ಜಿಯೋ-ಏರ್‌ಟೆಲ್ ಚಿಂತೆ ಬಿಡಿ: 2019ಕ್ಕೆ ಉಚಿತ 5G ಇಂಟರ್ನೆಟ್ ನೀಡಲಿದೆ ಅಂಟೆನಾ...!

ಭೂಮಿಯೆಲ್ಲೆಡೆ ಇಂಟರ್ನೆಟ್:

ಸದ್ಯ ಕೇವಲ ನೆಟ್ವರ್ಕ್ ಇರುವ ಕಡೆಗಳಲ್ಲಿ ಮಾತ್ರವೇ ದೊರೆಯುತ್ತಿರುವ ಇಂಟರ್ನೆಟ್ ಸೇವೆಯನ್ನು ಭೂಮಿಯ ಮೂಲೆ ಮೂಲೆಗೆ ತಲುಪಿಸುವ ಪ್ರಯತ್ನ ಮಾಡಲು ಫೇಸ್‌ಬುಕ್ ಮುಂದಾಗಿದ್ದು, ನೇರವಾಗಿ ಸ್ಯಾಟಿಲೈಟ್ ನಿಂದಲೇ ಇಂಟರ್ನೆಟ್ ಸೇವೆಯನ್ನು ನೀಡುವ ಯೋಜನೆಗೆ ಕೈ ಹಾಕಿದೆ.

ಸ್ಯಾಟಿಲೈಟ್ ಗಳು:

ಖಾಸಗಿ ಬಾಹ್ಯಾಕಾಶ ಸಂಸ್ಥೆಯಾಗಿರುವ ಇಯಾನ್ ಮಾಸ್ಕ್ ಮಾಲೀಕತ್ವದ ಸ್ಪೇಸ್ X ನೊಂದಿಗೆ ಕೈ ಜೋಡಿಸಿರುವ ಫೇಸ್‌ಬುಕ್, ಅನೇಕ ಸ್ಯಾಟಿಲೈಟ್ ಗಳನ್ನು ಹಾರಿಸಲಿದೆ. ಇದರಿಂದಲೇ ನೇರಾವಾಗಿ ಬಳಕೆದಾರರಿಗೆ ಇಂಟರ್ನೆಟ್ ಸೇವೆಯನ್ನು ನೀಡುವ ಪ್ಲಾನ್ ಮಾಡಿದೆ. ಇದರಿಂದಾಗಿ ಯಾವುದೇ ಪ್ರದೇಶದಲ್ಲಿ ಇದ್ದರು ನೆಟ್‌ವರ್ಕ್ ಸಮಸ್ಯೆ ಎದುರಾಗುವುದಿಲ್ಲ.

ಅಂಟೆನಾ:

ಫೇಸ್‌ಬುಕ್ ಈ ಯೋಜನೆಗೆ ಅಂಟೆನಾ ಎಂದು ನಾಮಕರಣವನ್ನು ಮಾಡಿದೆ. ಭೂಮಿಯ ಪ್ರತಿ ಮೂಲೆಗೂ ತನ್ನ ಸೇವೆಯನ್ನು ವಿಸ್ತರಿಸುವ ಮಹತ್ವಕಾಂಕ್ಷಿ ಅಂಟೆನಾ ಯೋಜನೆಗೆ ಸಾಕಷ್ಟು ದೊಡ್ಡ ಪ್ರಮಾಣದಲ್ಲಿ ಹೂಡಿಕೆಯನ್ನು ಮಾಡಿದೆ ಎನ್ನಲಾಗಿದೆ. ಹೀಗೆ ಉಚಿತವಾಗಿ ಸೇವೆಯನ್ನು ನೀಡುವುದರಿಂದ ಫೇಸ್‌ಬುಕಿಗೂ ಲಾಭವಿದೆ ಎನ್ನಲಾಗಿದೆ.

ಫೇಸ್‌ಬುಕ್ ಆಪ್‌ಗಳು ಉಚಿತ:

ಹೀಗೇ ಸ್ಯಾಟಿಲೈಟ್ ಮೂಲಕ ಸೇವೆಯನ್ನು ನೀಡಲಿರುವ ಫೇಸ್‌ಬುಕ್ ತನ್ನ ಬಳಕೆದಾರರಿಗೆ ತನ್ನ ಮಾಲೀಕತ್ವದ ಆಪ್‌ಗಳನ್ನು ಬಳಕೆ ಮಾಡಿಕೊಳ್ಳಲು ಸಂಪೂರ್ಣವಾಗಿ ಉಚಿತ ಡೇಟಾವನ್ನು ನೀಡಲಿದೆ ಎನ್ನಲಾಗಿದೆ.

ಫೇಸ್‌ಬುಕ್-ವಾಟ್ಸ್‌ಆಪ್:

ಈಗಾಗಲೇ ಮಾರುಕಟ್ಟೆಯಲ್ಲಿ ಅತೀ ಹೆಚ್ಚಿನ ಬಳಕೆದಾರರನ್ನು ಹೊಂದಿರುವ ಫೇಸ್‌ಬುಕ್, ವಾಟ್ಸ್ಆಪ್, ಇನ್‌ಸ್ಟಾಗ್ರಾಮ್, ಮೆಸೆಂಜರ್ ಆಪ್ ಗಳನ್ನು ಬಳಕೆದಾರರಿಗೆ ಉಚಿತವಾಗಿ ಬಳಸಲು ನೀಡಲಿದ್ದು, ಇದರೊಂದಿಗೆ ಇನ್ನಷ್ಟು ದೊಡ್ಡ ಪ್ರಮಾಣದಲ್ಲಿ ತನ್ನ ಆಪ್ ಜಾಲವಜನ್ನು ವಿಸ್ತರಿಸಿಕೊಳ್ಳಲು ಮುಂದಾಗಿದೆ.

ಜಿಯೋ-ಏರ್‌ಟೆಲ್ ಬೇಡ:

ಈಗಾಗಲೇ ಡೇಟಾ ಸಮರವೂ ಜೋರಾಗಿ ನಡೆಯುತ್ತಿರುವುದರಿಂದ ಮತ್ತು ಡೇಟಾ ಹೆಚ್ಚು ಸಿಕ್ಕರೆ ಬಳಕೆದಾರರು ಹೆಚ್ಚಿನ ಇಂಟರ್ನೆಟ್ ಬಳಕೆ ಮಾಡುತ್ತಿರುವುದನ್ನು ಗಮನಿಸಿರುವ ಫೇಸ್‌ಬುಕ್, ಇದರಿಂದಾಗಿಯೇ ಉಚಿತ ಇಂಟರ್ನೆಟ್ ನೀಡಿ ಬಳಕೆದಾರರನ್ನು ಹೆಚ್ಚಿನ ಪ್ರಮಾಣದಲ್ಲಿ ಆಕರ್ಷಿಸುವ ಪ್ರಯತ್ನ ಮಾಡುತ್ತಿದೆ. ಇದರಿಂದಾಗಿ ಮುಂದಿನ ದಿನಗಳಲ್ಲಿ ಜಿಯೋ-ಏರ್‌ಟೆಲ್ ಕೇಲವ ಕರೆ ಮಾಡಲು ಮಾತ್ರವೇ ಬಳಕೆಯಾಗಬಹುದು ಅಥವಾ ಕೇಳುವರೆ ಇರುವುದಿಲ್ಲ ಎನ್ನಲಾಗಿದೆ.