ಇನ್ನೇನು ಕ್ರಿಸ್ಮಸ್ ಹಬ್ಬ ಶೀಘ್ರದಲ್ಲೇ ಬರಲಿದೆ. ಯುಎಸ್ ನಲ್ಲಂತೂ ಜನರು ತಮ್ಮ ಆತ್ಮೀಯರಿಗೆ ಹಬ್ಬದ ಉಡುಗೊರೆಗಳನ್ನು ಖರೀದಿಸಲು ಆರಂಭಿಸಿದ್ದಾರೆ.ಯುಎಸ್ ನಲ್ಲಿ ಆಪಲ್ ನ ಜನಪ್ರಿಯತೆಯನ್ನು ಗಮನಿಸಿದರೆ ಐಫೋನ್ಗಳು ಹದಿಹರೆಯದವರಿಗಾಗಲಿ ಅಥವಾ ವಯಸ್ಕರಿಗಾಗಲಿ ಉತ್ತಮ ಗಿಫ್ಟ್ ಆಯ್ಕೆ ಎಂದಿನಿಸುವುದು ತಪ್ಪೇನಲ್ಲ.

ಆದರೆ ಈ ವರ್ಷ ಈ ಟ್ರೆಂಡ್ ಬದಲಾವಣೆ ಕಾಣುತ್ತಿದೆ. ಆಪಲ್ ನ ದುರಾದೃಷ್ಟಕ್ಕೆ ಯುಸ್ ನ ಜನತೆ ನೂತನ ಐಫೋನ್ X ಬದಲಿಗೆ ಸ್ಯಾಮ್ಸಂಗ್ ಗ್ಯಾಲಕ್ಸಿ S8 ನತ್ತ ಹೆಚ್ಚಿನ ಒಲವು ತೋರಿಸುತ್ತಿದ್ದಾರೆ.ಐಫೋನ್ X ನ ದುಬಾರಿ ಬೆಲೆಯೇ ಇದಕ್ಕೆ ಕಾರಣ ಎಂದು ನೀವು ತಿಳಿದಿದ್ದರೆ ಅದು ಖಂಡಿತ ತಪ್ಪು. ಜನಪ್ರಿಯ ಫೀಚರ್ಗಳಾದ ಹೆಡ್ಫೋನ್ ಜ್ಯಾಕ್ ಮತ್ತು ಫಿಂಗರ್ಪ್ರಿಂಟ್ ಸ್ಕ್ಯಾನರ್ಗಳನ್ನು ಕೈಬಿಟ್ಟಿರುವುದೇ ಇದಕ್ಕೆ ಮೂಲ ಕಾರಣವಂತೆ!

ಯುಎಸ್ ನ ಮಾರ್ಕೆಟ್ ರೀಸರ್ಚ್ ಸಂಸ್ಥೆಯಾದ ಪ್ರೊಪೆಲ್ಲರ್ ಇನಸೈಟ್ಸ್ ಇತ್ತೀಚೆಗೆ ನಡೆಸಿದ ಸಮೀಕ್ಷೆಯೊಂದರ ಪ್ರಕಾರ, ಸಮೀಕ್ಷೆಗೆ ಪ್ರತಿಕ್ರಯಿಸಿದ ಯುಎಸ್ ಜನತೆಯ ಪೈಕಿ ಶೇಕಡಾ 38% ನಷ್ಟು ಜನರು ಸ್ಯಾಮ್ಸಂಗ್ ಗ್ಯಾಲಕ್ಸಿ S8 ಅನ್ನೇ ಕ್ರಿಸ್ಮಸ್ ಹಬ್ಬದ ಉಡುಗೊರೆಯಾಗಿ ಪಡೆಯಲು ಬಯಸಿದ್ದಾರೆ. ಆದರೆ ಶೇಕಡಾ 20% ರಷ್ಟು ಮಂದಿ ಮಾತ್ರ ಐಫೋನ್ X ಅನ್ನು ಕ್ರಿಸ್ಮಸ್ ಗಿಫ್ಟ್ ಆಗಿ ಪಡೆಯುವ ಆಸೆ ತೋರಿದ್ದಾರೆ.ಇನ್ನು ಶೇಕಡಾ 22% ನಷ್ಟು ವಯಸ್ಕರು ಐಫೋನ್ 8 ಅನ್ನು ಬಯಸುವ ಮೂಲಕ, ಪಟ್ಟಿಯಲ್ಲಿ ಐಫೋನ್ X ಗಿಂತ ಸ್ವಲ್ಪ ಮೇಲಿನ ಸ್ಥಾನ ಗಿಟ್ಟಿಸಿಕೊಂಡಿದೆ.

