ಮೊಬೈಲ್ ಹುಚ್ಚು ಬಿಡಿಸಲು ಬಂದಿದೆ ಮತ್ತೊಂದು ಮೊಬೈಲ್..!

ಫಿಜೆಟ್ ಸ್ಪಿನ್ನರ್‌ ಮಾದರಿಯಲ್ಲಿ:

ಸ್ಮಾರ್ಟ್‌ಫೋನ್ ಮೇಲಿನ ಅತಿಯಾದ ಅವಲಂಬನೆಯನ್ನು ಕಡಿಮೆ ಮಾಡುವ ಸಾಲುವಾಗಿ ಒತ್ತಡ ನಿವಾರಿಸುವ ಸಲುವಾಗಿ ಕಾಣಿಸಿಕೊಂಡ ಫಿಜೆಟ್ ಸ್ಪಿನ್ನರ್‌ ಮಾದರಿಯಲ್ಲಿ ಈ ನಕಲಿ ಫೋನ್ ಅನ್ನು ನಿರ್ಮಾಣ ಮಾಡಲಾಗಿದೆ. ವಿಯೆನ್ನಾ ಮೂಲದ ಕೆಲ್ಮೆನ್ ಶಿಲ್ಲಿಂಜರ್ ಎನ್ನುವವರು ಈ ನಕಲಿ ಸ್ಮಾರ್ಟ್‌ಫೋನ್ ವಿನ್ಯಾಸ ಮಾಡಿದ್ದಾರೆ ಎನ್ನಲಾಗಿದೆ.

ಪ್ಲಾಸಿಕ್ ಫೋನ್:

ನಕಲಿ ಸ್ಮಾರ್ಟ್‌ಫೋನ್ ಅನ್ನು ಪ್ಲಾಸ್ಟಿಕ್ ನಿಂದ ಮಾಡಲಾಗಿದ್ದು, ಈ ಫೋನಿಗೆ ಮೆಸೇಜ್, ಕರೆಗಳು ಬರುವುದಿಲ್ಲ, ಮೇಸೆಜ್ ಸ್ವೀಕರಿಸುವುದಿಲ್ಲ, ಸ್ಕ್ರೀನ್ ಇಲ್ಲ, ನಂಬರ್ ಪ್ಯಾಡ್ ಇಲ್ಲ, ಸ್ಮಾರ್ಟ್‌ಫೋನ್ ಅಲ್ಲವೇ ಅಲ್ಲ ಆದರೆ ಸ್ಮಾರ್ಟ್‌ಫೋನ್‌ನಷ್ಟೇ ತೂಕ ಹಾಗೂ ಫೋನ್ ಹಿಡಿದಂತೆಯೇ ಅನುಭವ ನೀಡುತ್ತದೆ.

ಒತ್ತಡ ನಿವಾರಿಸಲು ಮಣಿಗಳಿದೆ:

ಈ ಮೊಬೈಲ್‌ನಲ್ಲಿ ನೀವು ಲಾಕ್ ಸ್ವೇಪ್ ಮಾಡುವ ಜಾಗದಲ್ಲಿಜ ಮಣಿಗಳನ್ನು ಅಳವಡಿಸಲಾಗಿದ್ದು, ಈ ಮಣಿಗಳ ಮೇಲೆ ಬೆರಳಾಡಿಸಿದರೆ, ಮೊಬೈಲ್‌ನ ಮೇಲೆ ಸ್ವೈಪ್ ಮಾಡಿದಂತೆಯೇ ಅನುಭವ ನೀಡುತ್ತದೆ. ಹಾಗೆಯೇ ಮಾಡುತ್ತಾ ನೀವು ಫೋನ್ ಬಳಕೆಯನ್ನು ಮಾಡಿದ ಅನುಭವನ್ನು ಪಡೆಯುವುದಲ್ಲದೇ ನಿಮ್ಮ ಒತ್ತಡವನ್ನು ನಿವಾರಿಸಲಿದೆ.