ಭಾರತದಲ್ಲಿ 'ಎಚ್‌ಪಿ ಕ್ರೋಮ್‌ಬುಕ್ 14' ಬಿಡುಗಡೆ!.ಆಕರ್ಷಕ ಫೀಚರ್ಸ್‌!

ಡಿಸ್‌ಪ್ಲೇ ಮತ್ತು ರಚನೆ

14 ಇಂಚಿನ (1366x768) ಹೆಚ್‌ಡಿ ಅಲ್ಟ್ರಾ ಬ್ರೈಟ್‌ ಟಚ್‌ಸ್ಕ್ರೀನ್‌ ಡಿಸ್‌ಪ್ಲೇಯನ್ನು ಹೊಂದಿರುವ ಎಚ್‌ಪಿ ಕ್ರೋಮ್‌ಬುಕ್ 14 ಲ್ಯಾಪಟಾಪ್‌ ನ್ಯಾರೀ ಬೆಜಲ್‌ ರಚನೆಯನ್ನು ಒಳಗೊಂಡಿದೆ. ತೆಳುವಾಗಿಯು ಮತ್ತು ಹಗುರವಾಗಿರುವ ರಚನೆಯನ್ನು ಹೊಂದಿದ್ದು, ಇದರ ತೂಕವು 4.54ಕಿಲೋ ಆಗಿದೆ. ಈ ಲ್ಯಾಪ್‌ಟಾಪ್‌ ಬ್ಯಾಂಗ್ ಮತ್ತು ಒಲುಫ್ಸೆನ್ (Bang & Olufsen)ನ ಎರಡು ಸ್ಪೀಕರ್ಸ್‌ಗಳನ್ನು ಪಡೆದಿದೆ.

ಪ್ರೊಸೆಸರ್ ಬಲ

ಎಚ್‌ಪಿ ಕ್ರೋಮ್‌ಬುಕ್ 14 ಲ್ಯಾಪ್‌ಟಾಪ್ ಅಪೊಲೊ ಲೇಕ್ ಡ್ಯುಯಲ್ ಕೋರ್ ಪ್ರೊಸೆಸರ್‌ ಸಾಮರ್ಥ್ಯವನ್ನು ಒಳಗೊಂಡಿದ್ದು, ಕ್ರೋಮ್‌ ಓಎಸ್‌ ಬೆಂಬಲ ಪಡೆದಿದೆ. ಒಂದು ಮಿಲಿಯನ್‌ಗಿಂತಲೂ ಅಧಿಕ ಆಂಡ್ರಾಯ್ಡ್‌ ಆಪ್ಸ್‌ಗಳು ಲಭ್ಯವಾಗಲಿವೆ. 64GB SSD ಸ್ಟೋರೇಜ್ ಸಾಮರ್ಥ್ಯದೊಂದಿಗೆ, 100GB ಗೂಗಲ್ ಕ್ಲೌಡ್‌ ಸಂಗ್ರಹದ ಸ್ಥಳಾವಕಾಶವನ್ನು ಒಳಗೊಂಡಿದೆ.

ವಿಶೇಷ ಸೌಲಭ್ಯಗಳು

ಕ್ರೋಮ್‌ಬುಕ್ 14 ಗೂಗಲ್ ಅಸಿಸ್ಟಂಟ್ ವಾಯಿಸ್‌ ಕಮಾಂಡ್ ಸೌಲಭ್ಯ ಪಡೆದುಕೊಂಡಿದ್ದು, ಅದರೊಂದಿಗೆ ಪ್ರಾದೇಶಿಕ ಭಾಷೆಗಳ ಬೆಂಬಲವನ್ನು ಹೊಂದಿರುವುದು ವಿಶೇಷ. 47watt ಸಾಮರ್ಥ್ಯದ ಬ್ಯಾಟರಿ ಪವರ್ ಒಳಗೊಂಡಿದ್ದು, ವೈರಸ್‌ಗಳಿಂದ ರಕ್ಷಣೆ ಮತ್ತು ಸುರಕ್ಷತೆಗೆ ಆಲ್ವೆಸ್‌ ರೆಡಿ ಸೆಕ್ಯುರಿಟಿ ಆಯ್ಕೆಯನ್ನು ಪಡೆದಿದೆ. ಸ್ಕ್ರೀನ್‌ ಅನ್ನು 180ಡಿಗ್ರಿ ವರೆಗೂ ಟರ್ನ್ ಮಾಡಬಹುದಾಗಿದೆ.

ಬೆಲೆ ಮತ್ತು ಲಭ್ಯತೆ

ಎಚ್‌ಪಿ ಕ್ರೋಮ್‌ಬುಕ್ 14 ಲ್ಯಾಪ್‌ಟಾಪ್ ದೇಶಿಯ ಮಾರುಕಟ್ಟೆಗೆ ಎಂಟ್ರಿ ಕೊಟ್ಟಿದ್ದು, ಗ್ರೇ ಮತ್ತು ಸ್ನೋ ವೈಟ್‌ ಬಣ್ಣಗಳ ಆಯ್ಕೆಗಳಲ್ಲಿ ಸಿಗಲಿದೆ. ಇದರ ಬೆಲೆಯು 23,990ರೂ.ಗಳಾಗಿದ್ದು, ಎಚ್‌ಪಿ ವರ್ಲ್ಡ್‌ ಸ್ಟೋರ್‌ಗಳಲ್ಲಿ ದೊರೆಯಲಿದೆ. ಹಾಗೆಯೇ ಎಚ್‌ಪಿ ವೆಬ್‌ಸೈಟ್‌ನಲ್ಲಿಯೂ ಹಾಗೂ ಜನಪ್ರಿಯ ಇ ಕಾಮರ್ಸ್‌ ತಾಣಗಳಾದ ಫ್ಲಿಪ್‌ಕಾರ್ಟ್‌, ಅಮೆಕಾನ್ ತಾಣಗಳಲ್ಲಿ ಗ್ರಾಹಕರು ಖರೀದಿಸಬಹುದಾಗಿದೆ.