ಕ್ಲೌಡ್‌ ಆಧಾರಿತ ಗೇಮಿಂಗ್‌ ಸೇವೆ ಪರಿಚಯಿಸಿದ ಜಿಯೋ! ಏನಿದರ ವಿಶೇಷ!

ಹೌದು, ಜಿಯೋದಿಂದ ಕ್ಲೌಡ್ ಆಧಾರಿತ ಗೇಮಿಂಗ್ ಸೇವೆಯಾದ ಜಿಯೋಗೇಮ್ಸ್‌ಕ್ಲೌಡ್‌ ಪರಿಚಯಿಸಲಾಗಿದೆ. ಇದರ ಸ್ಮಾರ್ಟ್‌ಫೋನ್ ಆವೃತ್ತಿಯು ಆಂಡ್ರಾಯ್ಡ್‌ ಸ್ಮಾರ್ಟ್‌ಫೋನ್‌ಗಳು ಮತ್ತು ಟ್ಯಾಬ್ಲೆಟ್‌ಗಳಿಗೆ ಮಾತ್ರ ಲಭ್ಯವಿದೆ. ಜೊತೆಗೆ ಇದರ ವೆಬ್‌ ಅಪ್ಲಿಕೇಶನ್‌ ಕೂಡ ಲಭ್ಯವಿದ್ದು, ಇದನ್ನು PC ಗಳು ಮತ್ತು ಲ್ಯಾಪ್‌ಟಾಪ್‌ಗಳಲ್ಲಿ ಮ್ಯಾಕೋಸ್, ವಿಂಡೋಸ್ ಮತ್ತು ಐಫೋನ್‌ಗಳಲ್ಲಿ ಪ್ರವೇಶಿಸಬಹುದಾಗಿದೆ. ಹಾಗಾದ್ರೆ ಜಿಯೋಗೇಮ್ಸ್‌ಕ್ಲೌಡ್‌ಗೆ ಸೈನ್‌ ಅಪ್‌ ಮಾಡುವುದು ಹೇಗೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಜಿಯೋಗೇಮ್ಸ್‌ಕ್ಲೌಡ್‌ಗೆ ಸೈನ್-ಅಪ್ ಮಾಡುವುದು ಹೇಗೆ?

ಹಂತ:1 ಮೊದಲಿಗೆ ಜಿಯೋಗೇಮ್ಸ್‌ ಅನ್ನು ಡೌನ್‌ಲೋಡ್‌ ಮಾಡಿ.
ಹಂತ:2 ಇದೀಗ ನಿಮ್ಮ ಜಿಯೋ ಫೋನ್ ಸಂಖ್ಯೆಯನ್ನು ಬಳಸಿಕೊಂಡು ಅಪ್ಲಿಕೇಶನ್‌ಗೆ ಸೈನ್ ಇನ್ ಮಾಡಿ.
ಹಂತ:3 ನಂತರ ಅಪ್ಲಿಕೇಶನ್ ತೆರೆಯಿರಿ ಮತ್ತು ಕ್ಲೌಡ್ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
ಹಂತ:4 ಇದರಲ್ಲಿ ನೀವು ಆಡಲು ಆಸಕ್ತಿ ಹೊಂದಿರುವ ಯಾವುದೇ ಆಟಗಳ ಮೇಲೆ ಕ್ಲಿಕ್ ಮಾಡಿ.
ಹಂತ:5 ಇದೀಗ ನಿಮಗೆ ಆನ್‌ಲೈನ್ ಫಾರ್ಮ್ ತೆರೆಯಲಿದೆ.
ಹಂತ:6 ಇದರಲ್ಲಿ ಹೆಸರು, ಜನ್ಮ ದಿನಾಂಕ ಮತ್ತು ಇಮೇಲ್‌ನಂತಹ ವಿವರಗಳನ್ನು ಭರ್ತಿ ಮಾಡಿರಿ.
ಹಂತ:7 ನಂತರ ನೀವು ಉಚಿತವಾಗಿ ಜಿಯೋಗೇಮ್ಸ್‌ಕ್ಲೌಡ್‌ನಲ್ಲಿ ಗೇಮ್‌ಗಳನ್ನು ಆಡುವುದಕ್ಕೆ ಸಾಧ್ಯವಾಗಲಿದೆ.

