KRACK ವೈ-ಫೈ ನ್ಯೂನತೆ : ನಿಮ್ಮ ಆನ್ಲೈನ್ ಸುರಕ್ಷತೆಗೆ ಇದನ್ನು ತಿಳಿದಿರಲೇಬೇಕು

ಏನಿದು KRACK ನ್ಯೂನತೆ?

ನಿಮ್ಮ ಸಾಧನ ಒಂದು ಸುರಕ್ಷಿತ ವೈಫೈ ಜಾಲಕ್ಕೆ ಕನೆಕ್ಟ್ ಮಾಡುವಾಗ ನಡೆಸುವ 4-ಹಂತದ ಆಥೆಂಟಿಕೇಶನ್ ಹ್ಯಾಂಡ್ಶೇಕ್ ನ 3 ನೇ ಹಂತವನ್ನು KRACK( ಕೀ ರಿ-ಇನ್ಸ್ಟಾಲೇಶನ್ ಅಟ್ಯಾಕ್) ಗುರಿಯಾಗಿಸುತ್ತದೆ.ಈ ಹ್ಯಾಂಡ್ಶೇಕ್ ನ 3ನೇ ಹಂತದಲ್ಲಿ ಎನ್ಕ್ರಿಪ್ಶನ್ ಕೀ ಅನ್ನು ಹಲವಾರು ಬಾರಿ ಮರು ಪ್ರಸಾರ ಮಾಡಲಾಗುತ್ತದೆ.

ಈ ಹಂತದಲ್ಲಿ ಆನ್ಲೈನ್ ಆಕ್ರಮಣಕಾರರು ಎನ್ಕ್ರಿಪ್ಶನ್ ಕೀ ಅನ್ನು ಸಂಗ್ರಹಿಸಿ, ರಿಟ್ರ್ಯಾನ್ಸ್ಮಿಶನ್ಗಳನ್ನು ನಿರ್ದಿಷ್ಟ ಮಾದರಿಯಲ್ಲಿ ಮರುಕಳಿಸುವ ಮೂಲಕ ವೈಫೈ ನ ಸೆಕ್ಯೂರಿಟಿ ಎನ್ಕ್ರಿಪ್ಶನ್ ಅನ್ನು ಅತಿಕ್ರಮಿಸಬಹುದು.ಈ ಕುರಿತು ಹೆಚ್ಚಿನ ಮಾಹಿತಿಯನ್ನು ಮ್ಯಾತಿ ವ್ಯಾನ್ಹೋಫ್ ನ KRACK ಅಟ್ಯಾಕ್ ವೆಬ್ಸೈಟ್ಗಳಲ್ಲಿ ಪಡೆಯಬಹುದು.

ನೀವು ಬಳಸುತ್ತಿರುವ ಸಾಧನ ಯಾವುದೇ ಆಗಿದ್ದರೂ, ನೀವು ವೈಫೈ ಬಳಸುತ್ತಿದ್ದರೆ KRACK ವೈಫೈ ದೋಷಕ್ಕೆ ಗುರಿಯಾಗುವ ಸಾಧ್ಯತೆಯಿದೆ. ಕೆಲವೊಂದು ಸಾಧನಗಳು ಈ ತೊಂದರೆಗೆ ಗುರಿಯಾಗುವ ಸಾಧ್ಯತೆ ಹೆಚ್ಚಿದೆಯಂತೆ.

ಒಮ್ಮೆ ನಿಮ್ಮ ಸಾಧನದ ವೈಫೈ ಸೆಕ್ಯೂರಿಟಿ ಎನ್ಕ್ರಿಪ್ಶನ್ ಅನ್ನು ಅತಿಕ್ರಮಿಸಿದರೆಂದರೆ, ಆನ್ಲೈನ್ ಖದೀಮರು ನೀವು ಆ ವೈಫೈ ನೆಟ್ವರ್ಕ್ ನ ಮೂಲಕ ಕಳಿಸುವ ಮತ್ತು ಸ್ವೀಕರಿಸುವ ಎಲ್ಲಾ ಮಾಹಿತಿಯ ಮೇಲೆ ತಮ್ಮ ಹಿಡಿತವನ್ನು ಸಾಧಿಸಬಹುದು. ನಿಮ್ಮ ಕ್ರೆಡಿಟ್ ಕಾರ್ಡ್ ಸಂಖ್ಯೆ, ಪಾಸ್ವರ್ಡ್ಗಳು, ಈಮೇಲ್ಗಳು, ಚ್ಯಾಟ್ ಮೆಸೇಜ್ಗಳು, ಫೋಟೋಗಳು ಹೀಗೆ ಎಲ್ಲ ಮಾಹಿತಿಯೂ ಅವರ ಕೈ ಸೇರಬಹುದು.

How to search your lost smartphone!!! ಕಳೆದು ಹೋದ ನಿಮ್ಮ ಸ್ಮಾರ್ಟ್‌ಫೋನ್ ಹುಡುಕುವುದೇಗೆ...?

