ಜಿಯೋ ಎಫೆಕ್ಟ್‌: ಗ್ರಾಹಕರನ್ನು ಉಳಿಸಿಕೊಳ್ಳಲು ಇತರೆ ಟೆಲಿಕಾಂಗಳಿಂದ ಆಫರ್‌ಗಳ ಸುರಿಮಳೆ!

ಬಿಎಸ್ಎನ್‌ಎಲ್‌ ಇತ್ತೀಚೆಗಷ್ಟೆ ಅತ್ಯಾಕರ್ಷಕ ಅನ್‌ಲಿಮಿಟೆಡ್ 3G ಡಾಟಾ ಪ್ಲಾನ್‌ ಅನ್ನು 1,099 ರೂಗೆ 30 ದಿನಗಳ ವ್ಯಾಲಿಡಿಟಿಯೊಂದಿಗೆ ನೀಡಿತ್ತು. ಅಲ್ಲದೇ ಆರಂಭಿಕ ಡಾಟಾ ಪ್ಲಾನ್ ಅನ್ನು 10GB ಡಾಟಾವನ್ನು ರೂ. 549 ಕ್ಕೆ 30 ದಿನಗಳ ವ್ಯಾಲಿಡಿಟಿಯೊಂದಿಗೆ ನೀಡಿತ್ತು. ಈ ಪ್ಲಾನ್‌ ಅಡಿಯಲ್ಲಿ ಬಿಎಸ್‌ಎನ್‌ಎಲ್‌ 2GB 3G ಡಾಟಾವನ್ನು 10 ದಿನಗಳ ವ್ಯಾಲಿಡಿಟಿಯೊಂದಿಗೆ ರೂ.156 ಕ್ಕೆ ಪಡೆಯಬಹುದು.

ಏರ್‌ಟೆಲ್‌, ರಿಲಾಯನ್ಸ್ ಜಿಯೋದ ಅನ್‌ಲಿಮಿಟೆಡ್ ಆಫರ್‌ಗಳೊಂದಿಗೆ ಪ್ರತಿಸ್ಪರ್ಧೆ ನೀಡಲು ‘Infinity Plans‘ ಅನ್ನು ಪ್ರೀಪೇಡ್‌ ಮತ್ತು ಪೋಸ್ಟ್‌ಪೇಡ್ ಸಬ್‌ಸ್ಕ್ರೈಬರ್‌ಗಳಿಗೆ ಎಲ್ಲಾ ವೃತ್ತಗಳಲ್ಲಿ ಪರಿಚಯಿಸುತ್ತು. ಇದರಲ್ಲಿ ಎಲ್ಲಾ 4G ಡಾಟಾ ಬೆನಿಫಿಟ್‌ಗಳನ್ನು ಪಡೆಯುವ ಹಲವು ಆಫರ್‌ಗಳ ಕಾಂಬೊ ಪ್ಯಾಕ್‌ಗಳಿದ್ದುವು. ಕಾಂಬೊ ಆಫರ್‌ನಲ್ಲಿ ಉಚಿತವಾಗಿ ವಿಂಕ್ ಮ್ಯೂಸಿಕ್, ಸಿನಿಮಾ, ಅನ್‌ಲಿಮಿಟೆಡ್ ವಾಯ್ಸ್ ಕರೆಗಳನ್ನು ಸ್ಥಳೀಯ ಮತ್ತು ಎಸ್‌ಟಿಡಿ ನಂಬರ್‌ಗಳಿಗೆ ನಿರ್ವಹಿಸಬಹುದಿತ್ತು. ಅಲ್ಲದೇ ಯಾವುದೇ ಹೆಚ್ಚುವರಿ ದರ ಇಲ್ಲದೇ, ಪಾನ್‌ ಇಂಡಿಯಾ ರೋಮಿಂಗ್ ಅನ್ನು ಪರಿಚಯಿಸಲಾಗಿತ್ತು.

ಏರ್‌ಟೆಲ್‌ ಮತ್ತು ವೊಡಾಫೋನ್‌ಗಳಿಗಿಂತ ಭಿನ್ನವಾಗಿ, ಐಡಿಯಾ ತನ್ನ 3G/4G ಡಾಟಾ ಪ್ಲಾನ್‌ಗಳಲ್ಲಿ ಶೇ.67 ರಷ್ಟು ದರ ಕಡಿತಗೊಳಿಸಿದೆ. ಐಡಿಯಾ ಗ್ರಾಹಕರು 10GB 3G/4G ಡಾಟಾವನ್ನು 990 ರೂಗೆ, 2GB ಡಾಟಾವನ್ನು 349 ರೂಗೆ ಮತ್ತು 3GB ಡಾಟಾವನ್ನು 649 ರೂಗೆ ಪಡೆಯಬಹುದಾಗಿದೆ.

ಐಡಿಯಾ ಸೆಲ್ಯೂಲಾರ್ ತಿಂಗಳ ಫ್ರೀಡಮ್ ಡಾಟಾ ಪ್ಯಾಕ್‌ ಅನ್ನು ಪರಿಚಯಿಸಿದ್ದು 2G 300MB ಡಾಟಾವನ್ನು ರೂ.100 ಕ್ಕೆ ಮತ್ತು 500MB ಡಾಟಾವನ್ನು ರೂ.175 ಕ್ಕೆ 28 ದಿನಗಳ ವ್ಯಾಲಿಡಿಟಿಯೊಂದಿಗೆ ಪಡೆಯಬಹುದು.

ವೊಡಾಫೋನ್‌ ಇತ್ತೀಚೆಗೆ 1GB ಡಾಟಾ ಬೆಲೆಗೆ 10GB ಡಾಟಾ ಆಫರ್ ಮಾಡಿತ್ತು. ಈ ಡಾಟಾ 3 ತಿಂಗಳ ವ್ಯಾಲಿಡಿಟಿಯನ್ನು ಸಹ ಹೊಂದಿತ್ತು. ಈ ಪ್ಲಾನ್‌ ಅನ್ನು ಎಲ್ಲಾ ಪೋಸ್ಟ್‌ಪೇಡ್‌ ಮತ್ತು ಪ್ರಿಪೇಡ್ ಗ್ರಾಹಕರು ಪಡೆಯಬಹುದು.

ಹೊಸ ಸ್ಮಾರ್ಟ್‌ಫೋನ್‌ಗಳ ಆನ್‌ಲೈನ್ ಡೀಲ್‌ಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