ಮಾರುಕಟ್ಟೆಗೆ HTC ನಾಲ್ಕು ಕ್ಯಾಮೆರಾದ ಸ್ಮಾರ್ಟ್‌ಫೋನ್‌..!

HTC ಮಾರುಕಟ್ಟೆಗೆ ಮಧ್ಯಮ ಸರಣಿಯ ಸ್ಮಾರ್ಟ್ ಪೋನ್ ಗಳನ್ನು ಈಗಾಗಲೇ ಬಿಡುಗಡೆ ಮಾಡಿದ್ದು, ಡಿಸೈರ್ 12 ಮತ್ತು ಡಿಸೈರ್ 12+ ಸ್ಮಾರ್ಟ್ ಪೋನ್ ಗಳು ಈಗಾಗಲೇ ಮಾರುಕಟ್ಟೆಯಲ್ಲಿ ಸದ್ದು ಮಾಡುತ್ತಿವೆ. ಇದೇ ಮಾದರಿಯಲ್ಲಿ ಟಾಪ್ ಎಂಡ್ ಸ್ಮಾರ್ಟ್ ಫೋನ್ ಗಳನ್ನು ವಿನ್ಯಾಸ ಮಾಡಲು ಮುಂದಾಗಿರುವ HTC U12 ಮತ್ತು U12+ ಸ್ಮಾರ್ಟ್ ಫೋನ್ ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡುವ ಸನಿಹದಲ್ಲಿದೆ.

ಸದ್ಯ HTC U12 ಸ್ಮಾರ್ಟ್ ಫೋನ್ ಫೋಟೋಗಳು ಲೀಕ್ ಆಗಿದ್ದು, ಇದರೊಂದಿಗೆ ಈ ಸ್ಮಾರ್ಟ್ ಫೋನ್ ಗಳ ವಿಶೇಷೆತೆಗಳ ಕುರಿತ ಮಾಹಿತಿಯೂ ಲಭ್ಯವಾಗಿದೆ. ಫುಲ್ ಸ್ಕ್ರಿನ್ ಡಿಸ್ ಪ್ಲೇ ವಿನ್ಯಾಸವನ್ನು ಹೊಂದಿರುವ ಈ ಸ್ಮಾರ್ಟ್ ಫೋನ್ ಹಾರಿಜಾಂಟಲ್ ಡ್ಯುಯಲ್ ಕ್ಯಾಮೆರಾವನ್ನು ಇದರಲ್ಲಿ ನೊಡಬಹುದಾಗಿದೆ. ಅಲ್ಲದೇ ಡ್ಯುಯಲ್ ಟೋನ್ LED ಫ್ಲಾಷ್ ಲೈಟ್ ಸಹ ಇದರೊಂದಿಗಿದೆ. ಫಿಂಗರ್ ಪ್ರಿಂಟ್ ಸ್ಕ್ಯಾನರ್ ಸಹ ಹಿಂಭಾಗದಲ್ಲಿ ಕಾಣಿಸಿಕೊಂಡಿದೆ.

6 ಇಂಚಿನ ಡಿಸ್ ಪ್ಲೇಯನ್ನು HTC U12 ಸ್ಮಾರ್ಟ್ ಫೋನಿನಲ್ಲಿ ಅಳವಡಿಸಲಾಗಿದ್ದು, WQHD + ಗುಣಮಟ್ಟವನ್ನು ಇದು ಹೊಂದಿರಲಿದೆ. ಜೊತೆಗೆ ಕ್ವಾಲ್ಕಮ್ ಸ್ನಾಪ್ ಡ್ರಾಗನ್ 845 ಪ್ರೋಸೆಸರ್ ಅನ್ನು ನೋಡಬಹುದಾಗಿದ್ದು, 6GB RAM ಮತ್ತು 256GB ಇಂಟರ್ನಲ್ ಮೆಮೊರಿಯನ್ನು ಈ ಸ್ಮಾರ್ಟ್ ಫೋನಿನಲ್ಲಿ ನೀಡುವ ಸಾಧ್ಯತೆ ದಟ್ಟವಾಗಿದೆ.

ಒಟ್ಟು ನಾಲ್ಕು ಕ್ಯಾಮೆರಾದೊಂದಿಗೆ ಈ ಸ್ಮಾರ್ಟ್ ಪೋನ್ ಕಾಣಿಸಿಕೊಳ್ಳಲಿದ್ದು, ಹಿಂಭಾಗದಲ್ಲಿ 16MP + 12MP ಕ್ಯಾಮೆರಾವನ್ನು ಹಾಗೂ ಮುಂಭಾಗದಲ್ಲಿ 8MP + 8 MP ಕ್ಯಾಮೆರಾವನ್ನು ನೋಡಬಹುದಾಗಿದೆ. ಈ ಎರಡು ಡ್ಯುಯಲ್ ಕ್ಯಾಮೆರಾಗಳು ಉತ್ತಮ ಚಿತ್ರಗಳನ್ನು ಸೆರೆಹಿಡಿಯಲು ಮತ್ತು ಫೋಟೋಗಳನ್ನು ಕ್ಲಿಕಿಸಲು ಸಹಾಯಕಾರಿಯಾಗಿದೆ.

HTC U12 ಸ್ಮಾರ್ಟ್ ಫೋನಿನಲ್ಲಿ ಆಂಡ್ರಾಯ್ಡ್ ಒರಿಯೋವನ್ನು ಕಾಣಬಹುದಾಗಿದ್ದು, ಶೀಘ್ರವೇ ಮಾರುಕಟ್ಟೆಯನ್ನು ಪ್ರವೇಶಿಸಲಿದೆ. ಟಾಪ್ ಎಂಡ್ ಫೋನ್ ಗಳಿಗೆ ಮತ್ತೊಮ್ಮೆ ದೊಡ್ಡ ಮಟ್ಟದ ಸ್ಪರ್ಧೆಯನ್ನು ಒಡಲಿದೆ ಎನ್ನಲಾಗಿದೆ.