KRACK ವೈಫೈ ನ್ಯೂನತೆಯಿಂದ ರಕ್ಷಣೆ ಹೇಗೆ?

KRACK ವೈಫೈ ನ್ಯೂನತೆಯಿಂದ ಉಂಟಾಗಬಹುದಾದ ತೊಂದರೆಗಳಿಂದ ನಿಮ್ಮ ಸಾಧನಗಳನ್ನು ರಕ್ಷಿಸಲು ಅದರಲ್ಲಿರುವ ತಂತ್ರಾಂಶಗಳನ್ನು ಇತ್ತೀಚಿನ ಆವೃತ್ತಿಗೆ ಅಪ್ಡೇಟ್ ಮಾಡಿಕೊಳ್ಳಬೇಕು ಎಂದು ವ್ಯಾನ್ಹೋಫ್ ತಿಳಿಸಿದ್ದಾರೆ. ಅಲ್ಲದೆ ನೀವು ನಿಮ್ಮ ಸಾಧನಗಳನ್ನು ಅಪ್ಡೇಟ್ ಮಾಡಿದ್ದರೂ ಅದು ಸುರಕ್ಷಿತವಲ್ಲದ ಬೇರೆ ಸಾಧನಗಳೊಡನೆ ಸಂಪರ್ಕ ಸಾಧಿಸಬಹುದು.

ಈ ಕಾರಣಕ್ಕಾಗಿ ಈ ವೈಫೈ ನ್ಯೂನತೆಯ ಬಗ್ಗೆ ಎಲ್ಲೆಡೆ ಅರಿವು ಮೂಡಿ ಎಲ್ಲರೂ ಜಾಗರೂಕರಾಗುವ ತನಕ ವೈಫೈ ಬಳಕೆಯನ್ನು ತೊರೆದು ವೈರಡ್ ಈಥರ್ನೆಟ್ ಕನೆಕ್ಶನ್ ಅಥವ ಮೊಬೈಲ್ ಡೇಟಾ ಬಳಸುವುದು ಕ್ಷೇಮವೆಂದು ಅವರು ಹೇಳಿದ್ದಾರೆ.

ವಾಟ್ಸ್‌ಆಪ್ ಬಿಟ್ಟು ಬೇರೆ ಯಾಕೆ?: ಬರುತ್ತಿದೆ ಗ್ರೂಪ್ ಆಡಿಯೋ-ವಿಡಿಯೋ ಕಾಲಿಂಗ್

KRACK ವೈಫೈ ನ್ಯೂನತೆಯಿಂದ ಯಾರಿಗೆ ಹೆಚ್ಚು ಅಪಾಯ?

ವೈಫೈ ಮೂಲಕ ಡೇಟಾ ಕಳಿಸುವ ಮತ್ತು ಸ್ವೀಕರಿಸುವ ಎಲ್ಲಾ ಸಾಧನಗಳೂ ಇದರಿಂದ ತೊಂದರೆಗೆ ಒಳಗಾಗಬಹುದಾದರೂ, ಸಂಶೋಧಕರ ಪ್ರಕಾರ ಆಂಡ್ರಾಯ್ಡ್ ಸಾಧನಗಳಿಗೆ ಹೆಚ್ಚಿನ ಅಪಾಯವಿದೆ. ದುರದೃಷ್ಟವಶಾತ್, ಆಂಡ್ರಾಯ್ಡ್ 6.0 ಮಾರ್ಶ್ಮೆಲ್ಲೋ ಮತ್ತು ನಂತರದ ಆವೃತ್ತಿಗಳನ್ನು ಬಳಸುತ್ತಿರುವ ಆಂಡ್ರಾಯ್ಡ್ ಫೋನ್ಗಳಿಗೆ ಹೆಚ್ಚಿನ ಅಪಾಯವಂತೆ!

ಹೊಸ iOS,watchOS,macOS ಮತ್ತು tvOS ಬೀಟಾ ಅಪ್ಡೇಟ್ಗಳಲ್ಲಿ KRACK ವೈಫೈ ನ್ಯೂನತೆಯನ್ನು ಸರಿಪಡಿಸಲಾಗಿದೆ ಎಂದು ಆಪಲ್ ಹೇಳಿಕೆ ನೀಡಿದೆ. ಮೈಕ್ರೋಸಾಫ್ಟ್ ಕೂಡ ಅಕ್ಟೋಬರ್ 10ರಂದು ವಿಂಡೋಸ್ 10 ಹೊಂದಿರುವ ಪಿಸಿಗಳಲ್ಲಿ KRACK ನ್ಯೂನತೆಯನ್ನು ಸರಿಪಡಿಸಲು ಪ್ಯಾಚ್ ಒಂದನ್ನು ಬಿಡುಗಡೆ ಮಾಡಿರುವದಾಗಿ ವಿಂಡೋಸ್ ಸೆಂಟ್ರಲ್ ಗೆ ತಿಳಿಸಿದೆ.