ವಿಶ್ವಕ್ಕೆ ಸವಾಲಾಗಿರುವ 'ಸುಳ್ಳು ಸುದ್ದಿ' ಪತ್ತೆಗೆ ಮೈಸೂರಿನ ಟೆಕ್ಕಿಯಿಂದ ಪರಿಹಾರ?!

ಸುಳ್ಳು ಸುದ್ದಿಗೆ ಬ್ರೇಕ್ ಹಾಕಲು!

ವಿಶ್ವದಾಧ್ಯಂತ ಸುಳ್ಳು ಸುದ್ದಿಗಳಿಂದ ಆಗುತ್ತಿರುವ ದುಷ್ಪರಿಣಾಮಗಳನ್ನು ಎದುರಿಸುವ ಸಲುವಾಗಿ, ಕೇಂಬ್ರಿಜ್ ಯೂನಿವರ್ಸಿಟಿಯಲ್ಲಿ ಪದವಿ ಪಡೆದಿರುವ ಮೈಸೂರು ಮೂಲಕ 'ಲಿರಿಕ್ ಜೈನ್‌' ಅವರು ನವೋದ್ಯಮವೊಂದನ್ನು ಸ್ಥಾಪಿಸಿದ್ದಾರೆ. ತಂತ್ರಜ್ಞಾನಕ್ಕೆ ತಂತ್ರಜ್ಞಾನವೇ ಮದ್ದು ಎಂದು ತಂತ್ರಜ್ಞಾನವನ್ನು ಬಳಸಿಕೊಂಡು ಈ ನವೋದ್ಯಮ ತನ್ನ ಕೆಲಸ ಮಾಡಲಿದೆ.

ಯಾವ ತಂತ್ರಜ್ಞಾನ?

ತಂತ್ರಜ್ಞಾನವನ್ನು ಬಳಸಿಕೊಂಡು ಸುದ್ದಿಗಳಲ್ಲಿರುವ ಸುಳ್ಳನ್ನು ಪತ್ತೆ ಮಾಡುವ ಕೆಲಸವನ್ನು ಈ ನವೋದ್ಯಮ ಮಾಡಲಿದೆ. ಇದಕ್ಕಾಗಿ "ಮಶಿನ್ ಲರ್ನಿಂಗ್ ಅಲ್ಗೊರಿದಂ' ಅನ್ನು ಬಳಸಿ ಲಾಜಿಕಲಿ ಎಂಬ ಟೂಲ್ ಅನ್ನು 'ಲಿರಿಕ್ ಜೈನ್‌' ಅವರು ಸಿದ್ಧಪಡಿಸಿದ್ದಾರೆ. ಈ ತಂತ್ರಜ್ಞಾನವನ್ನು ಶೀಘ್ರವೇ ಪರಿಚಯಿಸಲಾಗುವುದು ಎಂದು ಅವರು ಮಾಹಿತಿ ನೀಡಿದ್ದಾರೆ.

ತಂತ್ರಜ್ಞಾನ ಹೇಗೆ ಕೆಲಸ ಮಾಡುತ್ತದೆ?

ಸುಮಾರು 70 ಸಾವಿರ ಡೊಮೇನ್‌ಗಳಿಂದ ಸುದ್ದಿಗಳನ್ನು ಗ್ರಹಿಸುವ ಲಾಜಿಕಲಿ ಪ್ಲಾಟ್‌ಫಾರಂ, ಪ್ರತಿ ಲೇಖನದಲ್ಲಿರುವ ಎಲ್ಲ ಮಾಹಿತಿಯನ್ನೂ ಪರಿಶೀಲಿಸುತ್ತದೆಯಂತೆ. ಅವುಗಳಲ್ಲಿ ಇರಬಹುದಾದ ತಪ್ಪುಗಳನ್ನು ಈ ಪ್ಲಾಟ್‌ಫಾರಂ ಕಂಡುಹಿಡಿಯಲಿದೆ. ಇದರಿಂದ ಜನರು ಈ ಸುದ್ದಿ ವಿಶ್ವಾಸಾರ್ಹವೇ ಎಂಬುದನ್ನು ತಕ್ಷಣ ಅರಿಯಬಹುದು ಎನ್ನಲಾಗಿದೆ.

