ಕಬಾಲಿ ಬಿಡುಗಡೆ; 169 ಸರ್ವೀಸ್ ಪ್ರೊವೈಡರ್, 225 ವೆಬ್‌ಸೈಟ್‌ ಬ್ಯಾನ್

ಮದ್ರಾಸ್‌ ಹೈಕೋರ್ಟ್‌

ರಜಿನಿಕಾಂತ್‌'ರವರ ಬಹು ನಿರೀಕ್ಷಿತ ಸಿನಿಮಾ 'ಕಬಾಲಿ' ಬಿಡುಗಡೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಮದ್ರಾಸ್‌ ಹೈಕೋರ್ಟ್‌ ಶುಕ್ರವಾರ (ಜುಲೈ 15) 169 ವೀಡಿಯೊ ಸೇವೆ ಒದಗಿಸುವವರು ಮತ್ತು 225 ವೆಬ್‌ಸೈಟ್‌ಗಳನ್ನು ಬ್ಯಾನ್‌ ಮಾಡಿದೆ.

ಕಬಾಲಿ ಸಿನಿಮಾ

ರಜಿನಿಕಾಂತ್‌'ರವರು ನಟಿಸಿರುವ 'ಕಬಾಲಿ' ಸಿನಿಮಾವನ್ನು ಜುಲೈ 22 ರಂದು ಬಿಡುಗಡೆ ಮಾಡಲು ನಿಶ್ಚಯಿಸಲಾಗಿದೆ. ಆದ್ದರಿಂದ ಸಿನಿಮಾ ನಿರ್ಮಾಪಕರಾದ 'ಕಲೈಪುಲಿ ಎಸ್‌ ತನು'ರವರು ಸಿನಿಮಾ ಪೈರಸಿ ಆಗದಂತೆ ಸುರಕ್ಷತೆ ನೀಡಿ ಎಂದು ಕೋರ್ಟಿನಲ್ಲಿ ವಿನಂತಿಸಿಕೊಂಡಿದ್ದರು.

ಕಲೈಪುಲಿ ಎಸ್‌ ತನು

'ಕಲೈಪುಲಿ ಎಸ್‌ ತನು'ರವರು ಡೈರೆಕ್ಟ್‌ ಇಂಟರ್ನೆಟ್‌ ಸರ್ವೀಸ್‌ ಪ್ರೊವೈಡರ್ಸ್‌ಗಳ ವೆಬ್‌ಸೈಟ್‌ಗಳ ಆಕ್ಸೆಸ್ ಬ್ಲಾಕ್‌ ಮಾಡಬೇಕೆಂದು ಕೇಳಿಕೊಂಡಿದ್ದರು.

ಅರ್ಜಿದಾರರು ಕೇಳಿದ್ದೇನು?

ವೆಬ್‌ಸೈಟ್‌ ಬಳಕೆದಾರರು ಕೇವಲ 20 ರೂಪಾಯಿಗೆ ಕೆಲವೇ ನಿಮಿಷಗಳಲ್ಲಿ ಸಿನಿಮಾ ಡೌನ್‌ಲೋಡ್‌ ಮಾಡಬಹುದಾಗಿದ್ದು, ಇದರಿಂದ ನಿರ್ಮಾಪಕರು ಬೃಹತ್‌ ನಷ್ಟಕ್ಕೆ ಒಳಗಾಗುತ್ತಾರೆ. 'ಕಬಾಲಿ' ಸಿನಿಮಾ ನಿರ್ಮಾಣ ವೆಚ್ಚ 100 ಕೋಟಿ ಆಗಿದೆ. ಆದ್ದರಿಂದ ಸುರಕ್ಷತೆ ನೀಡಬೇಕೆಂದು ಕೇಳಿಕೊಂಡಿದ್ದರು.

ಇರೈವೈ ಸಿನಿಮಾ

ತಮಿಳಿನ 'ಇರೈವೈ' ಸಿನಿಮಾ ಜೂನ್‌ 3 ರಂದು ಬಿಡುಗಡೆಯಾಗಿತ್ತು, ಜೂನ್‌ 4 ರಂದು ಇರೈವೈ ಪೈರಸಿ ಆಗಿದ್ದರಿಂದ ಸಿನಿಮಾವನ್ನು ಕಾನೂನು ಬಾಹಿರವಾಗಿ ಡೌನ್‌ಲೋಡ್‌ ಮಾಡಲು ಅವಕಾಶವಿತ್ತು.ಅಲ್ಲದೇ ಜೂನ್‌ 30 ರೊಳಗೆ ಇರೈವೈ ಸಿನಿಮಾ 1.1 ಲಕ್ಷ ಡೌನ್‌ಲೋಡ್ ಆಗಿತ್ತು. ಇದರಿಂದ ಇಂಟರ್ನೆಟ್‌ ಸೇವೆ ಒದಗಿಸುವವರಿಗೆ 23 ಲಕ್ಷ ಲಾಭವಾಗಿತ್ತು ಎಂದು ಹಿರಿಯ ವಕೀಲರಾದ ವಿಜಯ್‌ ನಾರಾಯಣ್‌ ಕೋರ್ಟ್‌ನಲ್ಲಿ ಹೇಳಿದ್ದರು.

160 ಐಪಿಎಸ್ ಲೈಸನ್ಸ್‌

"ಭಾರತದಲ್ಲಿ 160 ಐಪಿಎಸ್ ಲೈಸೆನ್ಸ್‌ ಪಡೆದಿದ್ದು, ಸುಮಾರು ಶೇಕಡ 70 ರಷ್ಟು ಲಾಭವು ಇಂಟರ್ನೆಟ್‌ ಸೇವೆ ಒದಗಿಸುವವರಿಗೆ ಕಾನೂನು ಬಾಹಿರ ಡೌನ್‌ಲೋಡ್‌ನಿಂದ ಬರುತ್ತದೆ. ಇವುಗಳು ಸಂಪೂರ್ಣವಾಗಿ ಲೈಸನ್ಸ್‌ ನೀತಿಗಳನ್ನು ಉಲ್ಲಂಘಿಸುತ್ತಿವೆ" ಎಂದು ನಾರಾಯಣ್‌'ರವರು ಹೇಳಿದ್ದಾರೆ.

ಗಿಜ್‌ಬಾಟ್‌

ಓದಿರಿ ಗಿಜ್‌ಬಾಟ್‌ ಲೇಖನಗಳು

ಗಿಜ್‌ಬಾಟ್‌ ಫೇಸ್‌ಬುಕ್ ಪೇಜ್‌
ಕನ್ನಡ.ಗಿಜ್‌ಬಾಟ್‌.ಕಾಂ