ಐಫೋನ್ ಬುಕ್ ಮಾಡಿದ್ದಕ್ಕೆ ಸೋಪು ಕೊಟ್ಟ ಫ್ಲಿಪ್‌ಕಾರ್ಟ್: ಗ್ರಾಹಕ ಮಾಡಿದ್ದೇನು..?

ದೂರು ದಾಖಲು:

ಜನವರಿ 22ರಂದು ಫ್ಲಿಪ್‌ಕಾರ್ಟಿನಲ್ಲಿ ಐಫೋನ್ 8 ಆರ್ಡರ್ ಮಾಡಿದ 26 ವರ್ಷದ ಮೆಹಬೂಬ್, ಅಂದೇ ರೂ. 55,000 ರೂ.ಗಳನ್ನು ಮುಂಚಿತವಾಗಿಯೇ ಪಾವತಿ ಮಾಡಿದ್ದಾರೆ. ಇದರಂತೆ ಫ್ಲಿಪ್‌ಕಾರ್ಡ್ ಕಳುಹಿಸಿದ ಪಾರ್ಸಲ್ ಸ್ವೀಕರಿಸಿ ಓಪನ್ ಮಾಡಿದ ಸಂದರ್ಭದಲ್ಲಿ ಐಫೋನ್‌ ಬದಲಿಗೆ ಸೋಪು ಇರುವುದನ್ನು ನೋಡಿ ತಾವು ಮೋಸ ಹೋಗಿರುವುದನ್ನು ಅರಿತಿದ್ದಾರೆ. ಈ ಹಿನ್ನಲೆಯಲ್ಲಿ ಫ್ಲಿಪ್‌ ಕಾರ್ಟ್ ವಿರುದ್ಧ ಚಿಚಿಂಗ್ ಕೇಸ್ ದಾಖಲಿಸಿದ್ದಾರೆ ಎನ್ನಲಾಗಿದೆ.

ಪರಿಹಾರ:

ಈ ಘಟನೆ ಕುರಿತಂತೆ ಪ್ರತಿಕ್ರಿಯೇ ನೀಡಿರುವ ಫ್ಲಿಪ್‌ಕಾರ್ಟ್‌ ಅಧಿಕಾರಿಗಳು, ಈ ಘಟನೆಯನ್ನು ಗಂಭೀರವಾಗಿ ಫ್ಲಿಪ್‌ಕಾರ್ಟ್ ಸ್ವೀಕರಿಸಲಿದ್ದು, ಗ್ರಾಹಕರ ನಂಬಿಕೆಯೇ ಕಂಪನಿಗೆ ಮುಖ್ಯ. ಈ ಘಟನೆಯಿಂದ ಗ್ರಾಹಕರಿಗೆ ಕಂಪನಿ ಮೇಲೆ ನಂಬಿಕೆ ಕಡಿಮೆಯಾಗಿದ್ದು, ಈ ಹಿನ್ನಲೆಯಲ್ಲಿ ಈ ತಪ್ಪು ಹೇಗಾಯಿತು, ಯಾರು ಮಾಡಿದ್ದು ಎಂಬದನ್ನು ಕುರಿತು ಆಂತರಿಕವಾಗಿ ತನಿಖೆಯನ್ನು ನಡೆಸುವುದಾಗಿ ತಿಳಿಸಿದ್ದಾರೆ, ಅಲ್ಲದೇ ಗ್ರಾಹಕರಿಗೆ ನ್ಯಾಯ ಒದಗಿಸುವುದಾಗಿ ಮಾಹಿತಿ ನೀಡಿದ್ದಾರೆ.

ಈ ಹಿಂದೆಯೂ ನಡೆದಿತ್ತು.

ಫ್ಲಿಪ್‌ಕಾರ್ಟ್‌ನಿಂದ ವಸ್ತುಗಳನ್ನು ಖರೀದಿಸಿದ ಸಂದರ್ಭಗಳಲ್ಲಿ ಈ ಹಿಂದೆಯೂ ಇದೇ ಮಾದರಿಯ ಘಟನೆಗಳು ವರದಿಯಾಗಿದ್ದವು ಎನ್ನಲಾಗಿದ್ದು, ಸ್ಮಾರ್ಟ್‌ಫೋನ್‌ ಬುಕ್ ಮಾಡಿದವರಿಗೆ ಸೋಪುಗಳು ಹಿಂದೆಯೂ ಸಾಕಷ್ಟು ಭಾರಿ ಲಭ್ಯವಾಗಿದೆ.

ಒನ್‌ಪ್ಲಸ್‌ ಬದಲಿಗೆ ಬಜೆಟ್ ಫೋನ್:

ಇದೇ ಕೆಲವು ದಿನಗಳ ಹಿಂದೆ ಒನ್‌ಪ್ಲಸ್ ಬುಕ್ ಮಾಡಿದವರಿಗೆ ಅಮೆಜಾನ್‌ ಶಾಕ್ ನೀಡಿತ್ತು. ಟಾಪ್ ಆಂಡ್ರಾಯ್ಡ್ ಫೋನ್‌ ಬದಲಿಗೆ ಬಜೆಟ್ ಬೆಲೆಯ ಸ್ಮಾರ್ಟ್‌ಫೋನ್ ವೊಂದನ್ನು ಕಳುಹಿಸಿ ಕೈ ತೊಳೆದುಕೊಂಡಿತ್ತು.