ಬಹುದಿನಗಳ ಸಮಸ್ಯೆಗೆ ಪರಿಹಾರ ನೀಡಲು ಮುಂದಾದ ಅಮೆಜಾನ್‌! ಏನಿದರ ವಿಶೇಷ!

ಹೌದು, ಅಮೆಜಾನ್‌ ತನ್ನ ಬಳಕೆದಾರರಿಗೆ ಇಂಟರಾಕ್ಟಿವ್ ಮೊಬೈಲ್ ಎಕ್ಸ್‌ಪಿರಿಯೆನ್ಸ್ ಅನ್ನು ನೀಡಲು ಮುಂದಾಗಿದೆ. ಅದರಂತೆ ಅಮೆಜಾನ್‌ನಲ್ಲಿ ಫ್ಯಾಶನ್‌ ಶೂಸ್‌ ಅನ್ನು ಖರೀದಿಸುವಾಗ ವರ್ಚುವಲ್‌ ಟ್ರೈ ಆನ್‌ ಪ್ರಾರಂಭಿಸುವುದಾಗಿ ಅಮೆಜಾನ್‌ ಘೋಷಿಸಿದೆ. ಇದು US ಮತ್ತು ಕೆನಡಾದಲ್ಲಿ iOS ಬಳಕೆದಾರರಿಗೆ ವಾಸ್ತವಿಕವಾಗಿ ಶೂಗಳನ್ನು ಪ್ರಯತ್ನಿಸಲು ಗ್ರಾಹಕರಿಗೆ ಅನುಮತಿಸಲಿದೆ. ಹಾಗಾದ್ರೆ ಅಮೆಜಾನ್‌ ಇಂಟರಾಕ್ಟಿವ್ ಮೊಬೈಲ್ ಎಕ್ಸ್ಪೀರಿಯೆನ್ಸ್ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಅಮೆಜಾನ್‌ ಫ್ಯಾಶನ್ ಶೂಸ್‌ಗಾಗಿ ವರ್ಚುವಲ್ ಟ್ರೈ-ಆನ್ ಅನ್ನು ಪ್ರಾರಂಭಿಸುವುದಾಗಿ ಘೋಷಿಸಿದೆ. ಇದು ಮೊಬೈಲ್ ಅನುಭವವಾಗಿದ್ದು, ಗ್ರಾಹಕರಿಗೆ ಪ್ರತಿ ಕೋನದಿಂದ ಒಂದು ಜೋಡಿ ಬೂಟುಗಳು ಹೇಗೆ ಕಾಣುತ್ತವೆ ಎಂಬುದನ್ನು ದೃಶ್ಯೀಕರಿಸಲು ಸಹಾಯ ಮಾಡಲು ವರ್ಚುವಲ್‌ ಅನುಭವ ನೀಡಲಿದೆ. ಇನ್ನು iOS ನಲ್ಲಿ ಅಮೆಜಾನ್‌ ಶಾಪಿಂಗ್ ಅಪ್ಲಿಕೇಶನ್ ಬಳಸುವ ಗ್ರಾಹಕರು ನ್ಯೂ ಬ್ಯಾಲೆನ್ಸ್‌, ಅಡಿಡಾಸ್‌, ರಿಬಾಕ್‌, ಪುಮಾ, ಸೂಪರ್‌ಗಾ, ಲಾಕಾಸ್ಟ್‌, ಆಸಿಕ್ಸ್‌ ಮತ್ತು ಸೌಕಾನಿ ಸೇರಿದಂತೆ ಬ್ರ್ಯಾಂಡ್‌ಗಳ ಶೈಲಿಗಳನ್ನು ದೃಶ್ಯೀಕರಿಸಲು ಶೂಸ್‌ಗಾಗಿ ವರ್ಚುವಲ್ ಟ್ರೈ-ಆನ್ ಅನ್ನು ಬಳಸಬಹುದಾಗಿದೆ.

ಇದು ಹೇಗೆ ಕಾರ್ಯನಿರ್ವಹಿಸಲಿದೆ?