ಮಾನವ ಹಸ್ತಕ್ಷೇಪ ಇಲ್ಲ!

ಸುಳ್ಳು ಸುದ್ದಿ ಕಂಡುಕೊಳ್ಳಲೆಂದೇ ಅಲ್ಗೊರಿದಂ ವಿನ್ಯಾಸಗೊಳಿಸಲಾಗಿದೆ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ ಮೂಲಕ ಇದು ಕೆಲಸ ಮಾಡುತ್ತದೆ. ಹೀಗಾಗಿ ಇಲ್ಲಿ ಯಾವುದೇ ಮಾನವ ಹಸ್ತಕ್ಷೇಪ ಇರದೆ, ಲಕ್ಷಾಂತರ ಸುದ್ದಿಗಳು ಪ್ರತಿನಿತ್ಯ ಪರಿಶೀಲಿಸುತ್ತದೆ. ಮ್ಯಾನ್ಯುವಲ್ ಆಗಿ ಸಾಧ್ಯವಾಗದದನ್ನು ಕೃತಕ ಬುದ್ದಿ ಮತ್ತೆ ಸಾಧಿಸುವ ವಿಶ್ವಾಸವನ್ನು ಇಡಲಾಗಿದೆ.

10 ಕೋಟಿ ರೂ. ಬಂಡವಾಳ

ಲಾಜಿಕಲಿ ಎಂಬ ನವೋಧ್ಯಮಕ್ಕೆ 'ಲಿರಿಕ್ ಜೈನ್‌' ಅವರು 10 ಕೋಟಿ ರೂ. ಬಂಡವಾಳವನ್ನೂ ಹೂಡಿಕೆ ಮಾಡಿದ್ದಾರೆ. ವಿವಿಧ ತಾಂತ್ರಿಕ ವಿಶ್ವವಿದ್ಯಾಲಯಗಳ ಪದವೀಧರರನ್ನು ನೇಮಿಸಿಕೊಂಡು ಒಟ್ಟು 38 ಜನರು ಕೆಲಸ ಮಾಡುತ್ತಿದ್ದಾರೆ. ಅಮೆರಿಕ, ಇಂಗ್ಲೆಂಡ್‌ ಹಾಗೂ ಭಾರತದಲ್ಲಿ ಕಚೇರಿಗಳನ್ನು ತೆರೆದಿರುವ ಹೊಸ ನವೊಧ್ಯಮ ಶೀಘ್ರದಲ್ಲೇ ಕಾರ್ಯಾರಂಭ ಮಾಡಲಿದೆ.

ಪರೀಕ್ಷೆಯಲ್ಲಿ ಪಾಸ್‌ ಆಗುತ್ತದೆಯೇ?

ಜಗತ್ತಿನಾದ್ಯಂತ ಸರ್ಕಾರಗಳು, ನ್ಯಾಯಾಲಯಗಳು ಈ ಫೇಕ್‌ನ್ಯೂಸ್ ನಿಯಂತ್ರಿಸಲು ಹರಸಾಹಸ ಪಡುತ್ತಿವೆ. ಈ ತಂತ್ರಜ್ಞಾನವು ಪರೀಕ್ಷೆಯಲ್ಲಿ ಪಾಸ್‌ ಆದರೆ, ಫೇಕ್ ನ್ಯೂಸ್‌ಗಳಿಗೆ ಬ್ರೇಕ್‌ ಹಾಕುವುದು ಸುಲಭವಾಗಲಿದೆ. ಆದರೆ, ಸುದ್ದಿಗಳನ್ನು ತಂತ್ರಜ್ಞಾನದ ಮೂಲಕ ವಿಭಾಗಿಸಲು ಸಾಧ್ಯವೇ? ಎಂಬುದು ಇಲ್ಲಿ ಪ್ರಶ್ನೆಯಾಗಿ ಉಳಿದಿದೆ.!