ಇಂಟರ್‌ನೆಟ್‌ ಇಲ್ಲದೇ ಹೋದರು ಜಿ-ಮೇಲ್‌ ಕಳುಹಿಸಲು ಹೀಗೆ ಮಾಡಿ!

ಹೌದು, ಜಿ-ಮೇಲ್‌ ಬಳಸುವಾಗ ಏಕಾಏಕಿ ಇಂಟರ್‌ನೆಟ್‌ ಕನೆಕ್ಟಿವಿಟಿ ಸ್ಥಗಿತಗೊಂಡಾಗ ಆಗುವ ಕಿರಿಕಿರಿ ಅಷ್ಟಿಷ್ಟಲ್ಲ. ಇದನ್ನು ತಪ್ಪಿಸುವ ನಿಟ್ಟಿನಲ್ಲಿ ಜಿ-ಮೇಲ್‌ ಇಂಟರ್‌ನೆಟ್‌ ಇಲ್ಲದಿರುವಾಗಲೂ ಜಿ-ಮೇಲ್‌ ಬಳಸುವ ಆಯ್ಕೆಯನ್ನು ನೀಡಿದೆ. ಆದರೆ ಈ ಆಯ್ಕೆಯು ಜ-ಮೇಲ್‌ ಡೆಸ್ಕ್‌ಟಾಪ್ ಆವೃತ್ತಿಗಳಲ್ಲಿ ಮಾತ್ರ ವರ್ಕ್‌ ಆಗಲಿದೆ. ಆಫ್‌ಲೈನ್ ಮೇಲ್ ಮೋಡ್ ಅನ್ನು ಸಕ್ರಿಯಗೊಳಿಸುವ ಮೂಲಕ ಬಳಕೆದಾರರು ಇಂಟರ್‌ನೆಟ್‌ ಇಲ್ಲದಿರುವಾಗಲೂ ಜಿ-ಮೇಲ್‌ ಬಳಸಬಹುದಾಗಿದೆ. ಹಾಗಾದ್ರೆ ಇಮಟರ್‌ನೆಟ್‌ ಇಲ್ಲದಿರುವಾಗ ಜಿ-ಮೇಲ್‌ ಬಳಸುವುದು ಹೇಗೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಇಂಟರ್‌ನೆಟ್‌ ಇಲ್ಲದಿದ್ದರೂ ಜಿ-ಮೇಲ್‌ ಅನ್ನು ಬಳಸಬೇಕಾದರೆ ಮೊದಲಿಗೆ ನೀವು ಜಿ ಮೇಲ್‌ನಲ್ಲಿ ಆಫ್‌ಲೈನ್‌ ಮೇಲ್‌ ಮೋಡ್‌ ಅನ್ನು ಆಕ್ಟಿವ್‌ ಮಾಡಬೇಕಾಗುತ್ತದೆ. ಇದರಿಂದ ಬಳಕೆದಾರರು ಇಂಟರ್‌ನೆಟ್‌ ಇಲ್ಲದ ಸಮಯದಲ್ಲಿಯೂ ಜಿ-ಮೇಲ್‌ನ ಇನ್‌ಬಾಕ್ಸ್ ಅನ್ನು ಪ್ರವೇಶಿಸಬಹುದು. ಅನ್‌ ರೀಡ್‌ ಆಗಿರುವ ಇ-ಮೇಲ್‌ಗಳನ್ನು ರೀಡ್‌ ಮಾಡಬಹುದು. ಅಲ್ಲದೆ ಇ-ಮೇಲ್‌ ಅನ್ನು ಕೂಡ ಕಳುಹಿಸಬಹುದಾಗಿದೆ. ಇದಕ್ಕಾಗಿ ನೀವು ಕ್ರೋಮ್ ಬ್ರೌಸರ್ ವಿಂಡೋ ಮೂಲಕ ಮಾತ್ರ ಜಿ-ಮೇಲ್‌ ಬಳಸಬೇಕಾಗುತ್ತದೆ.

ಜಿ-ಮೇಲ್‌ನಲ್ಲಿ ನೀವು ಆಫ್‌ಲೈನ್ ಮೋಡ್ ಆಕ್ಟಿವ್‌ ಮಾಡಿದಾಗ ಜಿ-ಮೇಲ್‌ ಆಟೋಮ್ಯಾಟಿಕ್‌ ಆಫ್‌ಲೈನ್ ಪ್ರವೇಶಕ್ಕಾಗಿ ಇತ್ತೀಚಿನ ಇಮೇಲ್‌ಗಳನ್ನು ಸಿಂಕ್ ಮಾಡುತ್ತದೆ. ಅಲ್ಲದೆ ಅವುಗಳನ್ನು 7 ದಿನಗಳಿಂದ 90 ದಿನಗಳವರೆಗೆ ನಿರ್ದಿಷ್ಟ ಅವಧಿಯವರೆಗೆ ಪ್ರೊಟೆಕ್ಟ್‌ ಮಾಡಲಿದೆ. ಯಾವುದೇ ಒಳಬರುವ ಇಮೇಲ್‌ಗಳ ಲೈಟ್ ಆವೃತ್ತಿಯನ್ನು ಡೌನ್‌ಲೋಡ್ ಮಾಡುತ್ತದೆ. ಇದಲ್ಲದೆ ಬಳಕೆದಾರರು ಯಾವುದೇ ಸಮಯದಲ್ಲಿ ಜಿ-ಮೇಲ್‌ನ ಆಫ್‌ಲೈನ್ ಡೇಟಾವನ್ನು ಡಿಲೀಟ್‌ ಮಾಡುವುದಕ್ಕೆ ಕೂಡ ಅವಕಾಶವಿದೆ.

