ಫ್ಲಿಪ್‌ಕಾರ್ಟ್ ತೆಕ್ಕೆಗೆ ಬಿದ್ದ ಚೀನಾದ ಇ-ಬೇ ಕಂಪೆನಿ!!

1.4 ಬಿಲಿಯನ್ ಡಾಲರ್ ಹೂಡಿಕೆ!!

ಫ್ಲಿಪ್ ಕಾರ್ಟ್ ಸಮೂಹದ ಅಡಿಯಲ್ಲಿ ಮಿಂತ್ರಾ ಮತ್ತು ಇ-ಬೇ ಸೇರಿ ಮೂರು ಸಂಸ್ಥೆಗಳು ಇನ್ನು ಮುಂದೆ ಕಾರ್ಯ ನಿರ್ವಹಿಸಲಿವೆ. ಅದರಂತೆ ಈ ದೈತ್ಯ ವಿಲೀನದದಿಂದ ಫ್ಲಿಪ್ ಕಾರ್ಟ್ ಸಮೂಹದ ಹೂಡಿಕೆ ಪ್ರಮಾಣ ಬರೊಬ್ಬರಿ 1.4 ಬಿಲಿಯನ್ ಡಾಲರ್‌ಗೇರಲಿದೆ. ಫ್ಲಿಪ್‌ಕಾರ್ಟ್ ಮತ್ತು ಇ-ಬೇ 500 ಮಿಲಿಯನ್ ಡಾಲರ್ ಮೊತ್ತದ ಬಂಡವಾಳ ಹೂಡುತ್ತಿವೆ.!!

ವಿಸ್ತಾರವಾದ ಮಾರುಕಟ್ಟೆ!!

ಭಾರತ ಮತ್ತು ವಿದೇಶ ವಾಣಿಜ್ಯ ವಹಿವಾಟಿನಲ್ಲೂ ಈ ಮೂರು ಸಂಸ್ಥೆಗಳು ಪಾಲುದಾರ ಸಂಸ್ಥೆಗಳಾಗಿವೆ. ಭಾರತೀಯ ಗ್ರಾಹಕರ ಆನ್‌ಲೈನ್ ಮಾರುಕಟ್ಟೆ ಇನ್ನು ಮುಂದೆ ಮತ್ತಷ್ಟು ವಿಸ್ತಾರವಾಗಲಿದೆ. ಇದರಿಂದ ಫ್ಲಿಪ್‌ಕಾರ್ಟ್ ಗ್ರಾಹಕರು ಇನ್ನು ಮುಂದೆ ವಿಸ್ತಾರವಾದ ಮಾರುಕಟ್ಟೆಯಲ್ಲಿ ಸೇವೆಯನ್ನು ಪಡೆಯಬಹುದು ಎಂದು ಫ್ಲಿಪ್‌ಕಾರ್ಟ್ ಹೇಳಿಕೊಂಡಿದೆ.

ಇ-ಬೇ ಕಂಪನಿಯ ಮೇಲೆ ಪ್ರಭುತ್ವ!!

ಫ್ಲಿಪ್‌ಕಾರ್ಟ್ ಇ-ಬೇ ಸಂಸ್ಥೆಯ 1,290 ಕೋಟಿ ಮೌಲ್ಯದ ಷೇರುಗಳನ್ನು ಸ್ವಾಧೀನಪಡಿಸಿಕೊಳ್ಳುವ ಮೂಲಕ ಇ-ಬೇ ಕಂಪನಿಯ ಮೇಲೆ ಪ್ರಭುತ್ವ ಸಾಧಿಸಿದೆ.ಹಾಗಾಘಿ, ಇ-ಬೇ ಇನ್ನು ಫ್ಲಿಪ್‌ಕಾರ್ಟ್‌ನ ನಿರ್ದೇಶನದಂತೆ ನಡೆಯಬೇಕಿದೆ.!!

ಅಮೆಜಾನ್‌ಗೆ ಸೆಡ್ಡು!!

ವಿಶ್ವದ ದಿಗ್ಗಜ ಆನ್‌ಲೈನ್ ಶಾಪಿಂಗ್ ಜಾಲತಾಣವಾಗಿರುವ ಅಮೆಜಾನ್ ಬಹುದೊಡ್ಡ ಮಾರುಕಟ್ಟೆ ವಿಸ್ತಾರವನ್ನು ಹೊಂದಿದೆ. ಹಾಗಾಗಿ, ಬೆಂಗಳೂರು ಮೂಲದ ಫ್ಲಿಪ್‌ಕಾರ್ಟ್ ಕೂಡ ಮಾರುಕಟ್ಟೆ ವಿಸ್ತಾರ ಮಾಡಿಕೊಂಡು ಅಮೆಜಾನ್‌ಗೆ ಸೆಡ್ಡು ಹೊಡೆಯುವ ಗುರಿ ಇಟ್ಟುಕೊಂಡಿದೆ.! ಮತ್ತು ಅದರಲ್ಲಿ ಯಶಸ್ವಿಯಾಗುವ ಉದ್ದೇಶ ಸಹ ಇದೆ.!!

ಅತ್ಯುತ್ತಮ ಮಾರುಕಟ್ಟೆ ಸೇವೆ!!

ಭಾರತೀಯ ಗ್ರಾಹಕರನ್ನು ಕೇಂದ್ರವಾಗಿರಿಸಿಕೊಂಡೇ ಈ ಬೃಹತ್ ವಿಲೀನ ಪ್ರಕ್ರಿಯೆಗೆ ಫ್ಲಿಪ್‌ಕಾರ್ಟ್ ಮುಂದಾಗಿದ್ದು, ಗ್ರಾಹಕರಿಗೆ ಅತ್ಯುತ್ತಮ ಮಾರುಕಟ್ಟೆ ಸೇವೆ ಒದಗಿಸುವುದೇ ಸಂಸ್ಥೆಗ ಗುರಿ ಎಂದು ಫ್ಲಿಪ್ ಕಾರ್ಟ್ ಭಾರತ ಘಟಕದ ಸಿಇಒ ಕಲ್ಯಾಣ್ ಕೃಷ್ಣಮೂರ್ತಿ ಹೇಳಿದ್ದಾರೆ.