ಅಮೆಜಾನ್‌ ತಾಣದಲ್ಲಿ ಶೂ ಆಯ್ಕೆ ಮಾಡಿದರೆ, ಗ್ರಾಹಕರು ಉತ್ಪನ್ನದ ವಿವರಗಳ ಪುಟದಲ್ಲಿ "ವರ್ಚುವಲ್ ಟ್ರೈ-ಆನ್" ಬಟನ್ ಅನ್ನು ಟ್ಯಾಪ್ ಮಾಡಬಹುದು. ಇದರಲ್ಲಿ ಶೂಗಳು ಹೇಗೆ ಕಾಣುತ್ತವೆ ಎಂಬುದನ್ನು ನೋಡಲು ತಮ್ಮ ಮೊಬೈಲ್ ಡಿವೈಸ್‌ನಲ್ಲಿನ ಕ್ಯಾಮರಾವನ್ನು ಅವರ ಪಾದಗಳಿಗೆ ತೋರಿಸಬಹುದು. ಪ್ರತಿ ಕೋನದಿಂದ ಶೂ ಹೇಗೆ ಕಾಣುತ್ತದೆ ಎಂಬುದನ್ನು ನೋಡಲು ಗ್ರಾಹಕರು ತಮ್ಮ ಪಾದಗಳನ್ನು ಚಲಿಸಬಹುದು. ಇದರಿಂದ ಗ್ರಾಹಕರು ತಮ್ಮ ವರ್ಚುವಲ್ ಟ್ರೈ-ಆನ್ ಅನುಭವದ ಫೋಟೋವನ್ನು ತೆಗೆದುಕೊಳ್ಳುವ ಆಯ್ಕೆಯನ್ನು ಪಡೆಯಲಿದ್ದಾರೆ. ಇದರಲ್ಲಿ "ಶೇರ್‌ಮಾಡಿ" ಐಕಾನ್ ಅನ್ನು ಕ್ಲಿಕ್ ಮಾಡುವ ಮೂಲಕ ಸೊಶೀಯಲ್‌ ಮೀಡಿಯಾದಲ್ಲಿ ಸ್ನೇಹಿತರೊಂದಿಗೆ ಚಿತ್ರವನ್ನು ಹಂಚಿಕೊಳ್ಳಬಹುದು.

ಅಮೆಜಾನ್‌ನ ಈ ಹೊಸ ಹೆಜ್ಜೆ ಆನ್‌ಲೈನ್‌ನಲ್ಲಿ ಫ್ಯಾಶನ್ ಶಾಪಿಂಗ್ ಅನ್ನು ಸುಲಭಗೊಳಿಸುತ್ತದೆ. ಅಲ್ಲದೆ ಗ್ರಾಹಕರಿಗೆ ಹೆಚ್ಚು ಸಂತೋಷಕರವಾಗಿ ಉತ್ಪನ್ನಗಳನ್ನು ಖರೀದಿಸಲು ಅವಕಾಶ ಸಿಗಲಿದೆ ಎಂದು ಅಮೆಜಾನ್ ಫ್ಯಾಶನ್ ಅಧ್ಯಕ್ಷ ಮುಗೆ ಎರ್ಡಿರಿಕ್ ಡೊಗನ್ ಹೇಳಿದ್ದಾರೆ. ಸದ್ಯ ನಾವು "ಶೂಗಳಿಗಾಗಿ ವರ್ಚುವಲ್ ಟ್ರೈ-ಆನ್ ಅನ್ನು ಪರಿಚಯಿಸಲು ಉತ್ಸುಕರಾಗಿದ್ದೇವೆ, ಆದ್ದರಿಂದ ಗ್ರಾಹಕರು ಅವರು ಎಲ್ಲಿದ್ದರೂ ಅವರಿಗೆ ತಿಳಿದಿರುವ ಮತ್ತು ಇಷ್ಟಪಡುವ ಬ್ರ್ಯಾಂಡ್‌ಗಳಿಂದ ಸಾವಿರಾರು ಶೈಲಿಗಳನ್ನು ಪ್ರಯತ್ನಿಸಬಹುದು ಎಂದಿದ್ದಾರೆ.