ಆದರೆ ಹದಿಹರೆಯದವರಿಗೆ ಈಗಲೂ ಆಪಲ್ ನ ಐಫೋನ್ X ಪ್ರಿಯವಾಗಿದ್ದು ಆಪಲ್ ಗೆ ಇದು ಸಮಾಧಾನ ತರುವ ಸಂಗತಿಯಾಗಿದೆ. ಈ ಸಮೀಕ್ಷೆಗೆ ಪ್ರತಿಕ್ರಯಿಸಿದ ಶೇಕಡಾ 35% ರಷ್ಟು ಹದಿಹರೆಯದವರು ಕ್ರಿಸ್ಮಸ್ ಉಡುಗೊರೆಯಾಗಿ ಐಫೋನ್ X ಅನ್ನೇ ಬಯಸಿದ್ದಾರೆ. ಇನ್ನು ಕೆಲವು ಹದಿಹರೆಯದವರು ಐಫೋನ್ 8 ರತ್ತ ತಮ್ಮ ಒಲವು ತೋರಿದ್ದು ಒಟ್ಟು ಶೇಕಡಾ 70% ರಷ್ಟು ಹದಿಹರೆಯದವರು ಆಪಲ್ ನತ್ತ ವಾಲಿದ್ದಾರೆ.

2G,3G ಗ್ರಾಹಕರಿಗೆ 199 ರೂ.ಗೆ ಡೇಟಾ ಮತ್ತು ಅನ್‌ಲಿಮಿಟೆಡ್ ಕರೆ!.ಈಗ ವೊಡಾಫೋನ್ ಆಟ!!

ಹಾಗಾಗಿ ಆಪಲ್ ಹದಿಹರೆಯದವರ ಪೈಕಿ ತನ್ನ ಜನಪ್ರಿಯತೆಯನ್ನು ಉಳಿಸಿಕೊಳ್ಳುವುದರಲ್ಲಿ ಸಫಲವಾಗಿದೆ ಎಂದೇ ಹೇಳಬಹುದು. ಇದಕ್ಕೆ ಹೋಲಿಸಿದರೆ ಕೇವಲ ಶೇಕಡಾ 28%ರಷ್ಟು ವಯಸ್ಕರು ಮಾತ್ರ ಸ್ಯಾಮ್ಸಂಗ್ ನ ಫ್ಲ್ಯಾಗ್ಶಿಪ್ ಮೊಬೈಲ್ ಆದ ಸ್ಯಾಮ್ಸಂಗ್ ಗ್ಯಾಲಕ್ಸಿ S8 ಬಯಸಿದ್ದಾರೆ.

ಈ ವಿಷಯವನ್ನು ಇನ್ನೊಂದು ದಿಕ್ಕಿನಲ್ಲಿ ನೋಡುವುದಾದರೆ ಐಫೋನ್ X ನ ತಯಾರಿಯ ವೆಚ್ಚ $370 ( ಅಂದಾಜು ರೂ 24000) ಪ್ರತಿ ಫೋನ್ ಆಗಿದೆ. ಅಂದರೆ, ಆಪಲ್ ತನ್ನ ಹತ್ತನೇ ವಾರ್ಷಿಕೋತ್ಸವದ ಅಂಗವಾಗಿ ಬಿಡುಗಡೆ ಮಾಡಿರುವ ಐಫೋನ್ X ಅನ್ನು $999(ಅಂದಾಜು ರೂ 65000) ಕ್ಕೆ ಮಾರಾಟ ಮಾಡುವ ಮೂಲಕ ಉತ್ತಮ ಲಾಭವನ್ನೇ ಪಡೆಯುತ್ತಿದೆ. ಇನ್ನು ಕೆಲವು ಮಾರುಕಟ್ಟೆಗಳಲ್ಲಿ ಐಫೋನ್ X ನ ಬೆಲೆ ಮತ್ತಷ್ಟು ಹೆಚ್ಚಿದೆ.

ಸ್ಟ್ಯಾಟಿಸ್ಟಾ ಪ್ರಸ್ತುತ ಪಡಿಸಿರುವ ಚಾರ್ಟ್ ಒಂದರ ಅನುಸಾರ ಐಫೋನ್ 4S ನಿಂದ ಹಿಡಿದು ಇಂದಿನವರೆಗೆ ಐಫೋನ್ ನ ತಯಾರಿಯ ವೆಚ್ಚದಲ್ಲಿ ಬಹಳಷ್ಟು ಹೆಚ್ಚಳ ಕಂಡುಬಂದಿದೆ. ಈಗ ಐಫೋನ್ ತಯಾರಿಸಲು ತಗಲುವ ವೆಚ್ಚ 10 ಆವೃತ್ತಿಗಳ ಹಿಂದಿದ್ದ ವೆಚ್ಚಕ್ಕಿಂತ ಎರಡರಷ್ಟು ಹೆಚ್ಚಿದೆ. ಹಾಗೆಯೇ ಬೇಸ್ ಆವೃತ್ತಿಗಳನ್ನು ಪರಿಗಣಿಸಿದರೆ ಅದರ ಬೆಲೆಯೂ 5 ಪಟ್ಟು ಹೆಚ್ಚಾಗಿದೆ ಎಂಬುದು ಗಮನಿಸಬೇಕಾದ ಅಂಶವಾಗಿದೆ.