ಸಿಂಪಲ್ ಟಾಸ್ಕ್ ಕೊಟ್ಟ ಗೂಗಲ್: ಗೆದ್ದರೆ 5 ಲಕ್ಷ ಬಂಪರ್ ಬಹುಮಾನ..!

ಈ ವರ್ಷದ ಥೀಮ್:

ಗೂಗಲ್ ಈ ಬಾರಿ 2018 ಡೂಗಲ್ 4 ಗೂಗಲ್ ಸ್ಪರ್ಧೆಯಲ್ಲಿ 'ವಾಟ್ ಇನ್‌ಸ್ಪೇರ್ ಯೂ ಥೀಮ್' ನೀಡಿದ್ದು, ಇದರ ಮೇಲೆ ನೀವು ಡೂಗಲ್ ಅನ್ನು ರಚನೆ ಮಾಡಬೇಕಾಗಿದೆ. ಹೀಗೆ ನೀವು G o o g l e ಅಕ್ಷರಗಳನ್ನು ಬಳಕೆ ಮಾಡಿಕೊಂಡು ನಿಮ್ಮದೇ ಒಂದು ಲೋಗೋವನ್ನು ನಿರ್ಮಾಣ ಮಾಡಬೇಕಾಗಿದೆ. ಹೀಗೆ ಮಾಡಿದ್ದು, ಗೂಗಲ್‌ಗೆ ಇಷ್ಟವಾದರೆ ನಿಮ್ಮ ಲಕ್ ಬದಲಾಗಲಿದೆ.

ರೂ. 5 ಲಕ್ಷ ಬಹುಮಾನ:

ಈ ರೀತಿಯಲ್ಲಿ ನೀವು ರಚಿಸಿದ ಗೂಗಲ್ ಡೂಗಲ್‌ ಸೆಲೆಕ್ಟ್ ಆದರೆ ಗೂಗಲ್‌ನಿಂದ ನಿಮಗೆ ರೂ.5 ಲಕ್ಷದ ಕಾಲೇಜ್ ಸ್ಕಾಲರ್ ಶಿಪ್ ದೊರೆಯಲಿದೆ. ಇದರಿಂದಾಗಿ ನಿಮ್ಮ ಉನ್ನತ ಶಿಕ್ಷಣದ ಕನಸನ್ನು ನನಸು ಆಗಿಸಿಕೊಳ್ಳಬಹುದಾಗಿದೆ. ಅಲ್ಲದೇ ಬೇಕಿದ್ದನ್ನು ಓದಬಹುದಾಗಿದೆ.

ಯಾವುದರಲ್ಲಿ:

ನೀವು ಕ್ರಯಾನ್ಸ್, ವಾಟರ್ ಕಲರ್, ಗ್ರಾಫಿಕ್ಸ್ ಡಿಸೈನ್ ಸೇರಿದಂತೆ ವಿವಿಧ ಮಾದರಿಯಲ್ಲಿ ಡೂಗಲ್ ಅನ್ನು ರಚನೆ ಮಾಡಬಹುದಾಗಿದೆ. ಒಟ್ಟಿನಲ್ಲಿ ಗೂಗಲ್ ಹೆಸರನ್ನು ವಿವಿಧ ಮಾದಿಯಲ್ಲಿ ಹೇಗೆ ಬಳಕೆ ಮಾಡಿಕೊಂಡು ಕಥೆ ಹೇಳುವ ಮಾದರಿಯಲ್ಲಿ ಡೂಗಲ್ ರಚನೆ ಮಾಡುತ್ತೀರಾ ಎಂಬುದರ ಮೇಲೆ ಆಯ್ಕೆಯೂ ನಿಂತಿದೆ.

ಆಯ್ಕೆ ಹೇಗೆ..?

ನೀವು ರಚನೆ ಮಾಡಿ ಕಳುಹಿಸುವ ಡೂಗಲ್ ಗಳಲ್ಲಿ ಜೆಡ್ಜ್‌ಗಳು ಒಟ್ಟು 20 ಡೂಗಲ್‌ಗಳನ್ನು ಆಯ್ಕೆ ಮಾಡುತ್ತಾರೆ. ಹೀಗೆ ಆಯ್ಕೆ ಮಾಡಿದ ಡೂಗಲ್‌ಗಳಲ್ಲಿ ಬೆಸ್ಟ್ ಎನ್ನುವುದನ್ನು ಆಯ್ಕೆ ಮಾಡಲು ಜನಾಭಿಪ್ರಾಯವನ್ನು ಪಡೆಯಲು ಪಬ್ಲಿಕ್ ಒಟಿಂಗ್ ಅವಕಾಶವನ್ನು ಮಾಡಿಕೊಡಲಾಗುತ್ತಾದೆ. ಜಾಸ್ತಿ ಓಟ್ ಪಡೆದವರಿಗೆ ಬಹುಮಾನ ದೊರೆಯಲಿದೆ.