ಗ್ಯಾಜೆಟ್ ಗಳು ಮಾರುಕಟ್ಟೆಯಲ್ಲಿ ಹೇರಳವಾಗಿ ಲಭ್ಯವಾಗುತ್ತಿದ್ದು ಸಾಕಷ್ಟು ಸ್ಪರ್ಧೆ ಎರ್ಪಟ್ಟಿದೆ. ಹೊಸ ಹೊಸ ಸಂಗೀತ ಸಾಧನಗಳು ದಿನಾಲೂ ಮಾರುಕಟ್ಟೆ ಸೇರುವ ದಿನ ಸದ್ಯದಲ್ಲೇ ಬರಲಿದೆ.

ಇದೀಗ ಹೊಸ 2 ಬ್ಲೂಟೂಥ್ ಹೆಡ್ ಸೆಟ್ ಬಿಡುಗಡೆಗೆ ಮುಂದಾಗಿದೆ ಜಬ್ರಾ. ಈ ಹೆಡ್ ಸೆಟ್ ಜೋಡಿಯ ವಿಶೇಷತೆ ಎಂದರೆ ಇದನ್ನು ಎರಡು ಮೊಬೈಲ್ ಹ್ಯಾಂಡ್ ಸೆಟ್ ಗಳಿಗೆ ಒಂದೇ ಸಮಯದಲ್ಲಿ ಜೋಡಿಸಬಹುದು. ಸಾಮಾನ್ಯವಾಗಿ ಹೆಡ್ ಸೆಟ್ ಗಳು ಕಪ್ಪು ಬಣ್ಣವನ್ನು ಹೊಂದಿರುತ್ತವೆ. ಆದರೆ ಈ ಹೊಸ ಜಬ್ರಾ ಹೆಡ್ ಸೆಟ್ ಆಕರ್ಷಕ ಗ್ಲೌಸಿ ರೆಡ್, ಬಿಳಿ ಹಾಗೂ ಕಪ್ಪು ಮಿಶ್ರಿತ ಬಣ್ಣದಲ್ಲಿ ಲಭ್ಯ. ಈ ಹೊಸ ಹೆಡ್ ಸೆಟ್ ಹೆಸರು ಜಬ್ರಾ ಈಸಿಗೋ ಬ್ಲೂಟೂಥ್ ಹೆಡ್ ಸೆಟ್.

ಈ ಹೊಸ ಹೆಡ್ ಸೆಟ್ ನಿರಂತರವಾಗಿ ಮತ್ತು ನಿರಾತಂಕವಾಗಿ ಟ್ಯಾಬ್ಲೆಟ್ ಮತ್ತು ಸ್ಮಾರ್ಟ್ ಫೊನ್ ಗಳಿಗೆ ಸಂಪರ್ಕಕ್ಕೆ ಒಳಪಡಿಸಲ್ಪಡುತ್ತವೆ. ಇವು ಒಳಬರುವ ಕರೆಗಳನ್ನು ಸ್ವೀಕರಿಸಿ ಮುಗಿದ ತಕ್ಷಣ ಕೊನೆಗೊಳಿಸುತ್ತವೆ. ವಿಡಿಯೋ/ಮ್ಯೂಸಿಕ್ ಪ್ಲೇಬ್ಯಾಕ್, ಡಿಜಿಟಲ್ ಸಿಗ್ನಲ್ ಪ್ರೊಸೆಸಿಂಗ್ ತಂತ್ರಜ್ಞಾನ, ಕ್ರಿಸ್ಟಲ್ ಕ್ಲಿಯರ್ ಆಡಿಯೋ, ಇಯರ್ ಹುಕ್ ಸೌಲಭ್ಯಗಳಿವೆ.

ಬಾಕ್ ವರ್ಡ್ ಕಾಂಪಿಟೇಬಲ್ 2.1 ಬ್ಲೂಟೂಥ್ ಆವೃತ್ತಿ ಕನೆಕ್ಟಿವಿಟಿ ಇದರಲ್ಲಿದೆ. ಕೇವಲ 8 ಗ್ರಾಮ್ ತೂಕ ಹೊಂದಿರುವ ಇದು ಶಬ್ಧದ ಕಂಟ್ರೋಲ್ ಸಾಮರ್ಥ್ಯ ಕೂಡ ಹೊಂದಿದೆ. ಈ ಹೊಸ ಹೆಡ್ ಸೆಟ್ 1 ವರ್ಷದ ವಾರಂಟಿ ಹಾಗೂ ಬೆಲೆ ಸುಮಾರು ರು. 2,150 ರಲ್ಲಿ ಲಭ್ಯ.