ಈ ಹೊಸ ಸಂಗೀತ ಸಾಧನದ ಬಗ್ಗೆ 2010 ರಿಂದಲೂ ಮಾರುಕಟ್ಟೆಯಲ್ಲಿ ಸಾಕಷ್ಟು ಚರ್ಚೆ ನಡೆಯುತ್ತಿದೆ. ಆದರೆ ಮಾರುಕಟ್ಟೆ ಪ್ರವೇಶ ಮಾತ್ರ ವಿಳಂಬವಾಗಿತ್ತು. ಇದೀಗ ಬಿಡುಗಡೆಗೆ ಸಿದ್ಧವಾಗಿರುವ ಈ ಸ್ಪೀಕರ್ ಸಾಕಸ್ಟು ಆಧುನಿಕ ಹಾಗೂ ಆಕರ್ಷಕವಾಗಿದೆ.
ಇದರ ಪ್ರಮುಖ ಆಕರ್ಷಣೆ ಎಂದರೆ ಬಾಸ್ ಹೊಸ ತಂತ್ರಜ್ಞಾನ 34Hz ಅನ್ನು ಪ್ರಪ್ರಥಮವಾಗಿ ಈ ಸ್ಪೀಕರ್ ಮೂಲಕ ಮಾರುಕಟ್ಟೆಗೆ ಹಾಗೂ ಗ್ರಾಹಕರಿಗೆ ಪರಿಚಯಿಸುತ್ತಿರುವುದು. ಇದೊಂದೇ ವಿಶೇಷತೆ ಸಾಕು, ಈ ಸ್ಪೀಕರ್ ಬಿಸಿ ಕೇಕ್ ನಂತೆ ಮಾರಾಟವಾಗಲು. ಏಕೆಂದರೆ ಈ ತಂತ್ರಜ್ಞಾನದಿಂದ ಸಾಕಷ್ಟು ಉನ್ನತ ಗುಣಮಟ್ಟದ ಸಂಗೀತ ಬಳಕೆದಾರರ ಕಿವಿ ತಲುಪಲಿದೆ. ಈ ಸ್ಪೀಕರ್ ಮೂಲಕ ಕಿವಿ ಹೊಕ್ಕು ಮಧುರ ಸಂಗೀತ ಸ್ವರ್ಗಾನಂದ ನೀಡಲಿದೆ.
ಈ ಹೊಸ ಸಾಧನದ ತೂಕ ಕೇವಲ 62 ಪೌಂಡ್ಸ್, ಎತ್ತರ 14.1 ಇಂಚುಗಳು. ಇದರಲ್ಲಿರುವ ಇನ್ನೊಂದು ವಿಶೇಷತೆ ಎಂದರೆ ಇದು 3D ಪರಿಣಾಮ ಹೊಂದಿದೆ. ಈ 3D ವಿಶಿಷ್ಠತೆಗೆ ಸಾಥ್ ನೀಡುವುದು ಇದರಲ್ಲಿರುವ 7 ಇಂಚ್ ವೂಫರ್. ಈ ಹೊಸ ಸ್ಪೀಕರ್ ಬೆಲೆ ಭಾರತೀಯ ಮಾರುಕಟ್ಟೆಯಲ್ಲಿ ರು. 9,80,000. ಬೆಲೆ ಸಾಕಷ್ಟು ದುಬಾರಿ ಎನಿಸಿದರೂ ಬೆಲೆಗೆ ತಕ್ಕ ವಿಶೇಷತೆ, ಗುಣಮಟ್ಟ ಇದರಲ್ಲಿರುವುದರಿಂದ ಕಾಸಿಗೆ ತಕ್ಕ ಕಜ್ಜಾಯ ಎನ್ನಬಹುದು.
