ದೇಶದಾದ್ಯಂತ ಉಚಿತ ವೈ-ಫೈ ನೀಡುವ ಫೇಸ್‌ಬುಕ್ ಆಸೆ ಜೀವಂತ!!

ಇಂಟರ್ನೆಟ್ ಸರ್ವಿಸ್ ಪ್ರೊವೈಡರ್ ಸಂಸ್ಥೆಗಳೊಂದಿಗೆ ಒಪ್ಪಂದ ಮಾಡಿಕೊಂಡು ಫೇಸ್‌ಬುಕ್ ಬಳಕೆದಾರರಿಗೆ ಎಕ್ಸ್‌ಪ್ರೆಸ್ ವೈ-ಫೈ ನೀಡಲು ನಿರ್ಧರಿಸಿದ್ದ ಫೇಸ್‌ಬುಕ್‌ ಆಸೆ ಮತ್ತೆ ಚಿಗುರುವ ಕನಸು ಕಾಣುತ್ತಿದೆ.! ದೈತ್ಯ ಸಾಮಾಜಿಕ ಜಾಲತಾಣ ಫೇಸ್‌ಬುಕ್ ಉಚಿತ ಇಂಟರ್‌ನೆಟ್ ಸೇವೆ ನೀಡುವುದಾಗಿ ಈ ಹಿಂದೆ ಹೇಳಿತ್ತು. ಆದರೆ ಹಲವಾರು ಕಾರಣಗಳಿಂದ ಫೇಸ್‌ಬುಕ್‌ನ ಈ ಯೋಜನೆ ವಿಫಲವಾಗಿತ್ತು.

ಆದರೆ, ಇದೀಗ ಲಭ್ಯವಾಗಿರುವ ಮಾಹಿತಿ ಪ್ರಕಾರ ಫೇಸ್‌ಬುಕ್ ಕಂಪನಿ ಭಾರತದಲ್ಲಿ ಉಚಿತ ಇಂಟರ್‌ನೆಟ್‌ ಕೊಡಬಹುದು ಎನ್ನುವ ರೂಮರ್ಸ್ ಹರಿದಾಡಿದೆ. ಜನರಿಗೆ ಉಚಿತವಾಗಿ ಲಭ್ಯವಾಗುವುವಂತೆ ಅಥವಾ ಅತಿ ಕಡಿಮೆ ದರದಲ್ಲಿ ಇಂಟರ್‌ನೆಟ್‌ ಸೇವೆ ಪಡೆದುಕೊಳ್ಳಬಹುದಾದ ಈ ಯೋಜನೆಯನ್ನು ಮತ್ತೆ ತರಲು ಫೇಸ್‌ಬುಕ್ ನಿರ್ಧರಿಸಿದೆ.!

5 ವರ್ಷದಲ್ಲಿ ಎರಡನೇ ಚೀನಾ ಆಗಲಿದೆ ಬೆಂಗಳೂರು!!

ಇಂಟರ್ನೆಟ್ ಸರ್ವಿಸ್ ಪ್ರೊವೈಡರ್ ಸಂಸ್ಥೆಗಳೊಂದಿಗೆ ಒಪ್ಪಂದ ಮಾಡಿಕೊಂಡು ಗ್ರಾಮೀಣ ಜನರಿಗೆ ಅತಿ ಕಡಿಮೆ ದರದಲ್ಲಿ ಲಭ್ಯವಾಗುವಂತೆ ಎಕ್ಸ್‌ಪ್ರೆಸ್ ವೈ-ಫೈ ನೀಡುವುದಾಗಿ ಫೇಸ್‌ಬುಕ್ ಹೇಳಿಕೊಂಡಾಗ ಅದಕ್ಕೆ ಹಲವೆಡೆ ಆಕ್ಷೇಪಣೆಗಳು ಕೇಳಿಬಂದಿತ್ತು. ಏಕಸ್ವಾಮ್ಯ ಮಾರುಕಟ್ಟೆಯನ್ನು ನಿರ್ಮಿಸಿಕೊಳ್ಳಲು ಫೆಸ್‌ಬುಕ್‌ ಈ ತಂತ್ರವನ್ನು ಉಪಯೋಗಿಸುತ್ತಿದೆ ಎಂದು ಇತರ ಕಂಪೆನಿಗಳು ಆರೋಪ ಮಾಡಿದ್ದವು.

ಇನ್ನು ಇತ್ತೀಚಿಗೆ ಹಲವು ಕಂಪೆನಿಗಳು ಉಚಿತವಾಗಿ ವೈ-ಫೈ ನೀಡುತ್ತಿರುವುದನ್ನು ಗಮನಿಸಿದ ಫೇಸ್‌ಬುಕ್‌ ಕೂಡ ದೇಶದಾಧ್ಯಂತ ಉಚಿತ ವೈ-ಫೈ ನೀಡಲು, ಮತ್ತೆ ಸರ್ಕಾರಕ್ಕೆ ಮನವಿ ಸಲ್ಲಿಸಬಹುದು ಎನ್ನುವ ಮಾತು ಟೆಕ್‌ ಲೋಕದಲ್ಲಿ ಹರಿದಾಡಿವೆ.!!