ಫ್ಲಿಪ್‌ಕಾರ್ಟ್‌ ವಹಿವಾಟಿಗೆ ಇನ್ಮುಂದೆ ಒಟಿಪಿ ಬೇಕಿಲ್ಲ..! ವೀಸಾ ಸೇಫ್ ಕ್ಲಿಕ್ ಜಾರಿ..!

By Gizbot Bureau
|

ಜನಪ್ರಿಯ ಇ-ಕಾಮರ್ಸ್‌ ತಾಣ ಫ್ಲಿಪ್‌ಕಾರ್ಟ್ ವೀಸಾ ಬೆಂಬಲಿತ ವೀಸಾ ಸೇಫ್ ಕ್ಲಿಕ್ (ವಿಎಸ್‌ಸಿ) ಸೇವೆಯನ್ನು ಪ್ರಾರಂಭಿಸಿದೆ. ಈ ಸೇವೆ ಇ-ಕಾಮರ್ಸ್ ಪ್ಲಾಟ್‌ಫಾರ್ಮ್‌ನಲ್ಲಿ 2,000 ರೂ.ವರೆಗಿನ ವಹಿವಾಟುಗಳಿಗೆ ಒನ್ ಟೈಮ್ ಪಾಸ್‌ವರ್ಡ್‌ಗಳ (ಒಟಿಪಿ) ಅಗತ್ಯವನ್ನು ನಿವಾರಿಸುತ್ತದೆ. ವಿಎಸ್‌ಸಿಯು ಭಾರತದ ಮೊದಲ ಇನ್‌-ಆಪ್‌ ಸೇವೆಯಾಗಿದ್ದು, ಸಾಧನ ಆಧಾರಿತ ನೆಟ್‌ವರ್ಕ್‌ ದೃಢೀಕರಣ ಪರಿಹಾರ ನಿಯೋಜಿಸಲಿದೆ. ಗ್ರಾಹಕರಿಗೆ ಜಗಳ ಮುಕ್ತ ಮತ್ತು ಸುರಕ್ಷಿತ ಪಾವತಿ ಪ್ರಕ್ರಿಯೆಯನ್ನು ನೀಡಲಿದೆ ಎಂದು ಫ್ಲಿಪ್‌ಕಾರ್ಟ್ ತಿಳಿಸಿದೆ.

ಒಟಿಪಿ ಕಿರಿಕಿರಿ ಇರಲ್ಲ

ಒಟಿಪಿ ಕಿರಿಕಿರಿ ಇರಲ್ಲ

"ಆನ್‌ಲೈನ್ ಕಾರ್ಡ್ ವಹಿವಾಟಿನಲ್ಲಿ ಒಟಿಪಿ ಆಧಾರಿತ ದೃಢೀಕರಣವು ಕಿರಿಕಿರಿಯ ದೊಡ್ಡ ಅಂಶಗಳಲ್ಲಿ ಒಂದಾಗಿದೆ, ಇದರಲ್ಲಿ ನಾವು ಗ್ರಾಹಕರ ಗಮನಾರ್ಹ ಕುಸಿತವನ್ನು ಗಮನಿಸಿದ್ದೇವೆ" ಎಂದು ಫ್ಲಿಪ್‌ಕಾರ್ಟ್‌ನ ಫಿನ್‌ಟೆಕ್ ಮತ್ತು ಪಾವತಿ ಸಮೂಹದ ಮುಖ್ಯಸ್ಥ ರಂಜಿತ್ ಬೋಯನಪಲ್ಲಿ ಹೇಳಿದ್ದಾರೆ.

ವಿಎಸ್‌ಸಿಯಿಂದ ಬದಲಾವಣೆ

ವಿಎಸ್‌ಸಿಯಿಂದ ಬದಲಾವಣೆ

"ವಿಎಸ್‌ಸಿ ಸೇವೆಯು ಹಿನ್ನೆಲೆ ದೃಢೀಕರಣದೊಂದಿಗೆ ಒಟಿಪಿ ಪ್ರಕ್ರಿಯೆಯನ್ನು ಸಂಪೂರ್ಣವಾಗಿ ಬದಲಾಯಿಸುತ್ತದೆ, ಯಾವುದೇ ಹೆಚ್ಚುವರಿ ಗ್ರಾಹಕ ಕ್ರಿಯೆಯ ಅಗತ್ಯ ಬಾರದಂತೆ ವಿಎಸ್‌ಸಿ ನೋಡಿಕೊಳ್ಳುತ್ತದೆ. ಈ ಉಪಕ್ರಮದ ಮೂಲಕ, ಹೆಚ್ಚಿನ ಗ್ರಾಹಕರು ಸಣ್ಣ-ಟಿಕೆಟ್ ಖರೀದಿಯನ್ನು ಸುಲಭವಾಗಿ ಮಾಡಬಹುದು ಮತ್ತು ಒಂದು ಕ್ಲಿಕ್‌ನಲ್ಲಿ ತಮ್ಮ ಖರೀದಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬಹುದು ಎಂದು ನಾವು ಭಾವಿಸುತ್ತೇವೆ" ಎಂದು ಬೋಯನಪಲ್ಲಿ ತಿಳಿಸಿದ್ದಾರೆ.

