ಅಮಾಜ್‌ಫಿಟ್‌ನಿಂದ ಹೊಸ ಸ್ಮಾರ್ಟ್‌ವಾಚ್‌ ಲಾಂಚ್‌! GPS ಆಂಟೆನಾ ಟೆಕ್ನಾಲಜಿ!

ಹೌದು, ಅಮಾಜ್‌ಫಿಟ್‌ GTS 4 ಸ್ಮಾರ್ಟ್‌ವಾಚ್‌ ಅನ್ನು ಪರಿಚಯಿಸಿದೆ. ಇದು 150ಕ್ಕೂ ಹೆಚ್ಚು ವಾಚ್‌ಫೇಸ್‌ಗಳನ್ನು ಹೊಂದಿದ್ದು, ಆಲ್‌ವೇಸ್‌ ಆನ್‌ ಡಿಸ್‌ಪ್ಲೇಗೆ ಸೆಟ್‌ ಆಗಲಿದೆ. ಇನ್ನು 15 ಶಕ್ತಿ ತರಬೇತಿ ವ್ಯಾಯಾಮಗಳು ಮತ್ತು ಎಂಟು ಸ್ಪೋರ್ಟ್ಸ್‌ ಆಟೋ ಮ್ಯಾಟಿಕ್‌ ಆಗಿ ಗುರುತಿಸುವ ಪ್ರೋಗ್ರಾಮ್ ಅಳವಡಿಸಲಾಗಿದೆ. ಹಾಗಾದ್ರೆ ಈ ಸ್ಮಾರ್ಟ್‌ವಾಚ್‌ ವಿಶೇಷತೆ ಏನು? ಇದರ ಫೀಚರ್ಸ್‌ ಹೇಗಿದೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಅಮಾಜ್‌ಫಿಟ್‌ GTS 4 ಸ್ಮಾರ್ಟ್‌ವಾಚ್‌ 1.75-ಇಂಚಿನ HD ಅಮೋಲೆಡ್‌ ಡಿಸ್‌ಪ್ಲೇಯನ್ನು ಹೊಂದಿದೆ. ಈ ಡಿಸ್‌ಪ್ಲೇ 390x450 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯವನ್ನು ಪಡೆದಿದೆ. ಡಿಸ್‌ಪ್ಲೇ ಆಲ್‌ವೇಸ್‌ ಆನ್ ಡಿಸ್‌ಪ್ಲೇಗಳಿಗೆ ಹೊಂದಿಕೆಯಾಗಲಿದೆ. ಇದಲ್ಲದೆ ಈ ಸ್ಮಾರ್ಟ್‌ವಾಚ್‌ 150 ಕ್ಕೂ ಹೆಚ್ಚು ವಾಚ್‌ ಪೇಸ್‌ಗಳನ್ನು ಹೊಂದಿದೆ. ಇನ್ನು ಈ ಸ್ಮಾರ್ಟ್‌ವಾಚ್‌ ಅಲ್ಯೂಮಿನಿಯಂ ಮಿಶ್ರಲೋಹದ ಮಧ್ಯದ ಚೌಕಟ್ಟನ್ನು ಹೊಂದಿದ್ದು, ಬಲಭಾಗದಲ್ಲಿ ನ್ಯಾವಿಗೇಷನ್ ಕಿರೀಟವನ್ನು ಪಡೆದಿದೆ.

ಈ ವಾಚ್‌ನಲ್ಲಿ ಹೊಸ ಬಯೋಟ್ರ್ಯಾಕರ್ 4.0 PPG ಬಯೋಮೆಟ್ರಿಕ್ ಆಪ್ಟಿಕಲ್ ಸೆನ್ಸಾರ್‌ ಅನ್ನು ನೀಡಲಾಗಿದೆ. ಈ ಸೆನ್ಸಾರ್‌ ತನ್ನ ಬಳಕೆದಾರರಿಗೆ 24/7 ಹೃದಯ ಬಡಿತ ಟ್ರ್ಯಾಕಿಂಗ್, ರಕ್ತದ ಆಮ್ಲಜನಕ ಮತ್ತು ಒತ್ತಡದ ಮೇಲ್ವಿಚಾರಣೆ ಮತ್ತು ನಿದ್ರೆಯ ಗುಣಮಟ್ಟದ ಟ್ರ್ಯಾಕಿಂಗ್ ಅನ್ನು ನೀಡಲಿದೆ. ಜೊತೆಗೆ ಈ ಸ್ಮಾರ್ಟ್‌ವಾಚ್‌ನಲ್ಲಿ ಸಿಂಗಲ್‌ ಟ್ಯಾಪ್‌ನೊಂದಿಗೆ ನಾಲ್ಕು ಹೆಲ್ತ್‌ ಮೆಟ್ರಿಕ್‌ಗಳನ್ನು ಪರೀಕ್ಷಿಸಲು ಸಹ ಬಳಸಬಹುದಾಗಿದೆ.

