ಬರಲಿದೆ ಹೊಸ ಟೆಕ್ನಾಲಜಿ: ಎಲೆಕ್ಟ್ರಿಕ್ ವಿಮಾನವು ಶೀಘ್ರವೇ ಹಾರಲಿದೆ...!

ಜುನುಂ ಏರೊ ವಿಮಾನ ಸಂಸ್ಥೆ:

ಈಗಾಗಲೇ ವಿಮಾನ ತಯಾರಿಕೆಯಲ್ಲಿ ಹೆಸರು ಮಾಡಿರುವ ಬೋಯಿಂಗ್‌ ಕಂಪನಿ ಹಾಗೂ ಜೆಟ್‌ಬ್ಲೂ ಏರ್‌ವೇಸ್‌ ಕಾರ್ಪ್‌ ಕಂಪನಿಯ ಜೊತೆಗೆ ಅಮೆರಿಕದ ಸೀಯಾಟಲ್‌ನ ‘ಜುನುಂ ಏರೊ' ಜೊತೆಗೆ ಸೇರಿಕೊಂಡು ಶೀಘ್ರವೇ ಎಲೆಕ್ಟ್ರಿಕ್ ವಿಮಾನವನ್ನು ನಿರ್ಮಿಸಲಿದೆ ಎನ್ನಲಾಗಿದೆ.

ಮೊದಲಿಗೆ ಸಣ್ಣ ವಿಮಾನ ತಯಾರಿ:

ಮೊದಲಿಗೆ ಕೇವಲ 12 ಪ್ರಯಾಣಿಕರನ್ನು ಸಾಗಿಸುವ ಸಾಮರ್ಥ್ಯ ಇರುವ ಸಣ್ಣ ಎಲೆಕ್ಟ್ರಿಕ್ ವಿಮಾನಗಳನ್ನು ಅಭಿವೃದ್ಧಿಪಡಿಸಲಾಗುತ್ತಿದ್ದು, ಶೀಘ್ರವೇ ಹೆಚ್ಚು ಪ್ರಯಾಣಿಕರು ಪ್ರಯಾಣಿಸಬಹುದಾದ ಎಲೆಕ್ಟ್ರಿಕ್‌ ವಿಮಾನವನ್ನು ತಯಾರು ಮಾಡಲಾಗುವುದು ಎನ್ನಲಾಗಿದೆ.

ಸಾವಿರ ಮೈಲು ಹಾರಾಟ:

ಈಗಾಗಲೇ ಎಲೆಕ್ಟ್ರಿಕ್‌ ವಿಮಾನ ಹಾರಾಟಕ್ಕೆ ಸಿದ್ಧವಾಗುತ್ತಿದ್ದು, ಸದ್ಯ ಇದು ಸಾವಿರ ಮೈಲುಗಳವರೆಗೆ ಹಾರಾಟ ನಡೆಸಲಿದೆ. ಇದಕ್ಕಾಗಿ ಬ್ಯಾಟರಿ ತಂತ್ರಜ್ಞಾನವನ್ನು ಅಭಿವೃದ್ಧಿಸಲಾಗುತ್ತದೆ. ಈ ಬ್ಯಾಟರಿಗಳು ಭವಿಷ್ಯದ ವಾಹನದಲ್ಲಿ ಹೊಸ ಭಾಷ್ಯವನ್ನು ಬರೆಯಲಿದೆ.

ಈಗಾಗಲೇ ಸೋಲಾರ್ ವಿಮಾನದ ಹಾರಾಟ:

ಈಗಾಗಲೇ ಸೋಲಾರ್‌ ವಾಹನಗಳು ಮಾರುಕಟ್ಟೆಯಲ್ಲಿ ಕಾಣಿಸಿಕೊಂಡಿದೆ. ಸೋಲಾರ್ ಕಾರುaಗಳು ಸಹ ಬೇಡಿಕೆ ಸೃಷ್ಟಿಸಿವೆ. ಈಗಾಗಲೇ ಸೋಲಾರ್ ವಿಮಾನವು ಯಶಸ್ವಿ ಹಾರಾಟ ನಡೆಸಿದೆ. ಆದರೆ ಇದು ಜನರ ಹಾರಟಕ್ಕೆ ಮುಕ್ತವಾಗಿಲ್ಲ ಎನ್ನಲಾಗಿದೆ.

ಕೇಂದ್ರ ಸರಕಾರದ ಸಹಕಾರ:

ಈಗಾಗಲೇ ತೈಲ ಆಮದು ತಗ್ಗಿಸುವ ಹೊಸ ಯೋಜನೆಗೆ ಕೇಂದ್ರ ಸರ್ಕಾರ ಮುಂದಾಗಿದೆ. ಈ ಯೋಜನೆಯ ಅಂಗವಾಗಿ ಹೈಬ್ರಿಡ್‌ ಮತ್ತು ವಿದ್ಯುತ್‌ ಚಾಲಿತ (ಎಲೆಕ್ಟ್ರಿಕ್‌) ವಾಹನ ಬಳಕೆ ಮುಂದಾಗಲಿದೆ. ಇದೇ ಮಾದರಿಯಲ್ಲಿ ಎಲೆಕ್ಟ್ರಿಕ್ ವಿಮಾನಗಳು ಆಮದು ಮಾಡಿಕೊಳ್ಳಲಿದೆ ಎನ್ನಲಾಗಿದೆ.