ಸರಳೀಕೃತ ಪರಿಹಾರ

ಸರಳೀಕೃತ ಪರಿಹಾರ

ಸರಳೀಕೃತ ಫಿನ್‌ಟೆಕ್ ಪರಿಹಾರ ಮತ್ತು ಸುಲಭವಾಗಿ ಪ್ರವೇಶಿಸುವಿಕೆಯು ಸದ್ಯದ ಅವಶ್ಯಕತೆ ಎಂದು ಫ್ಲಿಫ್‌ಕಾರ್ಟ್ ಅರಿತುಕೊಂಡಿದೆ. ಇದರನ್ವಯ ದೇಶಾದ್ಯಂತ ವ್ಯಾಪಾರಿಗಳಿಗೆ ಕ್ರೆಡಿಟ್ ಪ್ರವೇಶ ಮತ್ತು ಕೈಗೆಟುಕುವ ಆಯ್ಕೆಗಳನ್ನು ಸಕ್ರಿಯಗೊಳಿಸಲು ತನ್ನ ಕೊಡುಗೆಗಳ ವಿತರಣಾ ವ್ಯಾಪ್ತಿಯನ್ನು ಹೆಚ್ಚಿಸಿದೆ.

ಹೊಸ ಗ್ರಾಹಕರಿಗೆ ಪ್ರೋತ್ಸಾಹ

ಹೊಸ ಗ್ರಾಹಕರಿಗೆ ಪ್ರೋತ್ಸಾಹ

ಫ್ಲಿಪ್‌ಕಾರ್ಟ್ ಪೇ ಲೇಟರ್ ಮತ್ತು ಕಾರ್ಡ್‌ಲೆಸ್ ಕ್ರೆಡಿಟ್‌ನಂತಹ ಉತ್ಪನ್ನಗಳನ್ನು ಹೊಸ-ಕ್ರೆಡಿಟ್ ಗ್ರಾಹಕರಿಗೆ ತಡೆರಹಿತ ಮತ್ತು ಕೈಗೆಟುಕುವಂತಹ ಶಾಪಿಂಗ್ ಅನುಭವವನ್ನು ಆನಂದಿಸಲು ಸಹಾಯ ಮಾಡಲು ಪರಿಚಯಿಸಲಾಗಿದ್ದು, ಮುಂದಿನ 200 ಮಿಲಿಯನ್ ಗ್ರಾಹಕರನ್ನು ಹೊಂದುವ ದೊಡ್ಡ ಗುರಿಯಿದೆ ಎಂದು ಕಂಪನಿ ತಿಳಿಸಿದೆ.

ಗ್ರಾಹಕರ ಅನುಭವ ಹೆಚ್ಚಳಕ್ಕೆ ವಿಎಸ್‌ಸಿ

ಗ್ರಾಹಕರ ಅನುಭವ ಹೆಚ್ಚಳಕ್ಕೆ ವಿಎಸ್‌ಸಿ

"ಗ್ರಾಹಕರ ಅನುಭವವನ್ನು ಹೆಚ್ಚಿಸಲು ಮತ್ತು ಭಾರತೀಯ ಇ-ಕಾಮರ್ಸ್ ಮಾರುಕಟ್ಟೆಯಲ್ಲಿನ ಅನನ್ಯ ಸವಾಲುಗಳನ್ನು ಎದುರಿಸಲು ವಿಎಸ್‌ಸಿಯನ್ನು ಭಾರತದ ವೀಸಾ ಡೆವಲಪರ್‌ಗಳ ತಂಡ ವಿನ್ಯಾಸಗೊಳಿಸಿದೆ. ಇದು ಕಾರ್ಟ್ ತ್ಯಜಿಸುವಿಕೆ, ಸಂಪರ್ಕ ಮತ್ತು ತಪ್ಪಾದ ಪಾಸ್‌ವರ್ಡ್‌ಗಳಂತಹ ಅನೇಕ ಅಂಶಗಳನ್ನು ನಿವಾರಿಸುತ್ತದೆ" ಎಂದು ವೀಸಾ ಇಂಡಿಯಾ ಮತ್ತು ದಕ್ಷಿಣ ಏಷ್ಯಾದ ಗ್ರೂಪ್ ಕಂಟ್ರಿ ಮ್ಯಾನೇಜರ್ ಟಿ.ಆರ್. ರಾಮಚಂದ್ರನ್ ಹೇಳಿದ್ದಾರೆ.

Most Read Articles
Best Mobiles in India

Read more about:
English summary
No OTP Needed For Visa Transactions On Flipkart With Up To Rs. 2,000

ಉತ್ತಮ ಫೋನ್‌ಗಳು

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X