ಇಂಟರ್‌ನೆಟ್‌ ಇಲ್ಲದಿರುವಾಗ Gmail ಬಳಸುವುದು ಹೇಗೆ?

ಹಂತ:1 ಮೊದಲಿಗೆ ಜಿ-ಮೇಲ್‌ ನಲ್ಲಿ ಆಫ್‌ಲೈನ್ ಸೆಟ್ಟಿಂಗ್ಸ್‌ ತೆರೆಯಿರಿ
ಹಂತ:2 ಇದರಲ್ಲಿ ಆಫ್‌ಲೈನ್ ಮೇಲ್ ಅನ್ನು ಆಕ್ಟಿವ್‌ ಮಾಡಿರಿ.
ಹಂತ:3 ಇದೀಗ ನೀವು ಎಷ್ಟು ದಿನಗಳ ಸಂದೇಶಗಳನ್ನು ಸಿಂಕ್ ಮಾಡಲು ಬಯಸುತ್ತೀರಿ ಅನ್ನೊದನ್ನ ಆಯ್ಕೆ ಮಾಡಿರಿ.
ಹಂತ:4 ಬದಲಾವಣೆಗಳನ್ನು ಸೇವ್‌ ಮಾಡಲು ಸೇವ್‌ ಕ್ಲಿಕ್ ಮಾಡಿ.

ಇದೀಗ ನೀವು ಸುಲಭವಾಗಿ ಇಂಟರ್‌ನೆಟ್‌ ಇಲ್ಲದಿರುವಾಗಲೂ ಕೂಡ ಜಿ-ಮೇಲ್‌ ಅನ್ನು ಬಳಸಬಹುದಾಗಿದೆ.

ನಿಮ್ಮ ಜಿ-ಮೇಲ್‌ ಪಾಸ್‌ವರ್ಡ್ ನಿಮಗೆ ನೆನಪಿಲ್ಲದಿದ್ದಾಗ ಏನು ಮಾಡುವುದು?

ನಿಮ್ಮ Googleನ ಜಿ-ಮೇಲ್‌ ಖಾತೆಯ ಪಾಸ್‌ವರ್ಡ್ ಅನ್ನು ನೀವು ನೆನಪಿಟ್ಟುಕೊಳ್ಳಲು ಸಾಧ್ಯವಾಗದಿದ್ದಾಗ, ನಿಮ್ಮ ಖಾತೆಯನ್ನು ಮತ್ತೆಪಡೆಯಲು ಈ ಕೆಳಗಿನ ಹಂತಗಳನ್ನು ಅನುಸರಿಸಿರಿ. ಹಂತ 1: ಯಾವುದೇ ಬ್ರೌಸರ್ ತೆರೆಯಿರಿ ಮತ್ತು "Google Account Recovery" ಗಾಗಿ ಹುಡುಕಿ ಮತ್ತು ಫಲಿತಾಂಶಗಳಲ್ಲಿನ ಮೊದಲ ಲಿಂಕ್‌ಗೆ ಹೋಗಿ. Google Account Recovery ಪುಟದಲ್ಲಿ, ನಿಮ್ಮ ಇಮೇಲ್ ವಿಳಾಸವನ್ನು ನಮೂದಿಸಿ.
ಹಂತ 2: ನೀವು ನೆನಪಿಡುವ ಹಿಂದಿನ ಯಾವುದೇ ಪಾಸ್‌ವರ್ಡ್ ಅನ್ನು Google ಈಗ ಕೇಳುತ್ತದೆ. ನೀವು ಹಿಂದಿನ ಪಾಸ್‌ವರ್ಡ್ ಅನ್ನು ನೆನಪಿಸಿಕೊಂಡರೆ, ಅದನ್ನು ಇಲ್ಲಿ ನಮೂದಿಸಿ ಮತ್ತು ಉಳಿದ ಸೂಚನೆಗಳನ್ನು ಅನುಸರಿಸಿ. ಇಲ್ಲದಿದ್ದರೆ, ಕೆಳಗಿನ ಎಡಭಾಗದಲ್ಲಿರುವ ‘Try another way' ಆಯ್ಕೆಯನ್ನು ಆರಿಸಿ.
ಹಂತ 3: ನೀವು ಖಾತೆಯನ್ನು ಮತ್ತೆ ಪಡೆಯಲು ಪ್ರಯತ್ನಿಸುತ್ತಿದ್ದೀರಾ ಎಂದು ಪರಿಶೀಲಿಸಲು Google ಈಗ ನಿಮಗೆ ಭದ್ರತಾ ಪ್ರಶ್ನೆಗಳನ್ನು ಕೇಳಲು ಪ್ರಾರಂಭಿಸುತ್ತದೆ. ಅಲ್ಲದೆ ನೀವು ಬೇರೆಯವರಲ್ಲ ಎಂಬುದನ್ನು ದೃಡಪಡಿಸಿ. ನಿಮ್ಮ ಪಾಸ್‌ವರ್ಡ್ ಬದಲಾಯಿಸಲು ಮತ್ತು ನಿಮ್ಮ ಖಾತೆಯನ್ನು ಮರುಪಡೆಯಲು ಸೂಚನೆಗಳನ್ನು ಅನುಸರಿಸಿ.