ಇದು ಇಂಟರ್‌ಬಿಲ್ಟ್‌ ಡ್ಯುಯಲ್-ಬ್ಯಾಂಡ್ ವೃತ್ತಾಕಾರದ-ಧ್ರುವೀಕರಿಸಿದ GPS ಆಂಟೆನಾ ಟೆಕ್ನಾಲಜಿಯನ್ನು ಒಳಗೊಂಡಿದೆ. ಇದರಿಂದ ರಿಯಲ್‌ ಟೈಂ ಜಿಪಿಎಸ್‌ ಟ್ರ್ಯಾಕ್‌ ಮಾಡಲು ಸಾಧ್ಯವಾಗಲಿದೆ ಎನ್ನಲಾಗಿದೆ. ಇದಲ್ಲದೆ ಈ ಸ್ಮಾರ್ಟ್‌ವಾಚ್‌ 150 ಕ್ಕೂ ಹೆಚ್ಚು ಸ್ಪೋರ್ಟ್ಸ್‌ ಮೋಡ್‌ಗಳನ್ನು ಹೊಂದಿದೆ. ಇದು ಗೋ ಪ್ರೊ ಮತ್ತು ಹೋಮ್ ಕನೆಕ್ಟ್ ಸೇರಿದಂತೆ ಮಿನಿ ಅಪ್ಲಿಕೇಶನ್‌ಗಳ ಜೊತೆಗೆ Zepp OS 2.0 ನಲ್ಲಿ ಕಾರ್ಯನಿರ್ವಹಿಸಲಿದೆ.

ಇದಲ್ಲದೆ ಈ ಸ್ಮಾರ್ಟ್ ವಾಚ್ ಬ್ಲೂಟೂತ್ ಕಾಲ್‌ ಬೆಂಬಲಿಸುವುದಕ್ಕಾಗಿ ಇಂಟರ್‌ಬಿಲ್ಟ್‌ ಸ್ಪೀಕರ್‌ ಮತ್ತು ಮೈಕ್ರೊಫೋನ್ ಅನ್ನು ಒಳಗೊಂಡಿದೆ. ಇದು 300mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದ್ದು, 8 ದಿನಗಳವರೆಗೆ ಬ್ಯಾಕಪ್ ಅನ್ನು ಒದಗಿಸಲಿದೆ ಎಂದು ಹೇಳಲಾಗಿದೆ. ಜೊತೆಗೆ ಈ ಸ್ಮಾರ್ಟ್‌ವಾಚ್‌ನಲ್ಲಿ ಬ್ಯಾಟರಿ ಸೇವರ್ ಮೋಡ್ ಅನ್ನು ಹೊಂದಿದ್ದು, ಬ್ಯಾಟರಿಯನ್ನು ಉಳಿಸಬಹುದಾಗಿದೆ. ಬ್ಯಾಟರಿ ಸೇವ್‌ ಮೋಡ್‌ನಲ್ಲಿಯೂ ಕೂಡ ಇದು ಸ್ಪೋರ್ಟ್ಸ್‌ ಮೋಡ್‌, ಹೆಲ್ತ್‌ ಟ್ರ್ಯಾಕಿಂಗ್ ಮತ್ತು ಹೆಚ್ಚಿನ ಫೀಚರ್ಸ್‌ಗಳ ಬಳಕೆಯನ್ನು ಕೂಡ ಅನುಮತಿಸಲಿದೆ.

ಬೆಲೆ ಮತ್ತು ಲಭ್ಯತೆ

ಅಮಾಜ್‌ಫಿಟ್‌ GTS 4 ಸ್ಮಾರ್ಟ್‌ವಾಚ್‌ ಪ್ರಸ್ತುತ ಅಮಾಜ್‌ಫಿಟ್‌ ಇಂಡಿಯಾ ಸೈಟ್‌ ಮತ್ತು ಅಮೆಜಾನ್‌ನಲ್ಲಿ ಪ್ರೀ ಆರ್ಡರ್‌ ಬುಕ್ಕಿಂಗ್‌ಗೆ ಲಭ್ಯವಿದೆ. ಇದರ ಬೆಲೆ 16,999ರೂ.ಆಗಿದೆ. ಇದು ಸೆಪ್ಟೆಂಬರ್ 22 ರಿಂದ ಭಾರತದಲ್ಲಿ ಮೊದಲ ಬಾರಿಗೆ ಸೇಲ್‌ ಆಗಲಿದೆ. ಇನ್ನು ಈ ಸ್ಮಾರ್ಟ್‌ವಾಚ್‌ ಅನ್ನು ಇನ್ಫೈನೈಟ್ ಬ್ಲಾಕ್, ಮಿಸ್ಟಿ ವೈಟ್ ಮತ್ತು ರೋಸ್‌ಬಡ್ ಪಿಂಕ್ ಬಣ್ಣಗಳ ಆಯ್ಕೆಯಲ್ಲಿ ಲಭ್ಯವಾಗಲಿದೆ.