ಕೆಲವೇ ದಿನಗಳಲ್ಲಿ ಗ್ರಾಹಕರ ಕೈ ಸೇರಲಿದೆಯಾ 'ಎಲ್‌ಜಿ ವಿ30' ಸ್ಮಾರ್ಟ್‌ಫೋನ್?!!

ಸ್ಮಾರ್ಟ್ ಫೋನ್ ಪ್ರಿಯರಲ್ಲಿ ಸಾಕಷ್ಟು ಕುತೂಹಲ ಕೆರಳಿಸಿದ್ದ 'ಎಲ್‌ಜಿ ವಿ30' ಬಗ್ಗೆ ಕುತೂಹಲಕರ ಮಾಹಿತಿಯೊಂದು ಒರಬಿದ್ದಿದೆ. ಅದೇನೆಂದರೆ, ಟ್ವಿಟ್ಟರ್ ನಲ್ಲಿ ಲೀಕ್‌ಸ್ಟಾರ್ ಎಂದೇ ಖ್ಯಾತಿ ಪಡೆದಿರುವ 'ಇವನ್ ಬ್ಲಾಸ್' ಎಂಬಾತ ಆಗಸ್ಟ್ 30 ರಂದು ಈ ಸ್ಮಾರ್ಟ್ ಫೋನ್ ಬಿಡುಗಡೆ ಆಗಲಿದೆ ಎಂಬ ಕುತೂಹಲಕರ ಮಾಹಿತಿಯೊಂದನ್ನು ಟ್ವಿಟರ್‌ನಲ್ಲಿ ಹೇಳಿದ್ದಾನೆ. ಇನ್ನು ಈ ಮಾಹಿತಿ ನಿಜವೇ ಆದರೆ, ಅವಧಿಗಿಂತ ಒಂದು ತಿಂಗಳ ಮುಂಚೆಯೆ ಸ್ಮಾರ್ಟ್ ಫೋನ್ ಗ್ರಾಹಕರ ಕೈ ಸೇರುವಲ್ಲಿ ಸಂಶಯವಿಲ್ಲ.

ಆದರೆ ಇದು ಎಷ್ಟು ಸತ್ಯ..?

ಈ ಮಾಹಿತಿಯನ್ನು ವದಂತಿ ಎಂದೇ ಭಾವಿಸಬೇಕಾಗುತ್ತದೆ. ಎಕೆಂದರೆ ಕಳೆದ ಬಾರಿ ಇಂಥಹದೇ ಒಂದು ಮಾಹಿತಿಯನ್ನು ದಕ್ಷಿಣ ಕೊರಿಯಾದ ಕೆಲವೊಂದು ಮೂಲಗಳು ಎಲ್ ಜಿ ಯ ಕೆಲವೊಂದು ಮಹತ್ವದ ನಿರ್ಣಯಗಳ ಬಗ್ಗೆ ಕೆಲವೊಂದು ಮಾಹಿತಿಗಳನ್ನು ಒರಹಾಕಿತ್ತು. ಆದಾಗ್ಯೂ ತನ್ನ ಮಾಹಿತಿಗಳ ಬಗ್ಗೆ ಯಾವುದೇ ಸಾಕ್ಷ್ಯಾಧಾರಗಳಿಲ್ಲದೆ, ಈ ವದಂತಿ ಸುಳ್ಳಾಗಿತ್ತು. ಆದ್ದರಿಂದ ಈ ಸ್ಮಾರ್ಟ್ ಫೋನ್ ಬಗ್ಗೆ ಹೆಚ್ಚೇನೂ ಈಗಲೇ ಹೇಳಲು ಸಾಧ್ಯವಿಲ್ಲ. ಇನ್ನು ಈ ಲೀಕ್ಸ್ಟರ್ ನ ಮಾಹಿತಿಗೆ ವಿರುದ್ಧ ಎಂಬಂತೆ, ಇಲ್ಲೊಂದು ನಿಮಗೆ ಕೆಲ ಮಾಹಿತಿಗಳಿವೆ.

2016 ರಲ್ಲಿ ಎಲ್ ಜಿ ತನ್ನ "ವಿ 20" ಮೊಬೈಲ್ ಅನ್ನು ಅಕ್ಟೋಬರ್ ನಲ್ಲಿ ಬಿಡುಗಡೆ ಮಾಡಿತ್ತು. ಆದರೆ 'ಎಲ್‌ಜಿ ವಿ30' ರ ಬಗ್ಗೆ ಇನ್ನು ಸ್ಪಷ್ಟವಾದ ಯಾವುದೇ ಮಾಹಿತಿ ಕಂಪನಿಯ ವತಿಯಿಂದ ಹೊರಬಿದ್ದಿಲ್ಲ. ಆದರೆ ಕೆಲವೊಂದು ಮೂಲಗಳ ಪ್ರಕಾರ "ಆಪಲ್ ಐ 8" ನೊಂದಿಗೆ "ಎಲ್ ಜಿ ವಿ30" ಸ್ಪರ್ಧೆಗಿಳಿಯಲು, ಈ ಸ್ಮಾರ್ಟ್ ಫೋನ್ ಅನ್ನು ಸೆಪ್ಟೆಂಬರ್ ತಿಂಗಳಲ್ಲಿ ಬಿಡುಗಡೆ ಮಾಡುವ ಎಲ್ಲಾ ಸಾಧ್ಯತೆಗಳಿವೆ ಎಂಬ ಸುದ್ದಿ ಕೇಳಿ ಬರುತ್ತಿದೆ.