ಇನ್ನು ಜಿಯೋಗೇಮ್ಸ್‌ ಕ್ಲೌಡ್‌ನಲ್ಲಿರುವ ಕೆಲವು ಗೇಮ್‌ಗಳು ಕನ್ಸೋಲ್ ಮಟ್ಟದ ಗ್ರಾಫಿಕ್ಸ್ ಅನ್ನು ನೀಡುತ್ತವೆ. ಇದಕ್ಕಾಗಿ ನೀವು ಸ್ಮಾರ್ಟ್‌ಫೋನ್ ಅನ್ನು ಹೆಚ್ಚಿನ ವೇಗದ ವೈಫೈ ನೆಟ್‌ವರ್ಕ್ ಅಥವಾ 5G ನೆಟ್‌ವರ್ಕ್‌ಗೆ ಸಂಪರ್ಕಿಸುವ ಮೂಲಕ ಬಳಕೆದಾರರು ಈ ಆಟಗಳನ್ನು ಆಡಬಹುದಾಗಿದೆ. ಇದಲ್ಲದೆ ಗೇಮ್ ಅನ್ನು ರಿಮೋಟ್ ಆಗಿ ಪ್ರದರ್ಶಿಸಲಾಗುತ್ತದೆ. ಸದ್ಯ ಜಿಯೋಗೇಮ್ಸ್‌ಕ್ಲೌಡ್‌ನಲ್ಲಿ ಕೆಲವು ಗೇಮ್‌ಗಳು ಲಭ್ಯವಿದೆ. ಆದರೆ ಮುಂದಿನ ದಿನಗಳಲ್ಲಿ ಇನ್ನು ಹೆಚ್ಚಿನ ಗೇಮ್‌ಗಳನ್ನು ಸೇರಿಸುವ ಸಾಧ್ಯತೆಯಿದೆ. ಇದಲ್ಲದೆ ಜಿಯೋಗೇಮ್ಸ್‌ಕ್ಲೌಡ್‌ ಸೇವೆ ಪ್ರಸ್ತುತ ಉಚಿತವಾಗಿದೆ, ಆದರೆ ಅಧಿಕೃತ ಪ್ರಾರಂಭದ ನಂತರ ಕಂಪನಿಯು ಶುಲ್ಕವನ್ನು ವಿಧಿಸುವ ನಿರೀಕ್ಷೆಯಿದೆ.

ಇದಲ್ಲದೆ ಜಿಯೋ ಟೆಲಿಕಾಂ ಇತ್ತೀಚಿಗೆ ತನ್ನ ಎರಡು ಜನಪ್ರಿಯ ಪ್ರೀಪೇಯ್ಡ್‌ ಯೋಜನೆಗಳನ್ನು ಸಂಪೂರ್ಣವಾಗಿ (removed) ನಿಲ್ಲಿಸಿದೆ. ತನ್ನ ಪ್ಲ್ಯಾನ್‌ಗಳ ಲಿಸ್ಟ್‌ನಿಂದ ಜಿಯೋ 1499ರೂ ಮತ್ತು ಜಿಯೋ 4199ರೂ. ಪ್ರೀಪೇಯ್ಡ್‌ ಪ್ಲ್ಯಾನ್‌ಗಳನ್ನು ತೆಗೆದುಹಾಕಿದೆ. ಈ ಎರಡೂ ಯೋಜನೆಗಳು ಟೆಲಿಕಾಂನ ಅಧಿಕೃತ ವೆಬ್‌ಸೈಟ್ ಅಥವಾ ಜಿಯೋ ಮೊಬೈಲ್ ಆಪ್‌ನಲ್ಲಿ ಕಾಣಿಸುವುದಿಲ್ಲ. ಈ ಪ್ಲಾನ್‌ಗಳು ಡಿಸ್ನಿ+ ಹಾಟ್‌ಸ್ಟಾರ್‌ (Disney+ Hotstar) ಓಟಿಟಿ ಚಂದಾದಾರಿಕೆ ಸೌಲಭ್ಯ ಪಡೆದಿದ್ದು, ಜೊತೆಗೆ ದೈನಂದಿನ ಡೇಟಾ, ಎಸ್‌ಎಮ್‌ಎಸ್‌ ಪ್ರಯೋಜನ, ಅನಿಯಮಿತ ವಾಯಿಸ್‌ ಕರೆಯ ಸೌಲಭ್ಯಗಳೊಂದಿಗೆ ಆಕರ್ಷಕ ವ್ಯಾಲಿಡಿಟಿ ಸಹ ಪಡೆದಿವೆ.

ಜಿಯೋ 1,499ರೂ. ಪ್ರೀಪೇಯ್ಡ್‌ ಪ್ಲ್ಯಾನ್ ಪ್ರಯೋಜನಗಳು

ರಿಲಾಯನ್ಸ್‌ ಜಿಯೋ ಟೆಲಿಕಾಂನ 4,199ರೂ. ಪ್ರೀಪೇಯ್ಡ್‌ ಪ್ಲ್ಯಾನ್ ದೀರ್ಘಾವಧಿಯ ಯೋಜನೆ ಆಗಿದ್ದು, 84 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಪಡೆದಿದೆ. ಈ ಅವಧಿಯಲ್ಲಿ ಪ್ರತಿದಿನ 2 GB ಡೇಟಾ ಪ್ರಯೋಜನಗಳು ಗ್ರಾಹಕರಿಗೆ ಲಭ್ಯವಾಗಲಿದ್ದು, ಪೂರ್ಣ ವ್ಯಾಲಿಡಿಟಿ ಅವಧಿಗೆ 168 GB ಡೇಟಾ ಸೌಲಭ್ಯ ಸಿಗಲಿದೆ. ಈ ಪ್ಲಾನ್‌ ಇನ್ಮುಂದೆ ಗ್ರಾಹಕರಿಗೆ ಲಭ್ಯವಾಗುವುದಿಲ್ಲ.